我老公係咁
搵到錢有學識有情趣又幾靚仔
每日瞓醒見到佢都好開心
林心如媽媽嘅故事
一方面係繼父做咗好多事（隆重期待試菜，換花盆餐具，陪媽媽散步）
另一方面佢媽媽都係一個好用心過生活嘅人（研究新菜式，追求生活精緻）
4個讚
怕寂寞而結婚，結果會比獨身更寂寥。
4個讚
我姨長就係咁既男人，佢當年就係生得醜，婆婆唔想㗎個女俾佢，最後都結咗婚，姨丈好珍惜呢段姻緣，現在年紀大仲日日遊山玩水，又幽默又識氹佢
我身邊仲有兩個長輩都係類似故事，兩個都係窮小生娶千金小姐，現在想起，好像老一輩都比較享受生活
3個讚
打機打機打機
係屋企只係打機，叫佢做乜都話等陣先！ 要我又嘈又鬧至同我出街，一路行一邊打機一邊問幾時番屋企！ 我頂！
心裡觀念女人點都要嫁
林心如呢個故仔係感人嘅，但我又覺得，兩個人一齊講是否適合，無情趣嘅男人本身無罪，找個唔講究嘅女人就大家都好舒服。
我就是個唔講究嘅女人，討厭身邊人黏膩（包括阿仔）。
所以我呢，就好少煮飯，因為我都明白食飯那個人的心態，有時真係會唔啱胃口，唔捧場又為難，煮飯那個又會失望（煮飯要成個鐘、食嘅才15分鐘，真係會好氣餒），何苦要為難大家呢。外人煮嘅，唔使畀面，大家都舒服。
樓上抱怨老公似roommate ，我又覺得ok ，我屋企全家都係似roommates ，我原生家庭都係咁，有事嘅時候自然會團結起來，平日各自修行，都好自在。
2個讚
社會對女人仲有好多偏見。
我覺嫁唔緊要，但好唔對路果陣，就要識走。
2個讚
可唔可以了解吓，樓主當初點解同先生結婚？結婚嘅時候欣賞先生邊方面？
X2，以前有一段時間唔拍拖，因為覺得好困身，各有各生活如果平衡得好其實好舒服。
1個讚
對某些女性，談何容易
（可能你會話我講風涼話）世事都係爭取、適應、妥協…，既然自己衡量了各種利弊，最後做了選擇，便與這個選擇好好相處吧，真的無辦法相處了，就要下決心改變、再爭取。
一直抱怨，又唔去改變，又話被逼，對自己、對對方都唔公平
1個讚
之前小朋友出世頭兩年，真係鬧交多咗，之後慢慢好返
依家個仔三歲幾，我又陀緊一個，依家我哋每日等個仔訓左都一齊睇兩集劇集
我覺得有冇做愛都係關鍵，如果冇親密接觸真係淡好多
2個讚
完全明白，我都係經過呢個階段之後覺得咁樣係折磨自己，宜家化咗舒服咗，無論係拍拖結婚定離婚，都要對自己好啲，唔好激親自己，身體好啲長命啲陪小朋友走遠啲
2個讚
認同
曾經讀過啲文章建議每兩星期做3次，可以維繫感情
但香港人休息時間少，返工又攰，好多夫妻1星期都做唔到1次
3個讚
湊合呢個詞語一向都有，正常中文來，唔係咩大陸台灣。
例句：「話個鳥籠雖然不太好但還算乾淨，湊合著用吧。」
1個讚
做女人最緊要唔好委屈自己
委屈左，人地又感受唔倒
如果對方唔尊重你真係講咩都無用，性格黎
4個讚
ME 2
我同你心態完全一樣~
我朋友叫我搵婚輔,我話唔好攪我,我有精力都放係小朋友或自己身上,我無意思去改善呢段關係啦,我對呢段婚姻已經無期望無失望
2個讚
有另一個真實例子，台灣女星何妤玟----佢同老公有2個女兒，婚姻沒有第三者但就是缺乏激情，經過婚姻輔導後最終決定離婚。
我聽過佢訪問，兩個人表面無問題，就是無咩交流，而且又無親密關係。丈夫表明已經唔愛何妤玟, 何接受不了, 決定離婚。
1個讚
訪問個個金婚夫婦都話要『忍』，但如果要我舌聲忍氣，我寧願一個人。
我覺得婚姻的真諦係『溝通』，比對方知道自己的感受，女人最緊要愛自己先值得被人愛。
4個讚