我同老公都唔想小朋友辛苦唔開心，所以唔打算谷。唔揀一線個堆傳統學校，二線學校有咩可以揀？
我地另一個地址係72校網，揀34 既二線學校，會唔會同72既一二線學校分別唔大？升中前景呢？另外，72係咪好多腥港人同學？
兩區都唔熟，求分享
thx a lot
齋講抽唔抽得入，34 一直都係地獄網，因為一二線都大把人揀，唔中就飛去黃大仙啲三線學校。
唔好以為二線唔谷，往往好多時二線仲多嘢做過一線。講出黎唔信，41 網二線基華忙過同一校網嘅喇沙。五六年級嗰陣你就會知… 
九龍城二線會好過天水圍二線，起碼贏在升中網，而且…唔係歧視但天水圍讀書風氣同學生背景應該冇咁好。
34 網穩入乙一嘅二線：天光道獻主會
冇喇～好唔好就見仁見智，要爬文搵資料
34 網寶校但勉強可以接受：靈X、X炳、X匠
34 網入到喊三聲好快啲走：領島、紅磡信X
72 網網上好少資料，但綜合得出：
72 網應該還可以（啲資料都幾年前未必準）穩入乙一嘅二線+寶校勉強可以接受排名不分先後家長自行判斷：寶覺、可銘、何德心、靈愛、英業。提示：可銘升中自行入任何同一團體嘅中學都有少少分加。
72 網入到喊三聲好快啲走：李X海、科X創意《—入校網你就會 feel 到邊到唔對路
唔好以為 72 網有咁多間就好啲…呢個唔一定
4個讚
@ocelotofun
好多謝你回覆，我會再慢慢消化同再上網搵。想問下大抽獎甲部，係咪可以填全香港任何一間資助或官立學校？
計過個女得15分，我自己就係43校網其中一間熱門學校既舊生，如果填呢間學校落去係咪可以變20分？
甲部任填，34 網好似冇一間需要你 111，咁所以 dream big，甲二三就留返黎「考慮叩門」嘅學校，有啲學校話需要有揀過先畀機會，咁就填嗰啲。
自行填你母校 15+5=20。43 網應該冇一間係 25 分收唔曬，咁所以 20 分係好大機會入。不過 43 網不利升中，如果可以的話，住 34 讀 43/34。
雖然話唔想谷，但如果唔考慮移民/轉去國際學校，咁你到時候面對升中讀二線痛苦未必細過一線。而且最驚入左啲行政唔好嘅二線/寶校。有好多學校表面好好，實際內裡好唔得，老師輪流走，年年都換走起碼 1/3 老師，你小朋友鍾意嘅老師可能教一年就 bye bye，剩低嘅可能係 hea 等退休嘅老師（無唔排除有好多都繼續有團火）。去到你小朋友畢業，可能一間學校得翻 5-6 個老師係小朋友認識，同影畢業相個老師可能只係識佢一年咁大把叫乜名鍾意乜都唔知，咁樣係咪一件好事？
同你一樣，34網，一二線都谷到飛起，淨返個d就垃圾，我唔想自己變顛婆，只好移民，如果你得34網可以揀，一係搬屋一係移民一係硬食谷一係去垃圾學校
1個讚
其實移民潮之下，入一線機會照計（照計咋）應該大，如果我留晌香港會谷細路入一線。
你諗吓，如果入咗間二線，人少咗，第時仲可能有機會殺校。三線學校反而安全呀，嗰班學生點谷都入唔到一線，反而二線家長會嘗試谷小朋友入一線，學生有機會越來越少。
留得晌香港無辦法。
利申：走咗。在港時31網，都「天地網」架。
好奇一問，領島前兩年換咗校長，有無改變/進步？
基道、牧愛、聖十架。至緊要不是學校谷唔谷、香港地課程好難唔谷、越來越深、至緊要係家長睇唔睇得過眼唔谷成績。唔好expect 又要馬兒好 又要馬兒不吃草就得
我就位處34網， 小女現讀緊中一， 小學係樂民新村基x。 當年揀呢間係因為幼稚園老師推介話係happy school， 兼貪有一條龍中學，升中唔使煩。
入讀後才發現這間學校都係一間比較有壓力嘅學校， 但相比其他較有知名度的小學， 相對上似乎無咁谷。
如果你要選擇34網的小學， 真的不要奢望有一間會少功課少默測考， 諸如九龍城碼頭的聖x， 不少人話係happy school, 但近年亦急起直追， 原因是俾人睇佢哋升到band1中學的%，二來係呢區太多1線中學， 如果小學的程度太淺， 學生好難會跟得上這區的中學。
我女的小學雖然都係谷， 但我欣賞學校對學生嘅操行管得非常嚴格， 而且老師懂得因材施教，so far 我女讀得幾開心。
再補充多啲34網嘅嘢， 呢區1，2線學校好睇係咪將佢哋放3條1㗎， 兼且好似獻主會，農官，馬官，呢啲1線小學及我女間小學，扣門時都要面試及筆試嚟揀學生。
但對比天水圍校網， 我作為家長都唔會有咩需要諗㗎啦！ 34網for sure。 34網始終係名校網，好話唔好聽呢區band 2尾嘅小學， 對比天水圍可能係band 1程度。 我分享一個case俾你， 我朋友個仔原本係呢區讀二年級， 但因為公屋揀樓入咗去東涌， 佢同個仔轉校入去， 佢揀咗1間係東涌屬中游嘅小學， 學校叫阿仔去考入學試， 做完後， 老師同家長一齊睇卷， 我朋友睇完卷後好驚訝， 因為啲卷淺到得1年級程度， 例如2年級開學就要背晒成數表， 但東涌小學的老師話佢哋學校係3年級先開始教成數表， 仲同我朋友講係因為原先學校位於名校網，所以出面啲學校係好進取。
再講番呢區小學嘅 操行都執得好嚴， 因為要上呢區band1 中學， 中學要睇4，5，6年級成績表成績及操行， 如果成績表係B嘅話， 你想入讀band 1中學就真係要靠大抽獎啦！
其實喺香港邊一間都谷架啦。