純粹最近聽到個朋友分享，呢兩年疫情嘅關係，收入好唔穩定，就嚟冇錢交租…….佢有一對仔女，一個讀大學，一個讀高中，佢冇同對仔女講屋企嘅經濟情況，仔女繼續攤大手板問佢拎錢…….我問佢：仔女都咁大個，尤其是讀大學嗰個，唔應該做吓兼職分擔喺屋企咩？佢同我講：你自己都係做人阿媽，你都唔想個小朋友有壓力
但係咁樣真係對一對仔女好嗎？
4個讚
咁大個要講喇，總要比時間佢哋接受
3個讚
係人都知大學生兼職唔係for 養家，都係賺多個錢自己買嘢，唔使攞屋企咁多。佢講到咁樣係比壓力小朋友，一係就係hea 你，一係就係佢頭腦唔清晰…
5個讚
讀緊大學兼職自己都可以賺到錢，
可以只要求佢賺到錢，
自己洗費自己負責。
唔洗比家用住。
3個讚
勁，一野已經講到重點
父母收入唔穩定父母都唔想，係不可預期既因素，仔女作為家庭既一份子，有返咁上下年紀，正常係應該識得體諒父母搵錢辛苦
如果話係因為要返part-time,而怕佢地影響學業，咁就另當別論
1個讚
人越大要負責同承擔嘅嘢就越多，根本冇得避。佢嘅保護出發點係好，但結果係難為自己，亦錯失一個比仔女成長同學識負責任嘅機會。
2個讚
唔好介意第時囝囡有事唔同返父母講咪得囉
佢嘅定位係覺得父母要擔起頭家，子女要喺溫室中成長。
如果我做仔女嘅話我都會想有一對咁樣嘅父母，最好我返工都唔使我俾家用～
但係我做父母嘅話就會甘苦與共～經濟同家庭狀況仔女都有權利知道，亦有責任解決同承擔。
我唔會叫讀大學既做小朋友
3個讚
唔知而家環境點、我年代無做兼職反而奇怪
1個讚
其實係面子問題。
每個人都需要心理準備，好過突而其來嘅轉變
咁而家擔唔起就要出聲架喇，咁樣嘅溫室只係假像
可能不出十年
佢d 仔女第時又會伸手問父母
拎首期買樓、裝修、結婚
有d 野真係家教造成
1個讚
讀大學個位真係要知道屋企經濟狀況，唔係要俾壓力佢幫手搵錢交租，只係等佢明白唔可以永遠靠父母，過咗18歲已經可以搵D暑期工做，吸收下社會經驗，知道一份耕耘一份收獲。
交租都冇錢，仲邊有錢比零用錢
比我實踢佢哋出去搵嘢做，自己賺自己零用錢
屋企錢就父母諗辦法
咪玩啦, 咁講法, 讀完大學都唔好搵工, 打工仲大壓力呀! 養佢哋一世啦…
我讀大學時, year one已經兼職搵錢, 加埋grand loan乜都夠啦, 咪一樣first hon畢業, 點會大壓力?
1個讚
我以為現在大學生唔多唔少都會做兼職。以前讀大學時，屋企冇俾零用，因為都大個了，所以會做多份補習。現在不是一樣嗎？
1個讚
其實讀得高中大學、醒醒地都應該知屋企情況大慨係點。
而且好多人做兼職未必同屋企人講、屋企人照比零用錢就照袋。
我反而諗樓主朋友講嘅內容會唔會有啲水份、其實仲有啲貨、距離「唔夠錢交租仲有段距離」、等人覺得佢「為左啲仔女好偉大。」
以前我年代係咁，屋企窮連學費都要自己借loan讀。但有時見到連登d post, 有見過唔少羨慕家景好d既可以唔洗理錢，唔洗又part time 又溫書，畢業又唔洗即刻出黎做嘢。樓主朋友可能都盡量唔想俾仔女呢d 壓力，都係2睇。
1個讚