有無爸媽有疫情下生B 既經驗分享?
疫情好似沒完沒了咁, 1516唔知去私家定公立生好
公立就好驚會受到感染都唔知, 最近好似都聽過兩單
私家感覺安全D, 不過唔知先生可唔可以陪產? BB係唔係要定時定候先可以見得?
私家生係唔係餵母乳都會比較困難?
上年響私家醫院生BB
當時無咁嚴重
只要孕婦同老公
入院前交口水樽confirm 無中肺炎
老公就可以陪產
母乳方面有得揀生完之後餐餐餵
定係水奶+母乳
今年一月未喺公立生
因為先生未打齊兩針，冇得陪產
我生個陣產前房唔多準媽媽
但生完之後產後房好多人
我生完就全母乳，直至出院
但我有聽到有d媽媽問護士拎奶水
雖然公立係母嬰同室，但有時太攰或者呀b勁喊，交俾護士佢哋都會幫忙睇住呀b
私家雖然比較穩陣, 但其實私家生如果住大房人多, 中嘅機會咪一樣高, 陪產就要睇個別醫院既安排先知
聽講好似BB 係分開一間房, 要隔住玻璃睇佢
少埋到身, 餵母乳可能會難D, 唯有返到屋企自己勤力D追返, 陪月都好重要
我一月喺私家生，但當時疫情未有而家咁嚴重唔知有無再收緊咗
當時有得陪產，順產的話入院時爸爸媽媽會即時喺醫院做檢測，開刀就預早幾日去交口水就得。訪客有限時限人數，我果間醫院就無咗隔住玻璃睇bb，但媽媽隨時可以去餵奶房餵bb，不論人奶定奶粉都支援好好。
私家唔同醫院做法唔同啦
我有朋友上年係港怡生, 老公可以陪產又可以探訪, 而且BB可以同媽媽全日同房架, BB餓可能即刻埋身餵到, 佢地大房都係兩張床, 個次佢生仲要間房得佢一個, 變左獨立房, 聽佢講的姑娘仲幾NICE幾好
1個讚
我大概一年前私家生，有陪產屋企人12-8都可以探，都可以隔住玻璃見BB。媽媽就餵奶時間可以見bb。餵母乳一定唔會困難，想全母乳既媽媽係可以隨時去餵BB，姑娘見媽媽無去重會打黎提
我自己想休息，Bb係育嬰房有姑娘睇住同餵都放心。
2個讚
朋友分享，呢排去公立生嘅好多都係中左招冇得去私家生，未生嘅都轉哂去私家。所以基本公立產房8成喺中左招嘅孕婦
講真呀，生B咁大件事，就緊係要係老婆身邊支持佢，比D鼓勵佢，仲要係疫情下生喎! 得自己一個好孤單，真係搵間有得陪產又知服務好安全高嘅醫院!
1個讚
見朋友兩個都係呢兩年生，一個仲今年生，公立，冇受感染
岩岩去公立醫院生完，無陪產無笑氣（不過笑氣不嬲都好壞參半）係唔中意公立迫人餵母乳，但幾百蚊就搞掂生個BB，附近有康復者，中左招既會分開去其他病房，無中招同康復既就會一齊用同一個產房同產前產後房（但有風險既係大家入院等深喉要d 時間）
1個讚
係咪一入院係產前房會做深喉？好驚如果生得快都要等result
呢排好似真係越來越多人中， 又好易中， 身邊都有朋友最近中左
真係好驚會到自己
預產期4月頭
懷疑自己依家已中招了
太太上年在仁安生。當時未有Omicron，產前去威院做檢查時已經唔比先生陪伴，入得去全部都係孕婦或媽媽，反而我覺得仲安全。產後仁安有限探訪人數，但家屬都係會成堆人在外面等，好彩住院幾日都係平安。
我記得港怡一向做母嬰支援係比較好既，仲join咗個愛嬰計劃支持母乳
近排好似仲拎過獎，唔記得邊間網上媒體。
上年年尾山頂醫院生
醫護團隊，服務質素同助產士service 都係好impressive嘅
尤其係教你照顧BB同餵母乳
可以揀母嬰同房，或者bb夠鐘食奶姑娘推上房比你埋身
我book 私家房，所以老公可以陪住我生，生完一齊住，夜晚淩晨都可以照顧我同一齊學埋身餵
所以好彩可以喺私家生，又安全d老公又可以全程陪住生，湊BB，佢出院都好快上手同好有投入感。佢而家都仲係神隊友。
完全認同! 黎緊表弟婦都諗緊去邊到生, 如無意外都會揀港怡, 貪佢夠新, 2人房,有員工frd推薦新客仲有95折,長期放阿B係身邊陪都得, 幾時餵奶又得,仲有得陪過夜