是咁的, 農曆年前全公司薪酬調整, 我就趁機同老闆傾加人工(4年無加), 佢就話疫情呀, 今年生意未必好呀, 希望你體諒之類…總之就唔肯加比我, 但佢加晒比全公司佢口中嘅"基層員工", 唯獨唔加比我佢口中嘅"高管員工", 個心已經十分不爽, 暗下決心揾工
mi mi mo mo 到三月頭我發左第一個求職email, 幾日前in左, 今日收到offer, 大家幫我諗諗我應唔應該跳槽:
呢間公司前前後後做左10年以上, 人工我覺得係underpay, 但5-day, 工時正常, 自由度大, 同事相處無問題, 有commission
新工會加26%人工, 但每日工時會長1-2小時, sat 要長短周, 工作量foresee到亦會大d, 無commission
我working mom, 工時正常對我嚟講都重要, 打算一年左右會移民, 所以想搵多d彈藥 (但又諗都就嚟走轉嚟轉去有d無謂)
而家份工如果加埋commission 其實又同新工份糧差不多, 轉嘅動力又唔係好大
但我又真係好唔妥我老闆輕視我, 睇死我唔會走咁唔肯加人工比我
有d人生交叉點…
計劃移民，原本份人工加埋commission同新人工差唔多，咁純粹為啖氣做咁多動，你自己覺得係咪值得先？而家公司既自由度大，真係可能好大架喎
預移民就唔好走，而家留住儲彈先、費事適應左新工又要走再適應新環境咁煩）條氣係唔順，不過一年後都移走就唔理啦
會睇下多幾多人工, 如多15k一個月, 我會轉, 即total多200,000到 (當13個月糧)
反正去外國都要轉工, 趁早離開comfort zone 適應下
會加多過呢個數, 但計返工時同工作量又可能無乜著數到
新工無commission 但有bonus, 而家呢度已經4年無加人工無bonus, 可見將來都唔慌會有, 講錢嘅話我覺得係40/60 , 新工只秤先小小
介唔介意講宜家commission幾多%左右?
我又覺得仲有一年
唔gur 咪照轉
無咩所謂
就算唔開心都係忍一年就夠
反正對舊公司忠心都無回報啦
惟一concern 係影唔影響湊仔啫
每月大概多一至兩萬
我都有咁諗, 如果新工好唔對路咪最多早d起錨
呢樣最令人氣結, 除此之外我其實唔係特別想走
一日未返新工又真係唔知會唔會要勁OT
唔轉啦，多好多錢就話姐….工時多咗但錢無多到，何必為口氣而轉工呢？都係做多一年姐
舊工底薪+ commission 之後, 同新工比較
人工相差幾多%左右呢?
Working mum，我唔會做長短周嘅工，因為影響親子時間，星期六話返半日，其實無咗成日。
如果兩份工 overall 嘅錢差不多，我唔會轉，會繼續搵另一份工。
我諗年薪計差廿幾萬左右
新工多過舊工呢個數?
我都有咁諗, 因為我都係第一次interview 就有offer, 都有諗係咪應該in多幾間比較下先, 定係默默忍受老闆差別待遇算?
係呀, 底薪計係咁上下(因為唔知傳說中嘅bonus有幾多)
人工2邊似乎都差不多.
反正都移民, 而你都覺得新工唔對路可以早已走離開香港, 咁舊果份都一樣可以~
新果間工時長, SAT 要返工已經係我既至命點, 我唔會轉.
如果你每星期本來番朝九晚六, 即係8個鐘, 咁舊工係番40個鐘一星期
假設你新工係令你星期一至五每日番多1個鐘, 另加星期六5個鐘, 即係一星期番多10個鐘, 即係番多左25%既時間
咁如果新工比舊工(底薪加上commission) 係加多過25%, 我先會覺得值得轉工
你分析得好好, 我都有咁計過所以唔係好大動力轉
我又有諗過一係同老闆講多次, 唔加人工都加我commission rate, 咁我條氣會順d, 如果都係唔加先quit, 叫做同自己有交待
好~支持!!!
另外認同樓上網友講
可以keep 住搵工先
認同啊，加上新公司真實環境係點都唔會百分百肯定係咁。既然1年後會移民，不如做埋呢1年。起碼穩定。你又可以襯呢1年Settle同處理移民嘅事。
唔止無左星期六 連happy Friday 都會無埋 抖一日又要再返工 係好攰
以前返過長短週 之後我搵工一見到要返長短週就會skip
再講多句 我覺得呢個年代要返長短週既工多數都唔好做