幾個月冇睇呢個forum, 入到嚟睇到C阿媽 d comment, 嚇親以為去錯網站…
5個讚
講得好
有白卡唔一定係精神病
有精神病都唔一定會做衰野
唔通有白卡既人就一定會做衰野?
3個讚
睇呢個post先知白咭原來係指殘疾人士登記証，所以我唔知有無貶意。
但係有呢個証並不代表可以享有福利，例如智障人士，佢哋去康文處打下波係有優惠嘅，但唔會有傷殘津貼，搭車要比全費，至於綜援，同普通人一樣視乎家庭收入。
2個讚
我開頭都俾佢嚇親架
但愈有爭議既野先容易引人關注
當C阿媽係假膠好了，哈哈
2個讚
以前讀書
老師有教褒義貶義呢個課題
白卡本身應該係中性，不帶任何褒貶義，在乎講果個人既心態賦予佢咩意義
所以，我都同意既然有人提議不妨留意一下
好彩睇哂咁多留言，係得呢個人比較偏激姐
1個讚
响連登見到講精神病既野，接觸到呢個ig acc
諗起之前呢度曾經有人討論白卡
呢個post寫得好詳細
3個讚
勁搞笑，呢位媽媽開口埋口講到自己最明白事理
其實自己先係識少少扮代表
唔好意思，我都唔想咁直接咁講你，但你態度真係好有問題
以前返工，同事進修日，某學者提出過「正名」呢樣野，樓主指出老人痴呆症正名呢個例子，我記得主講果個學者當時都有提出係用左好長一段時間先做到，社會人士需要時間去接受，講慣左唔係咁易改到口，正名對一部份人黎講可能覺得麻煩，但對於腦退化症病者同佢地既家屬就意義重大
除此之外，我仲有印象學者提出一個反思，我咁多年黎都會不時提醒自己要留心改下口
（我文筆唔係咁好，儘量表達）
當時我作為智障人士服務者，我地一句句子如果講正常人xxx，智障人士xxx，好易令人聯想到智障人士就等於唔正常
當時我班前同事有人唔認同，覺得洗唔洗咁麻煩，我果刻雖然都唔明白，但覺得講者都有佢既道理，所以一直記到而家
咁唔用正常人，可以改用咩字眼？學者指出，我地可以講“我地普通人/一般人xxx”
有一段你一口氣講白卡，智障，正常外表，呢度你都有啲野搞錯左
智障人士外表係同普通人冇分別，我地知佢係智障人士可能係基於佢某啲行為／表現特徵，而唔係外表；唐氏綜合症先會响外表上區分得到
呢位識少少扮代表既媽媽，一開頭講白卡有傷殘津貼攞係無敵，下一句又講乜食老綜，前言不對後語
樓下已經大把人講返俾你知政府將唔同既殘疾都統一歸類為殘疾人士，殘疾人士就可以申請白卡，而白卡同傷殘津貼係兩樣野
人地講佢叔仔係弱智人士，你又覆人既然有病點解唔可以攞優惠
你留意返，智障唔係病，唔可以用藥去治療
再者，我想問小朋友／大肚婆係有咩優惠著數可以攞？
人地攞白卡做野表現唔達標，就可以俾你白卡白卡咁叫？誤以為人地有傷殘津貼攞，其實你會唔會係唔抵得俾精神病患者搶你飯碗？覺得佢有傷殘津貼攞就唔好學人走黎返工？
你自己慣左鬧人白卡係你既事，點解精神病患者就唔可以介意人講佢白卡？一定要俾你話？工作表現唔達標，乜一定係同佢攞白卡有關？你會唔會係想表達同精神病患者做同事好委屈你？咁我覺得同你做同事既人仲慘XDD
（註：樓主有講自己係情緒病，唔係精神病）
PS：唔覺意用左呢位呀媽既語氣口吻講野，唔好意思，你點對人，人地點對返你
其實，我打呢個留言都打得幾辛苦，好怕一個唔小心踩到果位識少少扮代表既媽媽條尾，會俾佢鬧一大餐
補充，呀識少少扮代表，你有個留言用得條友呢啲字眼，你既可憐善心留返俾你自己好過啦
我就真係替你仔女可憐喇
9個讚
放心，呢個forum絕大部份人都好友善
你話恃老賣老都似似地
只係，身為智障人士照顧者果種辛酸不足為外人道，仲要放大弱點去攞所謂著數，係有苦自己知
睇到呢句笑左
”識少少扮代表”呢個名又改得幾好
你又會咁好心機同佢慢慢解釋既
佩服佩服
主要係睇到佢有太多內容講到錯哂
佢自己討厭白卡，就放大哂啲負面印象
樓主話聽到白卡兩隻字感覺歧視，佢第一個回應就已經夠哂歧視人，仲要啲態度差到咁
係呀，我平日比較多留意心事分享、家庭關係呢啲post，見到好多會員都好樂於俾意見，通常傾下傾下，慢慢就會搵到方向添
反而我自己响現實生活難啲搵到咁有耐性肯同我用文字溝通方式傾偈既人
2個讚
可能佢聯想起之前幾單商場襲擊案，所以咁激動？
呢樣野真係得佢自己先知…
希望佢唔好歧視情緒病/精神病患者，唔好一見到白卡就跳哂掣
btw，呢啲襲擊案，我最近冇留意，不過記得早10年8年，曾經有人講過傳媒報導係會令人對精神病患有所誤解
隔離post呢個講得勁好，分享一下
咦…真係唔知原來長期病患者都可以申請白卡
下面呢個留言，回應左有關福利呢樣野
PS.岩岩先知原來拉返上1樓，係有得揀“以摘要檢視此話題”呢個選項，又幾方便喎
對呢啲人洗乜咁客氣