我都好擔心，能否做到全職媽媽，我都唔鐘意煮野食，
又鍾意瞓覺。
依家經常留係屋企好似好頹。或者試下好似返工咁化妝，著靚少少，睇吓會會唔會提升d精神。
而且香港還好，可出去行街買嘢
uk 冇咁多嘢玩，又唔方便。我冇心機由朝到晚諗食乜同點整靚間屋，返工揾錢好過。
可能最後我返工，老公湊仔
1個讚
我有朋友移民咗英國後，媽媽找到份本行工，公司所有媽媽都喺2:30放工湊仔，人工就當然低啲，公司一直請唔夠人。佢有兩個小朋友都喺小學。
我自己喺一個好憎煮飯家務湊仔嘅媽媽，臨移民喺香港做過一排ftm，好辛苦。
但去到英國，就愛上了做ftm。因為呢度唔洗跟功課，有焗爐煮食容易，有洗碗碟機家務易做，無咩塵我一星期先叫鐘點抹一次。天氣涼食物易保存。無小強無蚊唔點清潔都無所謂。
時間多咗，我就學英文，揸車，英國歷史，睇bbc學習英國文化。
留意我本來喺完全唔識煮嘢食，入廚房會崩潰嘅人。但而家老公都話我由level 0升咗上level 2，可以應付日常需要啦。
13個讚
我都係咁既款。
成日係屋企等夠鍾接放學，心情好就煮個好 lunch
悶到顛左
但有冇覺得煮飯煮到懷疑人生呀？
以前平日姐姐煮，星期六日外賣
依家一日煮足三餐
仲有無盡家務
我唔會煮足三餐呀，除咗晚餐，其餘都係想食先煮
但晨咁早送仔女返學，返來都要食 d 早餐，接仔女前又會肚餓，都要食 lunch
我通常都係朝頭早食個包飲杯啡, 跟住到放學後大嘅得閒睇住BB, 我先整啲嘢一齊tea。
最怕老公wfh, 佢會期望我煮lunch(但係又唔得閒幫手湊住BB)
1個讚
即係都要煮，如果可瞓到 11, 12pm 重可 skip一餐。
早餐日日包，多士，cereal, 蛋, 咖啡
試過一個月午餐食公仔麵，餅。忍唔住煎返塊扒
咁又唔得，公仔麵唔食得咁多。我煮嘅話就煮米粉多，貪佢快煮好，簡單過其他pasta。
1個讚
我都係由細到大比工人湊, 小朋友也是, 亦係地獄廚神, 諗一餐都唔想
所以我嚟到就搵工, 一個月都未有就返工, 從來冇做過 ftm.
唔好比d固定想法或者別人意見影響,
既然屋企有能力就試下返工囉
可能試咗唔中意,反而中意做 ftm 種花呢!
1個讚
米粉又冇湯底，但又唔會日日整個湯底比自己
所以食公仔麵。不過發現煎扒更易
，所以有時煎扒
午餐都要開火真係好攰喎。西化d會唔會好d呀？ 三文治，greggs d hot pastry, iceland有急凍放入焗爐完成。
1個讚
我就係咁，佢一星期只返一兩日office，在家日子成日想我開爐煮熱野食，因為佢話返工已經成日食三文治
所以先覺得煮到懷疑人生
係嘅，可能都真係要跳出comfort zone
未試過真係唔知hand唔handle到
返工米好西化，貪方便日日三文治囉。唔係夾 burger 就夾蛋，菜。
鬼佬同事唔會日日三文治，搞到我想帶返飯
1個讚
都唔係呀，我睇過某幾間學校，唔算太貴，係可以接受嘅價錢，就算賺最低工資都可以cover到嘅，同埋跟返學校果d就得（即小朋友讀果間，你2個小朋友，有d學校會有個少少嘅discount添）。盡量唔好搵私人，私人係貴好多。
不過初到英國，搵pt試下先囉，應付到先再慢慢搵ft。
好多人陪你，我都係等小朋友大有d 自己時間先搵。
外國有度好，地方大，天氣好時去哂下太陽，望下風景已經好舒服。
這種迷失，移唔移民都有喎！