住town 仔的生活又真是單調些。
喜歡gardening, 看書，youtube, 做手工嗎？
你的問題應是所有香港移民唔多唔少有的問題。
你或者找附近的part-time，義工 做下，讓自已感覺好些
完全同意，家務做慣咗就唔洗用腦做咁濟 except 煮嘢食
之前小朋友返咗學，可以自己一個一路做家務一路聽podcast 同audio books 係我每日都好期待嘅快樂時光。係自從疫情停課之後就想死…
煮嘢食係最大煩惱來源 
多過五個steps 都覺得好煩
1個讚
我而家襯小朋友返咗學會出下去行吓museum 咁囉，食嘢一個人食又好似好on居咁，雖然有好多餐廳想試吓
，yea maybe after settling down I will find a part time or volunteer work, need to expand the circle of friends and network
我反而期待我細囡讀小學，我想去學車同學多個language 
2個讚
完全係我初初移民嘅寫照
飯又唔識煮，興趣真係行商場
但經過幾年的，而家我都多咗好多興趣，煮飯/做運動/鍾意揸長途車road trip，依家諗返當年喺香港嘅自己真係好悶
當你小朋友返學你就會識到好多其他家長㗎啦
1個讚
我呢d無細路嘅，唔知到時生活會點？
唔知揾到乜嘢工
我有啲好現實既問題、香港返工都叫有mpf加自己儲下養老本、去到做ftm無咩安全感
都可以返工，住屋食材平咗都一條數
有朋友因為咁，特登返一份he工，儲NI
1個讚
見無細路嘅鄰居，佢有返工，但都覺得英國好悶，無街行，無嘢玩。有小朋友嘅就會好忙，無時間悶。
我同鄰居講，英國好多博物館，好多郊外地方，花草樹木，但佢對呢啲無興趣，日日煲劇煲到已經無咩劇可以再睇。
另外一個退休鄰居，就好多閒情去種花，又積極搞鄰居聯誼活動。買屋租樓遇到麻煩，用好多時間慢慢講數，擺返好多錢。
有一位無仔女嘅長輩朋友，參加教會，周圍識香港老人家，教會又好多活動，佢就好充實
4個讚
我呢d坐唔定，出去行下應該有地方行
但如果冇車牌，又住嘅地方冇嘢行係慘d
佢唔open d出去睇下，就好似坐監咁。不過可能都係過渡期jie
1個讚
佢已經成日周圍去，去咗好多城市探朋友，但都覺得好悶。後生女，慣咗旺角啦
1個讚
仲有細路要睇住、見托兒都貴、真心感謝香港工人姐姐、解放香港女性有多個選擇
最想安頓後搵到兼職
2個讚
好似無咩人講自願性 NI 供款，可以係下年度一次過買返上年度的 NI 記錄。
同樣退休年齡前，夠十年供款記錄就可以按比例咁有退休金。
計過數，退休年齡後五年未死就打和，長命過五年就變褔利。
1個讚
去到旺角咁繁忙嘅地方就有d難攪
我覺得呢兩年俾左好好磨鍊、少左去夜街同多左煮食、唔可以同香港比架啦、唔去太偏遠地區住應該問題不大、唔駛成日行街既
3個讚
做F TM都唔關移民事，我做咗幾年F TM屋企大大小小事都關我事搵唔到嘢又關我事，加埋最怕既煮飯，我覺得好悶，其實我有好多興趣嗜好，太忙都唔得閒做。
我盡量唔同香港嚟嘅媽媽圍爐，無論嚟咗10幾年定幾年都好，佢哋真係好奄悶，日日喺度講韓劇大陸劇講八卦嘢，你去過書局行過圈，望吓有冇你嗜好發掘下，我終於鼓起勇氣，用爛英文認識本地人，圈子好唔同，大家傾吓睇咩書，最近學緊咩，互相比到大家好多靈感，我而家喺YouTube學緊水彩畫，學緊英文，揸車，仲有身心靈。
但我老公成日覺得我懶，但又唔想我返工，我係做創作嘅，我都準備工作，開部電腦就做得，希望屋企瑣碎事可以分返俾老公小朋友自己做返，大概唔好細既又跟，有工返起碼唔好對我咁多要求，一見我有時間就想剝奪我嘅生活，香港男人最煩嘅就係太傳統
我只係想做返自己，同埋可以照顧小孩
12個讚
我一定要揾工啊，唔夠錢啊，想問吓讀year 8 通常番放幾點?
我果區有幾間酒店，好想做吓執房唔使用腦賺番d 飯錢，求神拜佛時間夾到
3pm左右