話說我發現有咗BB，但適逢自己番緊新工，仲未過試用期…
自己覺得好坦忑不安，因為岩岩加入新公司，工作同人事仍然仲係適應階段，但岩岩有咗身體又好攰專注力好差，有時想做好d好似有心無力
加上，如果順利過試用期，做多幾個月就會放無薪產假，感覺對同事們唔太好意思
開始諗係咪應該辭職，但依家市道唔太好，都想儲下錢俾個小朋友…
心情好矛盾，唔知有無朋友仔經歷過呢個情況呢？
恭喜你阿，同咗自己上司講未？
我有朋友試過一做新工就有咗，佢冇quit，產假之後直接返工，不過佢係好唔鍾意湊仔果隻媽媽嚟
我覺得點都唔好quit，比多個選擇自己。同埋都覺得孕媽媽唔好feel sorry，因為其實懷孕同有第二代係對個社會整體係好事（正常嚟講，唉），所以政府先有呢啲policy 例如產假，同埋防止僱主炒孕婦，其實個社會係應該比多啲support 比爸爸媽媽嘅。但當然你返工都要盡量交出你最專業一面啦。
4個讚
正常來講唔炒你但no pay ml lor, 厚面皮d就ok
3個讚
都唔一定，如果入職2.5月，懷孕2月，就有Pay ，係唔好意思咁囉
除非你經濟許可，否則有份工會好好多。
因為生完之後疫情都未必完結，到時無咗份工又多個細嘅係到，開支同壓力會好大
2個讚
傻瓜，點都唔好辭職，你應該同HR講你有咗，佢哋就唔可以喺孕期炒你。
放產假係孕婦應得嘅權利，唔使唔好意思。
3個讚
千祈唔好，有BB使費好大
點都賺埋個產假先走
BB出世當日你份工做滿40週先有有薪產假
咁你個預產期個日係新工做滿40週未？
如果有有薪產假，唔好辭職住啦，賺咗個產假先啦，唔使唔好意思架，你嘅權利黎。（不過touchwood bb早產，就會有薪變無薪）
如果係無薪產假，而你又唔多鐘意份工，咁早啲辭職安胎都好嘅。
依個時勢緊係唔quit…
其實就算老員工懷孕, 好多腦細都會多嘢諗, 無人情味 
1個讚
唔好quit 住睇定d 先，可能你做得嚟呢 
有冇睇過contract 點寫？做滿幾耐先有有薪產假？
產檢可以claim 幾多錢？
另外我都想知道，未過試用期公司係咪一樣唔炒得？
1個讚
要睇清楚合約由開始返工到生個一日要夠幾多日先會有產假，雖然會有少少唔好意思，不過呢d時勢拿住份工要緊，就算無產假都起碼大肚呢段時間唔郁得你，大住肚唔會搵到工，留返d錢之後唔返工又好，比佢讀書又好。
1個讚
如果你照policy係有呢個產假嘅就唔駛唔好意思啦
咪同自己同老闆講放完假返黎一定會俾心機工作囉，放假前請同事食個tea （如果你覺得咁樣自己心入面會舒服D嘅話）
1個讚
係咪勞工法例定係睇公司policy?
我開咗新工冇耐，但僱員合約郁寫，我又唔好意思而家問
間間公司唔同，你同HR講自己有咗時，直接問HR，最好send email問，因為咁先有白紙黑字嘅記錄。
首先恭喜你！！
另一方面，我4年半都係面對呢個情況
返新工岩岩好一個月發現有咗，最初我無留意產假呢個問題，亦都打算儲返多啲錢，所以打算生完再返工嘅
後來我三個月左右先同公司講，講完再去睇產假相關資料，發現未做夠40星期只可以放無薪產假，果時我就開始動搖，到底應該放定辭職（因為係上市大公司）
最後我決定辭職做FTM（係我老公建議）
到我女返K1我再出嚟做返野，我到今日都無後悔果個決定，因為小朋友成長真係好快，亦都好慶幸自己係佢身邊
不過你要同老公傾下，大家商量出一個兩全其美嘅方法
1個讚
多謝你！我仲未同上司講啊，諗住等個胎穩定d先講
你講得都有道理，多個選擇都好，唔駛咁快做決定
1個讚
我預產期果日新工未做滿40週，差1星期 
多謝你意見，我會好好考慮一下！
多謝你！我會好好考慮一下～
我睇過contract都係做足40週先有有薪產假
產檢好似無得claim…
試用期應該可以用不同原因 e.g. 工作表現 去終止合約
多謝你！我依家情況就係咁～～
我都好想 FTM 陪下小朋友早期時間，但現實都要諗下經濟實唔實行到
咁你出番黎搵工時會唔會好困難啊？