由細到大都好鍾意食糖，加加埋埋蛀左5隻牙
前排食野覺得大牙冤冤痛，以為又蛀左牙要補，點知牙醫話無得救，要杜牙根/植牙
杜牙根就平d，但杜完之後隻牙就會死左，之後因為會裂開都係要拔，治標唔治本，植牙就貴d但一勞永逸
有冇jm有做過杜牙根/植牙，大家覺得做邊樣好d？
留到真牙盡量留，一嚟平啲，二嚟風險低過植牙
3個讚
杜牙根先，杜完再整返牙套
1個讚
大牙係難救啲，如果做到杜牙根就可以做牙套，杜唔到就要剝咗佢再植牙
我都會揀杜牙根…
認同，我都杜過牙根。而且真係盡量留真牙，
當年我無整牙套，幾年後崩埋隻牙
所以建議如果無錢嘅太大擔憂，真係要整埋牙套。
而且好坦白，植牙唔代表可以一世㗎
有D牙醫講過有D人植完10年後都可能再搞。所以真係建議盡量Keep番隻真牙先
我就覺得如果隻牙留到就留，做杜牙根，多數牙裂既人都係無做牙套，或者無保養好隻牙，我老公就杜牙根+半陶瓷牙套，都用左幾年先開始有裂痕，我自己就做植牙覺得貴啲但拔咗隻牙就唔使煩，不過杜完牙根如果都係刷得唔乾淨，一樣可以再蛀，大前提係揀完邊個手術都係要保養得好
植牙都唔系永久咖，一般壽命係15-20年，老左牙齒移位都可能要再整過，當然耐用性係因人而異，你本身有冇好好護理、身體同口腔狀況都係影響因素。不過佢係將你成隻牙連埋牙根拔出黎，貴係貴啲不過以後唔使你煩
我都考慮緊杜牙定植牙…. 好糾結, 杜牙根同牙套係兩舊錢, 植牙一筆過又冇咁多手尾, 你老公杜牙+半瓷牙套幾錢? 植牙又做咗幾多錢?
我杜牙根加牙套，到宜家應該有八年完全無問題
不過我個牙套做大咗唔靚，可以搵個手勢好啲嘅
我都係
細個嗰時杜咗冇做牙套
幾年隻牙就收咗皮
而家仲未去植牙
長期一邊咬嘢
聽講植牙好麻煩 好易發炎唔係好敢整
我到而家都無植牙而家咬嘢都小心。硬嘢唔敢食。我之前食齋燒鵝而收咗皮
我老公杜牙根係做左四千至五千蚊，包埋檢查，牙套就全瓷係最耐用，要六千銀加埋就萬幾蚊。我植牙就兩萬啦，牙套都有分級數，都有貴啲嘅選擇。
係架
牙醫無同我講
你係邊度做？做得好唔好？想參照下
我同老公都係祐德做，以前一直去開呢間睇牙，都睇左四到五年，老公杜完牙對上個次牙裂都係佢唔小心咬太大力，先出事，幫我哋做個位係行內都出名既，都有十幾年經驗，杜牙同植牙都係佢幫我哋兩個做，所以都好放心
睇下牙裂情況啦 裂得太嚴重就直接植牙喇
唔嚴重既就杜牙根 可以留到隻牙點都比植牙好既
不過植牙比杜牙根以後嘅保養 換牙套嘅價錢相對較劃算
我都系祐x做 植牙價錢唔貴 而且做得幾好
植大牙大約總數幾錢？
我系祐x做
韓國品牌 $19000
瑞士品牌 $28000