未移英前一直自己搵自己洗
出走後做FTM，日常支出靠老公一份糧
初初仲有新鮮感 但日子耐咗又開始悶 （其實好多家務兼有兩個小朋友要照顧）又心思思想搵工
最近in咗幾份工，又keep住有agent聯絡
但就愈黎愈迷失，諗唔通到底自己想要乜
唔返工就日日家務接小朋友煮三餐，得閒同朋友食吓早餐
返工就使錢鬆動啲，但又怕自己兼顧唔到
5個讚
本人覺得 返工開心好多 你搵到工 小孩有人照顧 時間ok 就做下先 兼顧唔到先resign 發掘下看看點係最舒服及開心的
未試過又點知兼顧唔到？
你想長遠喺度生活，一定要融入社會，返工同本地人溝通好過同香港人圍爐
利申：有返工，雖然有工作壓力，但個人有返動力，開心咗
1個讚
就係囉，心入面長期兩把聲
一把叫自己有得試點解唔試
另一把就覺得自己嗱屎上身，好地地可以日日陪小朋友點解要返翻香港咁忙碌既生活
呢樣未諗通，諗住見步行步，唔知after school club or nanny or 鼠出去接
呢度d人好準時放工，冇香港返工咁忙
最緊要你安排到點照顧d細就得，返下part time都好
首先wkm轉ftm通常都會迷失，唔關邊度事
既然去左個新地方又心思思想試下咩試lor~ 但要同屋企人溝通好，例如你做ftm係expect 你好好照顧2個細路既話，咁呢家走左去做野係咪maintain 到細路生活既quality？細路係咪已經settling in 可以放手比你走等等。
莫忘變做ftm既初心。
4個讚
呢排in幾份都係自己果行既full time工
識既行內人都可以work from home但工時長
所以先更加糾結
1個讚
容我俾小小分享:
如果 WFH 通常可鼠出去接, 如果屋企和學校距離近, 但如果遠應該唔得了,話雖當地人比較慢活,但工作時都非常專業認真… 如果你和先生都工作了,就可以讓小孩去breakfast club 和 after school club, 應該也不太困難吧.
如果你覺得處理到,自己會開心點, 不妨試試. 也不是一定去到外國就要當 ftm, 也不是說當 working mum 就是把香港的搬到這裡來.
我現在OT 不比在香港時少, 而且睇電話傾偈嘅時間比在香港少好多喔哈哈
就係覺得如果自己走咗去做嘢maintain唔到小朋友既生活quality
出返黎做嘢只係純粹自己想解悶+追求事業
所以有時諗自己都幾自私 但又同時覺得要maintain自己mental health, 因為真係開始有點depressed
3個讚
希望鼠到啦，如果鼠唔到要小朋友日日breakfast club after school club我又好唔想
怕佢哋會好攰
最好解決方法係做part time.
3個讚
有d 可以返4日 做滿每星期要求的37小時, 然後逢周五放假…
雖然我未移英 不過都想比啲意見～ 我覺得如果你鐘意工作 唔好因為小朋友而抺殺咗自己既人生 諗個方法令自己可以兩者兼顧啦！加油！
4個讚
喺外國搵工通常都唔會搵幾份就有offer，除非你係做it呢啲搶手行業
未搵到嘅，可以去屋企附近做吓part-time當融入下當地生活先囉
咁如果驚照顧唔到小朋友，咁應該要取捨，搵份part time可以解悶又可照顧最好
返工主要為左融入當地生活，識下英國人
完全唔返工，個人會有 d 頹
3個讚
搵pt 試下先啦
長工邊可能兼顧到小朋友
針冇兩頭利
1個讚
揾吓義工
1個讚
點解鍾意做野？ 我諗除左錢應該有滿足感呀成功感個d野比到你吧？
要試下係ftm生活上搵返呢d感覺出黎，甚至當run family 當run business 咁去run , 換一換角度去manage 你既family business. 老公係partner, 佢比舊錢你管理屋企大小事，咁kpi 就係剩幾多錢，小朋友有無笑臉，日常有咩comment.
又或者自己學d 新野去unlock skills, 例如整下野食，去新地方買餸，識多d local 人等等。呢個係提升媽媽力既時候。
既然出去做野唔可行住，咁屋企真係擺返第一位比較好。所以問題重心係你點去適應ftm 生活，而唔係搵返工逃避，因為仔女需要你。面對左佢地先。
我會建議你keep 一本journal, 做ftm 無人同你開會，你就自己同自己開去寫低日常，慢慢就有目標架啦。
18個讚