個胃斷斷續續唔舒服好耐，又想嘔又谷住。
醫生開咗特效藥俾我，食咗幾日仲未好返，唔知點算好，如果食多兩日未好返就要照胃鏡。
但而家我胃炎又搞到頭暈暈咁，都唔知去唔去到照胃鏡 
好驚
結果長時係咁，最好去照一照，可能唔係胃炎咁簡單
冇效就快啲覆診，話佢知食咗都唔掂，睇吓佢有咩意見
病人有時要比返feedback 醫生先知點做
仲有兩日藥 我食埋佢先
要照一定要照，而且我可以講，係唔會好返，只可以控制
我有呢個問題已經4年5年了。。
我照左胃鏡，亦驗左，無菌無特別問題
我係忙起上黎就會唔食 開心時就大飲大食 精神壓力等等。。。
種種夾埋 有一年我急性胃炎入左醫院3日 我既胃病就從未好過
我每次都係半夜3，4點開始痛 （唔知以為撞邪），好痛 架，肚， 胃，上腹，背，係痛到漲到，形容唔到既痛，要食強力止痛藥，有2次試過要仆去私家24小時門診打針先止到痛
唯有改變飲食習慣，食7成飽 戒晒所有spicy, 硬野 ，冬菇， QQ 彈牙，糯米果d，都要戒。。。仲有我最愛既糖水都要戒 要食就中午前食，甜野會令胃酸變強。。 食清d，要飲夠水
食清d 只食6，7成，戒口，我就會安好
果種痛 令我聽話
4個讚
一定要照睇下嘜事先，如果問題唔大，西藥幫唔到就要轉食中藥，我之前都系咁，食左西藥都好痛，根住轉食中藥半年就好返。都好返7至8年，但係呢排又痛返 可能食無定時，我過多幾日都會再睇中醫，因為啱啱照完都係胃炎。
如果食晒藥都冇改善，一定要去照呀
我之前試過日頭成日頭暈暈胃痛，不過我慣咗所以唔覺得好痛，晚晚瞓列半夜火燒心，以為心臟有事，所以入私家，醫生幫我驗咗眼，又睇過個腦同心都話冇事，直至有個腸胃科醫生話，如果個腦同心冇事，可能係腸胃問題，叫我照下
唔照唔知，原來我個胃差少少就穿窿，醫生話胃有5層，我傷到4層半，係胃潰瘍，之後我去醫生度覆咗3、4次診，而家好番晒，都好少胃痛，除非自己好多個鐘唔食嘢至胃痛
我同你情況好似，但我已超過10年了
而且當年發現，係因為剛出嚟工作忙到癲，一忙起上嚟做到超過12點。又試過食完Lunch衝番公司嘔。1個月輕咗7-8磅。
根住睇醫生，食咗好勁嘅胃藥都唔好番。轉介我睇私家專科 (好彩有朋友識呢個醫生每次收我好平，否則醫窮)，然後照胃鏡。胃炎好嚴重。我仲嘔到食道炎。
根住我辭咗職，休息一排。但到而家都好易胃痛。少少情緒唔開心係即胃痛。壓力大就會胃炎發作
就去探醫生。如果太耐無照胃鏡，都建議我照吓。係解決唔到盡量控制㗎咋
3個讚
樓上話睇中醫，你哋有冇試下？
有段時間有㗎，之後放棄咗
其實中e一定系長時間，我去博x睇平d，一次拎十日藥粉，都好方便，因為我之前食西藥止唔到痛，去左幾次急症，但又幫唔到d嘜，我先轉睇中e囉。
試左一排… 但好困身, 又難搵夾既中醫… 所以放棄左…
我睇開個中醫, 只開1至5, OFFICE HOURS… 好難成日請假…
同埋睇左中醫後, 係有好轉…但… 只要我一忙, 情緒唔好壓力大… 即使我已經戒晒口, 食少D, 都會痛, 只係唔會大痛…
想問吓照到胃潰瘍之後，係咪食完藥半年內要照多一次？
穩陣起見照胃鏡
先西後中，中醫起碼幾個月
我一直都腸胃唔舒服，食唔到野飲水都飲唔到，連去廁所都有困難。3年前病發得嚴重，要去照胃鏡，半個胃發炎，仲有幽門羅旋菌，仲搞到腸都少少發炎。食左大量藥幾個月，幽門羅旋菌無事，胃都好返d。停左藥後有好過一陣。
其實直到而家個胃都係脹氣，又係食唔到飲唔到，幽門羅旋菌仲返發。醫生話因為無專針對胃部既消炎藥，所以要好返真係只靠自己控制飲食同唔可以有壓力，係好難好返架
我個腸胃病都應該有10年，長期食腸胃藥，胃既功能得返正常既一半。我試過真係要戒口，控制食量同進食速度係會無咁辛苦，雖然係好難好返，但我覺得唔係咁絕望既。唯有自己乖d。
唔知你情況係點。我之前有寫過飲食紀錄，會留意自己食左d乜，幾日後就會唔舒服，你紀錄3至4個月，就會睇到個pattern。我自己唔食得豆類奶類，麩質類，西蘭花椰菜花。特別係M前2星期食某d野就會特別腸胃脹，就要避免食。M後狀態好小小，食小量又會可以。
你應該去照胃鏡，睇下有幾嚴重，同埋有無幽門羅旋菌
我記憶中最早有胃氣胃漲嘔胃氣是30年前。一直都有嘔胃氣，到2017定18左右嘔血絲，到荃灣戴鱗趾驗血後，跟著就好彩有得排仁濟快期照胃鏡，照胃鏡同時抽組織化驗。
胃炎不要拖，不要諱疾忌醫，好彩未係胃癌和潰瘍，驗到幽門螺旋菌。幾星期ppi加兩隻抗生素後，已絕少有胃氣。
胃鏡一定要照，無論排期多久抑或照私家。
不要讓胃炎拖到變胃癌。
我個陣最初係私家彩，醫生寫紙轉介去公立
但我唔記得係唔係半年後照，你知啦公立排好耐，唔一定係半年
不過我記得去公立照嘅時候已經好番晒，唔使食藥同唔使再覆診
即係等待複診嘅過程 未照胃鏡已經好返？
我都發覺、以前成日胃痛、做左全職媽媽之後好返
1個讚