想請教下，有無聽過瑞吉歐教育法?? 響香港算唔算common??聽落個concept好似幾好咁，但實際上小朋友學唔學到野??有無家長用過??求賜教 
呢啲幼稚園都有用瑞吉歐教育法。簡單啲講即係學生主導，相信學生潛能，老師提供「環境」（不限於大自然）。呢啲唔少中小學都有沿用或者用類似方法（只係多少，有啲可能係一堂/星期/月）。呢個方法係好嘅，小朋友採取主動學習，但好需要老師準備一個豐富嘅「環境」。幼稚園上面圖已經有列出，可以慢慢一個一個睇。小學黎講，官津校少啲資金去做呢樣野，最多都只係一個 topic 去做。
2個讚
有聽過，仲有馬鞍山esf 都係。
如果用香港主流小學幼稚園嘅standard 去評論，會有家長問「都唔知小朋友喺學校做乜 / 學咗啲乜」之類嘅評價。
感謝呢~~好詳盡,等我逐間睇下先…OH, 我又唔知道小學都有做wor
同埋我見有d learning centre 聲稱可以透過瑞吉歐做到zoom class，係咪唔太可行? 
因為要有比較豐富嘅環境
感謝呀~~~其實我都有呢個擔憂呢
1個讚
Reggio Emilia 主張冇既定課程，小朋友探索到咩就係學咩，就會有「家長都唔知個小朋友學左咩畀咁多錢到啲有咩用」。佢同 Montessori 有啲似但唔一樣，Montessori 主張混齡，幾係 K1-K3 一齊上堂，但 Reggio Emilia 冇呢樣。Montessori 有分唔同科目嘅探索，但 Reggio Emilia 冇，所有學識都係日常生活。學生有興趣學咩就畀佢探索。
中小學有既定課程又要考核評核，最多只能夠係 topic 探索，例如科學常識堂，畀學生小組探索任何植物生長，學生可以種植物去紀錄研究再匯報，亦去動植物公園去紀錄同採訪，最後大家一齊做個匯報講返自己所學所得。只能夠做一兩個單元因為呢啲越高年紀就越需要老師去籌備，project 成效亦要好小心去準備。老師亦要好小心好仔細去紀錄孩子探索過程。幼稚園學前教育就會好適合，但係中小學實行就會非常困難，所以上網見到嘅都係講幼稚園，好少講中小學，就算係嘅話都係類似，但唔會係正宗嘅 Reggio Emilia。
Reggio Emilia 冇可能 Zoom 做到，呃人成份多。因為個教育法個宗旨就係要小朋友同其他小朋友一齊主動探索，用手用心探索環境。Zoom 得部 ipad 電腦，又冇其他小朋友又冇大空間畀小朋友探索，咁樣完全做唔到任何野。
1個讚
如果你諗住上香港local 小學，咁寧願local 幼稚園。如果唔係只會學校happy 屋企sad
即係好似free play咁，提供環境同物料任由小朋友自己探索同操弄？
無錯。如果用遊戲黎比喻，即係一個 multiplayer sandbox (e.g. GMod、GTA)，做乜都得，但老師要從旁寫低 observation，同埋用 open-ended 方法提問，同埋做 Siri 補充資料。所以要做到標準 RE 唔容易架。