成日都想買個好枕頭，但買極都瞓唔啱；有時新買用咗一兩星期覺得唔錯，但第三星期又開始頸痛
平嘅街邊排檔六七十蚊，貴嘅二千幾蚊大牌子都試過，有啲仲懶係專業scan哂頭型，都係好瞓得唔好
屋企巳經最少有13個枕頭
究竟點揀枕頭先啱？？？
1個讚
同問 X 2 . 我又係次次買親都唔岩.
就算係店試左舒服返到去都係覺得太硬或太高.
訓多幾日又頸痛又訓"勵"頸 
屋企有無多餘嘅毛巾/被？
衫都可以。
將毛巾/被摺到枕頭size，唔啱就摺高一層/低一層，
慢慢adjust就會搵到自己想要嘅高度。
3個讚
我覺得瞓"黎"頸係因為瞓得太"冧" 你瞓唔正個枕頭, 條頸暗中用力支撐左成晚就會瞓"黎"
我自己之前都易瞓黎, 後尾我發現我唔可以瞓中高果種羽毛枕, 要瞓中間低果種乳膠枕,
我覺得一定要買蠶絲枕頭，而且要 2 年換一次
我之前都係瞓到頸痛，之後係半邊身痛
後來我換咗蜂巢狀（啫喱？）枕頭就冇再痛喇
1個讚
請問你係邊度買？其實我兩三年前試過喺淘寶買一隻好似蜂巢狀軟淋淋嘅係幾好用，但係唔小心俾我用烘乾機搞到變形，之後就買唔番同一間，依家仲要戒甩咗淘寶，都唔知係邊度搵。
另外依家有研究緊香港製造嗰隻枕頭，$720 ，又諗緊要唔要博一博。
訓扁d 既枕頭對肩頸比較好
試下習慣
我都有呢個問題
無你咁多，屋企有5個左右
最貴果款800幾tempur，但都唔岩，瞓耐左覺得太扁
而家瞓ikea羽絨枕都係麻麻地，好柔軟但壓扁之後無回彈無承托
遲d想試下dunlopillow
或者摷返tempur出嚟墊高佢試下
2個讚
講多句，聽過有人話枕頭唔岩，可能係床褥問題
床褥同枕頭都要夾
但變左另一個更大難題
床褥要換好難
4個讚
我就係用呢個方法，瞓毛巾，解決咗問題
1個讚
好同情你，咁多個枕頭調又好浪費，送俾人又唔會有人要，你打算點處置？
做多啲拉頸既動作會唔會先係有效
想知佢試左啲咩牌子
整個心得分享
之前團購咋
我都想買多個，記得曾經喺viutv 有個推銷節目見過
哈哈，而家每隔幾個月左右， 趁換枕頭袋嘅時候，就換一個出嚟用，因為我瞓兩三個禮拜先開始痛，所以不停咁輪著用，但係有啲已經blacklist，因為瞓一日都痛
TempXr, DunXo, SinoXax, DXM, EmXas, IKXA x2, 睡康X,海X x2, 韓國嘅，日本嘅，街邊排檔嘅……
每隔半年至九個月到就想買一個新嘅試吓
1個讚
自己鐘情乳膠枕 英國Dunlup or 泰國 Ubreathing天然乳膠枕 希望幫到你
1個讚
請問係咩牌子
好多人話sinomax好
試過2個呢個牌子，對我都係麻麻