覺得好灰心
為左個唔應該為既男人而灰心，痛
但可惡既係，忘記唔到，我自己都好辛苦
2個讚
樓主剛剛分手?
至少樓主有有絲清醒
唔會忘記唔到，只有未忘記到。
有更好嘅就會唔記得㗎啦，忘記係需要時間嘅
2個讚
將來覺得好笑
4個讚
秒忘
明白，但時間可以沖淡一切，加油
2個讚
活得比佢好呀樓主!
記住吸引力法則，你要諗住你係值得更好，咁好男人先會睇到你
1個讚
暫時上既失意
過一排就會忘記
分手先係好事呀對女人來講，唔係點遇到下一個對自己好嘅人
1個讚
其實已經大半年，我唔知算係咩感覺，又唔係掛念，係有種唔甘心唔忿氣既感覺，個男人係忽然間冷淡，走左佢，避開你果種，最終佢都無講清楚，就咁消失左，留左個問號俾我。
我會唸點解佢會咁，但唔會有正確答案。依種感覺真係好辛苦。
就算將來再識到其他男人，我會驚左，失去信心，唔知對方係咪又會無啦啦走左去。
1個讚
男人係感情上都吊兒郎當，唔拖唔水， 傷心一段時間好了，女人青春無價寶，亦是有限，放過佢放生自己。 ，唔好令自己太唔開心， 感情重來解釋唔到是對是錯。 明天還要繼續生活和成長。
有更負責任既在前面，希望妳會遇上
1個讚
我以前都遇過呢種人
明白果陣不明不白被分手既感覺
(可能只係叫做曖昧)
但呢d人真係不負責任架喎
又俾唔到安全感
過來人揮手
如果正正式式分手，有一個道別，都唔會傷咁耐。最痛係突然消失/冷淡，被分手果個就日夜諗自己做錯乜，不斷輪迴。
記得十年前都試過為一個人傷心咗好多年，直到有一日學咗個term 叫prolonged grief,其中一個原因就係無一個正式道別。果一刻突然叮一聲，無謂為一個習慣逃避嘅人浪費時間，幾中意都好，一個咁嘅人唔會畀到幸福自己。
依家回望返都好感激果個人，因為失去佢我學懂愛同珍惜我老公。失敗唔緊要，最重要係學識由呢啲經驗去令自己成為更好嘅人。依家仲係傷心唔緊要，咁先證明你有付出過真心，對呢段感情無愧！加油
4個讚
唔好睇呢個人睇得咁重要，突然消失好多時都係因為呢個人漁翁撒網，而之後佢心目中排位高啲嘅目標又終於入咗網。
唔好浪費感情同埋時間係啲垃圾身上。唔好為咗啲垃圾諗咁多無謂嘢同埋多愁善感左咁多。
做女人最緊要有自信先至會有吸引力。加油。
1個讚
我都試過突然消失
明明前一日仲拖住手去街
跟住失聯 電話 電郵 去佢住既附近成日搵(當時唔知佢實際住邊) 都唔見
又擔心佢有乜事
然後消失後兩年 無啦啦出現返話係我屋企樓下同想見下
最後我叫佢走 完全唔想聽佢解釋
當年佢為乜消失至今仍然係一個迷 當一個教訓
一個佢真愛你點都唔會令你擔心及失聯
2個讚
樓主，可以講嗎少少嘛？
你地本身已經拍緊拖？
um…你around咩年齡，男方同你差不多？
故事係咁樣, 有少少長, 唔好意思
重點係其實我一直都當佢係朋友, 唸住可以昇華成為情侶, 咁先至傷害
"6年前, 有個識左10幾年既男仔追我幾個月, 突然一日, 佢消失左, 無再搵我, 我當年有message問佢咩事, 佢話自己未ready…
之後, 我遇到另一個男仔拍拖結婚… 直到上年我地婚姻出左問題, 開始分居…
無獨有偶, 依段時間係街撞返依個男性朋友, 又打開返話匣… 佢知道我自己搬出黎, 知道我婚姻情況, 佢話佢有後悔當年就咁走左佢, 佢想同我一齊, 但當時佢自信唔夠… 我認為佢今次真係認真, 而我一向都係鍾意佢既, 所以我無拒絕佢對我好, 追求我既行為, 我都好想同佢一齊, 我以為我地緣份真係咁深, 可以有第二次機會重新開始。但礙於我未正式簽紙離婚, 我心裡面有種唔好意思既感覺, 所以我無正式同佢開始拍拖, 只係曖昧, 但我心裡面有佢, 係唸住辦好手續就同佢一齊。
可惜未夠一年, 個男仔第二次離開我, 變得冷淡, 問佢咩事, 話想自己冷靜下, 唸下… 直到一日我真係已經頂唔住要佢講清楚, 佢就話覺得自己俾唔到將來我… 但無交代詳細, 即使我同佢講我同老公已經通知左律師開始緊簽紙程序, 依個男仔都係無動於衷… message 已讀不回, 我覺得自己真係好傻。
另一方面其實我好心痛, 我同佢相識18年, 對我黎講拍唔成拖唔係大問題, 唔想拍咪交代一句已經可以, 唔需要已讀不回咁討厭… 好無風度。
同埋, 點解可以無情到連10幾年既友誼都唔要? 我真係好心痛…成心好似碎左咁…我俾佢傷害兩次"
2個讚
類似故事好似早排見過, 係咪都係你呀樓主? 仲未MOVE ON到?
希望係得我一個, 已經大半年, 我以為時間可以沖淡一切, 但係唔成功
1個讚