我本身寫啱街名和號數，買咗幾十次都無問題，除左今次，外賣員送咗去同一個屋苑另一座，我在 chat room 同 customer service 理論，佢話人都走左，叫我自己去攞，我隔離緊!? 點去？ 佢直頭 cut 咗個 chat room session, 我煩多佢一次先俾咗個 email address 我去投訴。 今日先知原來佢哋係無 hotline 電話俾人打上去。
之後管理處 call 返我話隔離座同事送返啲嘢食過來，隔咗成個幾鐘，碗湯面都林晒，掉咗無食。 咁樣送錯地址唔知肯唔肯賠? 我領教過 customer service 態度之後我睇佢哋就唔會。
咁大鑊…
你食啲嘢落肚先啦
照顧好身體先
好番再同佢計！！
同時，剛剛我落單叫晚餐。希望正常發揮。
想問吓確診大廈係咪唔會送到上樓？ 但係又唔可以落樓下攞，咁點？
咁佢真係好差
試過幾次Deliveroo送錯地址或者送錯嘢食，送錯咗過嚟嘅嘢唔會收返，餐廳會重新整再送
再投訴多次，試下第二個cs
我果度可以揾保安幫手拎上樓
次次都係嗰個人睇 chat room, 佢哋都係跟 template 寫嘢， email 我出咗，睇下佢點回。
我幫襯左好幾年，見證Foodpanda 來越差。
你呢個情況，記住影證據，有相片佢哋賠償機會大好多，但都係陪禮券。
Deiveroo堅好，試過有次送漏包醬汁，專登搵第二個車手送返俾我。
嘩~~~
態度咁差?!
不如試下消委會網上投訴啦! (唔知有無用)
係啊 我覺得熊貓係投訴無門
熊貓咁差
我幫襯開戶x送，試過送錯另一個set就退回錢去信用卡，又試過攞漏食物，即刻送返過嚟。
上次遲左個幾鐘同送到黎d湯已經倒瀉左，我即影相然後投訴，再係fb inbox佢地，最後又email去不過佢地不停地重複問題同你玩，最後我成功退款因為佢地知道我有時間敵唔過我，樓主等好番再投訴
係啊 試過送錯地址嘢食都係免費重新開單
倒瀉嘢飲 影相submit complaint
基本上即日或第二日退錢
雖然都係無hotline直接打電話
但開chatroom好快覆 回覆唔似templates
會即時幫你打畀餐廳搞
Panda一向勁差
我上次叫袋鼠，送客員話送到，我無收到，submit咗 request 再送，25分鐘內就收到。 咁睇嚟呢方面袋鼠贏熊貓喎。
我有一個次叫
車手未到就㩒制話送到左，但係我開門又見人或者食物。咁我就係app 度report，點知即刻就退左credit 。
退完唔夠五分鐘車手就㩒鐘送到，車手可能想快啲接下單，未到就㩒定先。之後我叫CS收返啲credit 算。
熊貓月費 $65， 但要用一年。
袋鼠 $98 一個月，隨時走都得。
真係一分錢一分貨，$65 一個月係易回本因為我叫外賣都幾多。 香港咁既時勢都係有段長時間要食外賣，忍多一年panda 睇吓點先啦。
用開Lingduck+少量HKTVExpress，不過我地好少買外賣速遞。
咩CS黎架，咁垃圾