想請教有無人子女到大咗仲有瀨尿情況？
我個小朋友就快九歲
夜遺尿就基本上每晚都有 抬少佢一晚去廁所，佢一定會瀨濕床
而一星期差不多有五至六日都有日間濕褲情況 （一日2-3次）（要面授返學果期除外，可能係生活較有規律）
已經做緊以下行為：
六點後唔飲水
每晚抬佢去廁所痾夜尿
日間恒常提點佢要去廁所，佢把口話唔洗去，然後幾分鐘後就濕左
試過bed wetting alarm 如同無效果一樣，嘈到大人醒曬，佢都唔會醒
經家庭醫生轉介排公立醫院兒童泌尿科 仲有2個月就會第一次見醫生
但又驚見完醫生 再排治療又會拖好耐
諗緊去睇私家醫生，但網上唔多相關資訊
只見話有口服藥物 或者做手術
請問有無人有類似經驗可以分享？
謝謝！
我好明白呢個困擾，一黎擔心佢身體問題，2黎係張床肉真係大wok,
我仔係就算停水，12點，3點半夜叫醒佢去toilet，佢轉頭再瀨。。無定向
當時已經搵左私家醫生，泌尿科，但到見醫生前幾日佢就突然無瀨，所以就無睇去睇。
大約係到小1下學期先無再瀨夜尿
比唔到意見你，但加油！
謝謝你
好彩你個仔突然識停 因為呢件事在我地家庭真係幾困擾
我地放防水床單+寵物尿墊落佢張床，所以張床仍然安全
但佢都大個喇，成日怕佢在學校一時忍唔住，濕咗褲俾同學見到有排笑佢
雖然而家唔需要返學
但一晚換左四條褲，真係人都癲
當佢投入做一樣嘢，佢就完係忘記要去廁所 頭先就係正正打緊機時失守多次
即係佢日頭都會？咁真係要睇醫生
我仔係夜晚架咋。
我覺得點都要搵多個醫生睇睇 聽下意見
係呀日頭都有呀，一星期五至六日啦唉。。。
睇醫生一定會，仲有2個月就到我地睇公立醫院
但怕見完醫生又有排排治療
所以諗緊轉睇私家 而又想先搵下相關資訊 例如費用
小朋友係感受唔到有尿意？定係佢係忍唔到入廁所先去？同埋你話返學無事，咁係咪屋企有咩因素令佢咁樣？
已經咁大個，最好盡早處理啦，好多人一路到成年都仲尿床，夜晚著片瞓。將來佢有可能會去外國讀書、拍拖…諗落真係好大影響
我見樓主係想要多啲私家醫生既資訊
想問返清楚，公院有咩治療你係咪已經知？洗唔洗我講下？
要返學時, 有小息
放學就食晏, 然後休息一陣做功課
做完功課就去玩
每個環節都按時按候 所以識定時放尿
問過佢其實感唔感受到急尿, 佢話感受到, 但唔強
往往想去痾時已經太遲
多謝關心, 已經處理中
其實兩樣都想知 網上搵到資料唔多, 都係見食藥 或做手術, 手術都有分大小 小至打針, 大至開刀
我地公立個期仲有兩個月就到, 其實有少少覺得唔差在等埋…
唯一驚既係, 見完醫生又再排期做治療, 真係驚等到2046先考慮睇私家
如果你能夠分享就太好了 謝謝你
睇到呢度，你小朋友只要定時定後去洗手間就冇問題。咁其實佢似冇乜責任感多D，如果痾濕咗褲你有冇懲罰佢？例如要佢自己洗褲、抹地等。每次都等到最急先去洗手間真係太遲，呢個係壞習慣，唔似生理上有問題，當然如果check到泌尿系統有問題就另外搵方法會幫佢，不如你好好同佢傾下，唔好等到最好一刻先去，每1-2個鐘去一次，每晚8點少飲水，瞓前去洗手間，教小朋友學懂責任，痾濕咗唔係換條褲咁簡單，要佢知道後果。當年我小朋友戒片，我都係叫佢自己洗褲、抹地，再話佢知佢有能力可以控制自己嘅vv，如果想多啲時間去玩玩具就先學懂自己去vv，痾濕後果要做多啲嘢變咗少時間玩。如果你真係已經有同小朋友認真討論都未成功就睇吓醫生有乜實際建議。
咁樣先鼓勵佢做到日頭唔賴尿先，一急就去，因為聽你咁講，其實佢控制到
有罸, 罰到佢已經去到一個 i dun care既地步
都有鼓勵 (但有時真係鼓勵唔落, 有時一聞到陣味已經火遮眼鬧左先 唉)
經醫生建議 我地寫緊佢瀨尿記錄 方便日後醫生深入了解&跟進
留意到佢太投入去做某一樣野 無論係玩定做功課 就會完全忘記自己需要痾尿
其實係漏定瀨？
好少要去咁多次小便㗎？飲好多水？
我自己細個有夜遺尿 不過只係夜晚
睇公立果時問家族史我爸爸果邊有親戚都有 果時就話有機會遺傳原因 同埋膀胱未發育好
無咩可以做到都無follow up
最後去到大概11歲就自己好左 無呢個問題了
媽話我細個成日半夜尿左要換褲換墊 成日訓唔好 日日熊貓眼好可憐
果時我半夜真係完全唔會有尿意 所以尿左先濕醒
公院兒童泌尿科都會要求小朋友＆家長做呢個紀錄
其二，要留院一晚，檢查膀胱容量
其三，會見護士，教小朋友每次屙尿點樣排清尿液
藥物方面，尿量多主要係身體缺少左一種抗利尿激素，食藥會幫助增加抗利尿激素，如果只係夜晚有夜遺尿問題，就只需要夜晚訓覺前食
呢啲你都已經知道？
我分享呢個case係1x年前發生，而家唔知有冇咩updates
日常生活應避免飲刺激性飲料，例如咖啡，茶，汽水
既然做父母已經盡咗力，佢咁大個人都唔care，真係無能為力，唯有等醫生睇吓有乜意見幫到小朋友。
聽過一個情況，小朋友有自閉症的話，去到青少年時期仍然會瀨尿
漏定瀨? 請問定義? 唔好意思唔太明白
飲水唔多
佢可以去得多小便, 一個鐘4次都試過, 我地亦留意到佢成日未痾清就走左去 繼續做返佢做緊既事
竟然咁follow up 辛苦了你&媽咪了!
我自己&老公都無呢個問題, 可能要再問遠D
謝謝你分享! 呢D都唔知道, 網上真係唔多相關資料
請問檢查膀胱容量係唔係類似呢D? 尿動力學測試 | Hong Kong Urology Clinic 香港泌尿專科治療中心
日常已經無刺激性飲料 
我覺得係佢知自己大個, 再被迫要做呢D行為 就惱羞成怒 i dun care咁樣
所以要搵專業人士去幫佢喇
明白, 我都聽過, 確實最近佢係被懷疑有自閉傾向
但疫情轉差, 未有機會做測試
謝謝你
路過，唔識解答，但好想幫樓主加油。覺得樓主好好脾氣好有耐性，希望你嘅問題好快解決啦。
之前睇過中醫，聽過個人濕氣重都會容易有夜尿問題。雖然小朋友嘅問題唔係咁簡單，但可唔可以呢度入手？改善到少少都好
謝謝你 
中醫真係無諗過, 研究下先