我第二胎岩岩32週，早兩日流啡去左產前房。一發現果陣量都唔算多，兩個五蚊銀咁大左右啦。之後全晚都冇再出血。
但係第二日放鉗檢查之後又拖返啲血塊出來，咁又唔走得。跟手又係差唔多半日都冇血，但係臨見醫生時又抺一pat出來，同第一日差唔多量。聽到醫生同隔離床講有血就一定唔走得…
我好想返屋企，但係又驚聽日又係見醫生前又有啡。感覺上又似會早產，又冇痛，宮縮又唔密。但係都擔心會有意外。
想問下有冇媽媽有類似經驗？最後係點？上網揾過有人都一直流少少啡到足月，咁係咪要一直住院？
血既顏色點樣
唔係鮮血，係啡色嘅
你聽話留低係醫院，就算返屋企，也是瞓床，
我自己雖然未試過，但係有個Auntie有咁嘅經歷，佢真係好聽話瞓幾個月。
1個讚
流啡都係小心d好
我試過鮮血，係因為子宮外既瘤被逼
返屋企訓床至少可以靜啲同見到屋企人。
冇諗過原來女人都會咁大鼻鼾聲
仲要有好多人係半夜三更開聲睇片，休息得仲差
咁無公德心既
腥港人？
同埋喺屋企唔使戴口罩瞓覺，喺醫院始終都會擔心受感染
除咗睇片，有啲病友講電話好大聲，不論咩時候
媽媽take care，祝你唔再流啡，快啲出院
我35周果時流啡入左院，留到第三日，差唔多夠24小時無流啡可以返屋企，點知護墊比之前快濕左，同埋前一晚淩晨抹到有啡色啫喱分泌，問過姑娘話唔係水唔驚。
所以濕得咁快，我擔心，搵左醫生睇，一用試紙驗原來穿左水！！！
第二日我揀左催生，bb 36周1出世。
果時我係醫院休息唔到，差啲想自己簽紙返屋企，所以你都係聽醫生講留低睇下安全啲。
1個讚
是
護墊快濕左係咪你果幾日keep住都濕架？我護墊就係一直都冇野，完全乾同白色，全日同一時間左右先抺到一次血。對上一次啲血真係好啡色啦，同第一日瘀紅色唔同，希望係流完啦。
啫喱通常就係見紅塞住宮頸果pat野啦
BB出世OK嘛？
之前係不嬲都唔濕，係果日先濕，又濕得多，醒起姑娘話水狀先驚
Bb好健康呀，夠重唔洗諗訓箱
1個讚
流啡真係最好留院，有醫生姑娘監察住會安心d
我之前流啡住產前房，附近床d孕婦全部係就生得，頭兩晚佢地陣痛不斷呻吟，我都係完全訓唔到
小心多休息，唔好想咁多野
今日冇再流血，可以出院啦
希望平平安安等到足月啦
4個讚