我個case係, 以上除咗間中嘅感動(陪我去街市, 幫我拎重嘢, 煮早餐俾我), 其他都無。但其實節日同禮物我唔需要。
而有嘅係佢經常為小事甚至係無原因地發脾氣, 傾咩都好都會突然發脾氣而完全無徵兆, 每件事都要得佢同意先可以做, 但一有不如意事就將責任推落我度, 佢做錯或應承做而無做嘅嘢我要自己做返都唔可以話佢,… 同佢傾完都係話會改, 但10年嚟都無咩點改。日子耐咗, 心越嚟越淡… 我要嘅只係想佢將心比己, 尊重返我係一個人, 有血有肉有感受嘅人…
3個讚
唔開心? 一定有, 而且太多, 反而開心嘅沒有太多, 十幾年了, 頭幾年會講, 之後已經無力再講, 心都淡了~
我而家嘅情況係MARITAL STATUS 會填MARRIED, 但過緊DIVORCED/WIDOWED 嘅日子, 不過好在最壞嘅心情已經過去, 而家係也無風雨也無晴~
今日要我簽紙離婚也可以, 繼續咁樣搭伙也無不可, 我自己有我自己生活節奏同樂趣, 婚姻狀況對我無乜影響
3個讚
自己有自己生活節奏同樂趣，對於已婚或未婚既人，其實都係必須既，始終人係獨立既個體
邀請你試下想像咁樣既生活再繼續維持10年或更長時間
你係咪都冇所謂
2個讚
我只可以講, 我未必會(但我唔介意)離婚, 反正無乜迫切性, 但小朋友大個之後我唔會想再要呢個ROOMMATE, 我寧願自己一個人住
你問我有無所謂其實係無所謂, 因為兩者無實質分別:-
離婚 = 日子自己一個人過
搭伙 = 同一屋簷下但日子自己一個人過
2個讚
有諗過分開，但又怕父母擔心，繼續落去又相看兩生厭
大家對好多事情態度都唔一樣，尤其管教小朋友最大分歧
；出咗事就叫我做決定；唔想面對嘅事情就唔理唔睇。試過幾次坐低一齊傾，唔係迴避問題，就係我有我講，佢有佢唔聽。
1個讚
同你一樣… 就算傾好點做, 或佢自己決定點做, 出咗事就將責任推落我度…
我覺得只有自己一個人孤軍作戰
睇到呢度有幾個sis都對婚姻心淡嘅心態，但仲維持婚姻狀況，我雖不太明白，但覺得，如果兩公婆都唔再努力改變現狀，情況只會越來越差。
為自己(或為仔女)，真係要做出改變，繼續(改善大家關係)定離婚(改變不了)。
3個讚
你哋結咗婚幾多年？哩個情況持續左幾耐？
有冇試過做D嘢「修補」下夫妻關係？雖然聽落好似好刻意，起碼表現重視
有冇小朋友？
女人係鐘意「渣男」懂女人嗰種細緻呵護
我老公係好男人，真係學唔嚟
好多人都係咁
可能因為… 好多人（男/女）當時結婚時就已經只係為搵個伴，並唔係同一個愛嘅人一生一世
連當初結婚時都已經唔係因為「愛」，有無愛係婚姻度，可能唔係重點
身邊有個朋友，小朋友幾歲就同老公分房瞓幾耐，佢覺得無問題㗎。但如果老公遲返屋企半個鐘，佢會好疑神疑鬼，好介意。
唉… 呢種心態，已經好本未倒置
4個讚
同老公冇鬧交已好好了
我真係同你一模一樣. 不過我無小朋友, 隨時都可以離, 唔離又唔會有咩感覺. 讀到你呢個留言我有啲感動, 竟然有人會明白我呢種情況.
1個讚
十幾，未夠20年
之前係有嘗試修補，但中間仲發生左好多嘢，一次一次裂縫加深，以致於我無力亦無意再做乜嘢去修補
有小朋友，係我喺婚姻中唯一得著
1個讚
而家能夠淡然處之我都覺得係一種福氣
曾經會喊，會傷心，會嬲到手震心跳
我有個朋友同我情況差不多，佢仲豁達，話覺得佢老公係個天派嚟渡佢修行，要保持正能量，但話今世夠了，下世唔好再相見
4個讚
絕對認同.
1個讚
信佛教嘅就係咁嘅心態
你嘅另一半係你嘅修行菩薩
就係你今生有咩唔好，佢就係嚟整治你
不過我就唔想有下世，做人真係好辛苦
2個讚
以為指 aa 制
睇完呢個故仔先知道世界上有啲咁嘅男人⋯⋯
會唔會太夢幻？
不過我覺得自己會選擇麵包多過愛情
我性格比較man，睇錢重啲，老公反而勁嗲。
樓主有冇睇過一段片，一個男人話想離婚，然後女人就叫佢比一個月時間佢，每日要攬佢錫佢講我愛你。好快男人就諗番起當初拍拖時嘅愛情熱情
當然樓上有sis講係性格脾氣問題，我覺得如果對方改唔到，就唯有改自己。
我老公都好曳，好似trouble 2小朋友咁，會激我，然後仲教我要學會保持『心如明鏡止水』唔好咁易嬲，well 真係好嬲定好笑？不過我都練習緊
如果冇小朋友，離婚都係好方法。
1個讚
淡如水唔緊要，但動輒發老婆脾氣，睇低個老婆就一定唔得
5個讚