請問有冇人知煤氣和電的乾衣機分別，心大心細唔知買電定係煤氣好？thx
之前做過好詳細網上研究之後決定買煤氣，但點解唔記得
煤氣要有近窗出風位先得，冇我份 
1個讚
同埋煤氣好似係平d
煤氣要有位擺，我屋細，結果都係買洗衣、乾衣機二合一
請問煤氣好用嗎？如果亁牛仔褲要唔要亁兩次？煤氣費貴嗎？thx
我屋企可以，不話聽人講煤氣費好貴，但乾嘅時間快，電就平d,但時間就要耐d,所以心大心細中
用緊二合一，好少用乾衣功能，因為太多衫會乾唔透有陣縮味。
係呢啲潮濕日子，我會晾到半乾先至放入乾衣機乾
我通常晾左一晚第朝先隊去乾，所以答唔到你呀
但電費間唔中會有補貼，煤氣無
唔會用煤氣la, 煤氣乾衣 靠熱風吹乾，對 d衫無咁好。E家新既電乾衣機係熱泵式，你當加強版抽濕機原理，慳能源好多，同d衫唔易縮。
Miele同 bosch都有出，你自己比較下
我早兩個月買嘅LG 二合一 ，好有驚喜。
我廿年前用過二合一，真係就算乾多2轉都唔乾透而且D 衫又好皺。
而家呢部LG ，D 衫乾得透又唔皺。只要唔好多過乾衣量嘅上限（即放總容量約7成好了），同埋有時間的話，擺長D 時間：洗衣乾衣的program 共2個半鐘，如果run 完乾衣就拎衫出來，機裡面溫度好高，我發覺反而會有倒汗水，但如果放耐D run 埋之後的有個叫CD 防皺program ，部機會隔約10 分鐘轉一次，同埋部機連埋D 衫慢慢 cool down ，D 衫出來就會乾透。我心得是前後洗連接乾有4-5 個鐘的話（講LG 機），就會乾透。
而家真係返唔到轉頭。我而家全部衫都係洗接連乾，我連bra bra 都照咁樣乾，放入洗衣袋就去洗+乾，可能壽命會短咗，但真係勁方便。
1個讚
請問咩型號？
原來我是舊年10 月、11月買。
WF 字頭是我10月時候買的，型號舊D ，但因為我屋企廚櫃限制，只有這部fit 到安裝入個廚櫃（仲要飛頂先入到），所以就買咗LG 。
用落覺得好好用，咁啱我媽又要換洗衣機，我11月時又買咗FC 字頭的那部去我媽屋企，呢部型號就新D 。
1個讚
乾衣機大致上可分為直排式、冷凝式、熱泵式。
傳統的是直排式。煤氣或電都要有出風位, 就算有排氣喉出室外, 室內溫度都會偏高。
冷凝式用抽濕機的原理, 如果排水管沒有連接去水道, 可以每次乾完衫倒水。以我所知, 冷凝式只有用電, 沒有煤氣的。 冷凝式比傳統的慳電, 室內溫度會暖少少但不會很熱。
熱泵式比冷凝式更高一層, 流失熱能更少, 亦更慳電。
個人覺得買直排式就無謂啦, 唔買熱泵式都可以考慮冷凝式。
2個讚