我移左民一段時間
Ftm 嘅交際圈子最緊要，開頭識嘅全部都係香港媽媽圈，大部份媽媽都係好忙冇乜「生活」，佢哋有返工，口齒伶俐，但講到生活完全答唔到嘴，一係就煲韓劇大陸劇，一係就講八卦嘢隔離屋個老公有小三⋯⋯
一直丈夫都認為係我問題…
後來識咗白人媽媽之後，生活完全改變晒，大家傾吓睇咩書，有咩嗜好，大家分享生活上嘅靈感，全部野都好正面，好有推動力，你會知道自己想要咩
重申一次，唔關種族問題，唔好局限自己，擴闊生活圈子好緊要
我英文唔好，都要加把勁練習
14個讚
好睇人，有ftm updated過我，亦有ftm只識講柴米油鹽
其實我有堆同事都係乜都唔識，返咗幾十年工
所以我本身唔覺得ftm係一個問題
4個讚
ftm又好wkm又好, 都係一份工作, 都係人地阿媽
都有人wkm工作以外既野咩都唔合唔識
脫唔脫節在於自己肯唔肯keep住學習同接收新事物
以前就話ftm困係屋企咩都唔知姐
而家個個識上網, 大把新聞睇, 大把野學, 大把野交流討論
脫節只係個人既問題, 唔係ftm既問題
4個讚
洗腦都要有「實力」
事實證明我地婚後大部分決定都跟我，所有嘢都係走向正軌
eg試過短期租service apartment比我老公話是住邊個unit，結果短短半年時間佢工作特別唔順利，我個個月都無啦啦病
係呢樣嘢之前我對自己都冇依家咁有信心，但原來由我老公話事，「安居樂業」可以變得咁難之後，我覺得自己更加唔可以為咗老公所謂「自尊心」去遷就佢
我地依家住呢度，住咗4年唔夠，大人/小朋友 touchwood無乜病過，就算作作地病，瞓一晚就無事，無食任何supplement
當然仲有好多生活例子係令我老公好信服，我老公本身係好大男人㗎，所以d大男人本性有時候又會彈出黎
2個讚
如果我是ftm…看新聞…聽收音機
香港長大嘅人，生活好多時好有局限性。
係香港，大家通常都係傾仔女讀書，邊度補習好，邊度有好嘢食，去咗邊度旅行，呢啲風花說月嘅事。好少好深入咁傾偈。一來大家忙，二來，唔想太深入，免尷尬。
2個讚
我都覺
香港人唔多花時間在家中培養興趣
可能屋企細, 多同住家人 根本無私人空間去發展任何事
然後就只會花錢出去玩 / 飲飲食食
去到外國就相反, 外國人花好多時間在家做唔同事
6個讚
叫唔叫做宅呢？
咁你覺得佢地成日stay home, 個人有無同社會脫節離地呢？
又唔覺佢地宅喎
宅對我的定義係 生活圈子得自己, 唔叻同人交流
外國人多留家, 只係可能外出消費高
好多時佢地都請朋友去自己屋企搞dinner party, BBQ gathering
然後會各人都帶D自煮食物去朋友屋企咁
我有朋友移民美國，佢話個邊d人好興甩底，開party 甚至結婚，d人話到到到但最後只有3成人黎，朋友講到呢種甩底好common 係地方既norm 黎，英國有無咁樣？
我聽完係好詫異，已經係白人區但情況就係咁，而且唔係膚色歧視個種。朋友話第2日見到甩底既人通常都要當無事發生照吹水，對方亦唔特別有歉意，因為真係個norm d人係唔care.
好似香港人講 bye bye前加多一句，得閒飲茶咁。冇人當真咁？
好興甩底咁慘 預備到一屋食物咁點算
又會唔會, 朋友未係好深交, 新朋友會唔會就覺得"去唔去都無所謂啦"
(我唔係支持新朋友可以甩底, 想了解下點解會好興甩底唧… 會好唔開心囉)
我地每次返英國 個個都當我地貴賓
耐無見嘛, 所以又無甩底 
香港人工時太長，放工後淨係想放空。唔想諗太多。
2個讚
唔係啊，去到wedding 程度，invite 當然係認真，要預野食架ma
咁都得。婚禮請得都係好朋友，俾我我會嬲。
我有咁樣探問，但其實我朋友都住得耐又有返教會做pt 平日同隔離鄰舍吹開水，佢嫁個local 都估唔到home wedding 係咁, 佢當下係唔開心架。
at the end 佢find out, 當地大大小小既gathering 都係咁架，佢唔係特別個個。上心就輸啦。
當地人心態係咩都應承左先，亦唔好意思當面話唔黎。到當日就睇心情想唔想去lor。如果你事後真係問返對方，佢都只會話：係啊，當日臨時有事啊，咁你party 好無玩啊…咁樣帶過。
所以我朋友話，好假！白人區都算中產區，但d人好假！！
佢嫁去當地，但又唔係一落地即結婚個種，所以仲有時間同local 混熟，佢已經請佢覺得算熟個堆人。
1個讚
唔怪得有時見外國新聞話小朋友，例如有先天病，或者本身唔太好人緣嘅小朋友，佢哋請朋友參加自己生日party，但最後無人嚟，結果自己阿哥家姐上ig post story 請網友嚟… 我當時都覺得好奇怪，乜呢啲唔係plan 定先，如果冇plan ahead 就唔怪得人… 但原來佢哋culture 係咁…
1個讚
好慘呀!!!
我都參加過先生果邊親戚的婚禮, 我地除左搭飛機返去 再揸三四個鐘車去架
我地結婚時, 佢D親友都係咁飛過黎
又會唔會唔同國家文化… ?