就嚟37，積極試咗4個cycle都係食白果
一直都食緊孕前綜合supplement、睇中醫調理、用排卵試紙(半定量+CB advanced)、量bbt、交功課時用Pre-seed，呢個階段可以做嘅都做曬，究竟仲差d乜？
每次一驗見到張試紙得一條線就會超級失落，然後就會情緒失控了 
真係好痛苦呀… 
請問有冇同路人/已成功嘅高齡媽媽一齊分享下
4個讚
你同先生有冇驗過身啊? 即你既amh之類同先生精子問題等
知道冇問題的話會易處理得多
2個讚
有驗呀但冇咁仔細，只係基本婚前檢查咋
先生精子正常，我子宮無結構性問題(但冇check輸卵管)，甲狀腺都正常
上個cycle俾咗我d排卵試紙中醫睇，佢話d線夠深色代表卵子質量好，其實有冇關係？排卵紙都睇到仲有人會去驗amh？
排緊時有冇2日開一次工？我唔係高齡，當初備孕時計哂日子都搞左成半年先成功。你而家4個月其實唔算耐，37都唔算好高齡，繼續加油喇！
5個讚
你只係試咗4個月，再試多2個月都無聲氣，建議去做一個較詳細的檢查。
我有朋友試咗成年唔得，去做檢查先知原來兩個都有問題。
排卵日倒數2日+排卵日交功課，total交3日功課
我先生好懶，完全依賴曬排卵紙，叫佢定期交功課慘過推佢去死 
1個讚
請問係睇邊一個專科？我諗住cycle 5都唔得就預早book定 
我無問，不過身邊嘅人睇不育都係轉介（我呢個朋友轉介咗去廣華，後來中咗）
1個讚
應該冇關係，排卵紙只係check排卵期，唔會知卵子質量。去排生育醫生睇下，時間唔等人，想生B要積極D。加油
1個讚
你要睇埋每次period之間的cycle
因為有朋友cycle比較短21日
就要一period完就開工
我都係咁諗，check曬所有嘢安心d
想問吓係應該睇婦產科定直接去生殖醫學中心？
我係好長，之前可以50日 
依家調理中變咗3x-40日，等到頸都長
婚前檢查果啲作用不大，當時我生殖科醫生有寫紙驗得詳細好多，建議男人先驗，有問題嘅女人唔洗驗，直接ivf，女人驗嘅仲要配合period
1個讚
明白，請問你係睇邊位醫生，可以pm我嘛 
我都係排卵期前後交功課，其他日子隨心情
就算睇西醫都係叫你排卵期前後做，唔好聽啲人講話隔2-3日就要做一次，咁樣仲大壓力
其實最好搵個婦產科醫生跟進，同醫生講話想生bb，佢就會教你點做
由最簡單做起，量體溫、排卵藥… 試咗一段時間唔得，就會跟據你嘅情況建議你做咩嘢檢查
我當時係睇醫院嘅婦產科醫生，如果醫生話要做檢查，可以直接向醫院做，就唔洗轉介出去做咁麻煩
我有住院保險，仲可以住院做，保險公司埋單
明白了，請問你係睇邊位醫生？我都覺得有醫生跟進會安心d，但係唔知邊位醫生好
咁又真係懶咗啲…因為如果攪錯咗排卵日／有時早咗或遲咗，咁會miss咗。
我以前驗晒體溫同試紙check排卵，每隔幾日交功課，不過過咗一段時間都唔得，每個月計住日子咁都好大壓力。
最後去咗家計會不育科，等緊報告期間，醫生話要勤力啲，因為佢話就算健康情況下，自然懷孕機率好似得23%左右，要提高機率就要靠量去取勝。
醫生建議我地差不多排卵期，就要隔日交功課，結果我地未睇報告已經中咗了。
5個讚
荃灣港安盧乃本醫生
3個讚
直接搵生育科，有D仲要等2-3個先叫到醫生，婦科唔會幫到D乜。
1個讚
嗯 其實我覺得有時心情或者心態都有影響
你反正都已經咁沮喪 不如再試下換唔同醫生睇下 或者會再有轉機呢
我想同你分享下我既故事
我今年36歲 係高齡 其實我由早幾年開始 排卵期就一路都唔穩定 有時兩個月黎一次 有時三個月黎一次
試過最長係去到九個月 姨媽先黎探我一次
我有睇過婦科既 婦科醫生話有可能係卵巢多囊症但係驗血既結果又正常喎 所以一路都無確診
因為都打算成親之後要小朋友 所以由前年開始 就睇中醫調理 一路睇到上年七月
中醫師話覺得我身體調理得唔錯 不過如果無m 黎 可能真係需要人工受孕啦
咁醫師講到咁悲觀 又食左咁耐藥 咪諗住休息下 點知 食晒最後果次藥 又黎m 啦喎
咁果時打算 都食左成年幾中藥 加上果排又忙緊攪成親既野 咪休息下囉
咁就休息左三個月
10月又去左睇另一位以前睇開傷風感冒果d既中醫（其實我都一路知佢有幫人睇開生仔 話好得既） 呢位中醫開左d 幫手助孕既藥比我食 叫我唔好避孕 食左一個月左右
我自己都無諗到咁快
好似睇第四定五次 佢把完脈 問我 唔會係有左嫁可 我當時仲話無咁快呀麻
隔左成個星期 果次d 藥都差唔多食晒
我先諗起佢問過我，咪諗住反正屋企有棒棒 驗下啦
我仲記得果次個結果係等左一陣都唔見有result 我仲放低左係廁所地下 走左去煮早餐無左件事添
之後係c6 見到發現兩條線 走黎問我我先記得 c6即刻去買多兩枝唔同牌子試 都係兩條線 跟住先book 之後果個星期睇婦科醫生
發現已經七個星期 連閃閃都有埋 醫生仲要話個胎幾穩
到而家個胎五個月啦 黎緊七月尾八月頭 預產期
我其實相信小朋友係緣分黎既 只要自己身體做好準備 緣分到既時候 小朋友就會黎搵你
sorry 講野有d 1999 希望你都早日緣分到啦
14個讚