我識果個又唔係…不過佢老公都係好宅…
即係大家去唱K…佢又要去, 但又唔會唱…又唔會食野…自己坐埋一角咁
女就都做大公司, 都好似幾高級咁…但真係生活白痴…白痴到佢會響我地面前SHARE
我地就覺得佢由中學之後冇進步過咁…
要得到男人嘅尊重，講真都係要靠自己努力
本身我同老公相識時就係一齊讀書，大家學歷一樣，一齊畢業，唔係佔「低風」嗰類FTM
佢知道我做FTW/ FTM係為家庭付出，適當時候我都會「提醒」下佢
最近我諗到一樣嘢，就係我唔做嘢，其實係將我接觸男性嘅機會減到最低，某程度上我覺得係我老公一個陰謀（佢好有先見之明）
我研究我自己個盤，明明應該係桃花底嘅，點解婚後會無呢？原來唔返工係可以斷桃花
之前學整包插花做瑜伽99%女同學，已經令我忘記有桃花呢樣嘢 我一返風水班（男多女少），d桃花好快出。
1個讚
哈哈哈，其實我都係因為咁樣立志唔返工～
以前返工係d日日同唔同人吹下水嘅工作。
我係覺得自己既然唔係好必要要嗰d錢，避開不必要嘅麻煩，乖乖相夫教子，何必同d做嘢叻嘅人比較呢。
不過而家ftm咗幾年都真係返唔到轉頭，努力鼓勵老公搵錢算。
增值都唔知向咩方向好，無目標，學歷幾高，就更加搵唔到目標（正宗高分低能）。
炒吓美股算。
1個讚
想問下你個風水課程資料呀，好似讀得幾深入喎！
邊方面呀？
都係ga
FTM固然要有自己，但老公同小朋友，對FTM的世界確係好重要。
唔返工可以少好多無謂應酬，可以將時間比重要的人
2個讚
係 ar
另一伴的認同或者支持係好緊要
我都係同我老公由讀書識咗十幾年
早幾年時我做 FTM, 我有個又係讀書識咗好久嘅朋友竟然係我老公面前話 我唔 “生性” 唔出去做野
咁我呢個朋友只係拍緊拖未結婚
我老公知我其實都好 care 人地話 我做 FTM, 因我有時同佢傾心事有提下
佢當時即刻幫我回個朋友話 我做 FTM 都係為屋企付出好多 日日唸煮咩食 又幫屋企慳咗好多補習錢etc…
(因為我個朋友之後仲有 judge 我平時係屋企D空閒時間有咩 做）
之後我老公私下哄我話 如果我要重心放工作 我一定仲大把出路過我呢個friend (就當我老公安慰下我都好 至少另一伴認同你, 外面的閒言閒語就無咁易打擊你）
6個讚
呢樣嘢好認同
心地好嘅朋友，會話你就好啦，唔使做有人養
（但FTM知道呢樣嘢唔係真）
心地唔好嘅朋友就會話：唔做嘢好易脫節㗎喎，以後老公唔要你，點算… 唔返工唔會悶咩⋯⋯ etc
講真我覺得FTM內心係要好強大，因為90%嘅人都會覺得你「無貢獻」。就算老公本身支持開個老婆做FTM，比d亞豬亞狗講講下，有時候都會入到腦，所以我地FTM，亦要定期同老公進行「反」洗腦，真係好鬥智鬥力㗎
做FTM反而係好需要自我要求高，自我鞭策，否則搞搞下，老公會比人洗腦，然後自己都會被老公+身邊人洗腦覺得自己無價值，然後就自我放棄，變成眾人口中的「黃臉婆、肥師奶、懶人」
8個讚
雖然我唔係ftm ，但我認同
同埋要好有自律性及組織能力，安排分配時間做家務、陪小朋友玩、學習、沖涼食飯等等，冇得日日hea做，又冇得話射波就射波
做ftm 根本一d都唔容易，所以我見d ftm 仲可以學d手工藝或者睇書進修，真心佩服
1個讚
大部分認同，除咗呢個point，覺得佢哋未必心地唔好，而係佢哋自己都觀念錯誤，覺得ftm=冇技能所以返唔到工。而有技能但唔返工，唔單止係嘥咗個技能，係直情嘥咗個人！
之前行誠品見到本書係一個香港醫生定律師出嘅，講在職媽媽嘅育兒技巧之類，好記得佢喺自序度話當時佢掙扎究竟返工定全職媽媽時，佢自己媽咪比意見係「我教個女出嚟讀咁多書，唔係叫佢第時湊仔煮飯做家務！」
自序總結係作者自己都矮化ftm，而唔係比較自己想做邊個多啲嚟作出決定。
6個讚
其實除此之外
有時候「某些」朋友，因為自己要返工養家，但家庭經濟狀況不容許佢自己做FTM，令自己感受好d，就會自自然然地將「返工」好處放大10倍，某程度上係透過貶低人地，令自己感覺良好d
5個讚
係呢度要解釋下先
桃花亦代表人緣、異性緣
2個讚
FTM先難後易
小朋友越細就越困身，到小朋友去到小學，FTM係會多咗好多自己時間，不過去到「教仔」嗰part，難度亦會高d
其實FTM都有好多種，無話一定係一個類型
就好似為人父母咁，其實都真係有d冷血父母，所以無話父母就一定會全奉獻自己比下一代
自己係咩身份都好，做好呢份工，心態好重要，樓下看更都有分hea做同勤力啦
5個讚
我好佩服 ftm，我自己出咗世媽咪就無咗嘢，我都諗住自己會係咁，我又想生，所以諗住結婚生完小朋友就做 ftm，但係做緊份工都幾有滿足感，同埋放咗幾個月產假我就知搞唔掂，做 ftm 會精神崩潰。都係返吓工，有得分散吓好啲…
ftm 要咩都識，又要應付突發事件，心理強大。
我好似另一個 poat 都講過，除咗 ftm，我最欣賞啲識欣賞 ftm 嘅老公，知道老婆為屋企付出同犧牲。
潮住目標
其實正確係叫homemaker, 而唔係housewive
唔知點解香港唔興依個概念
吸引力法則
可以pm我課程link嗎？謝謝！
點樣定期同老公進行反洗腦，教幾招俾我地吖