呢排BB訓覺問題令我好崩潰，正虎嘅政策又令人好depressed，真係湊仔疲勞+抗疫疲勞⋯
不過頹都唔係辦法，所以想幻想下去旅行 cheer up下自己同大家
話說生小朋友之前我同先生都係好中意去backpacking的，都好想帶小朋友一齊去旅行。一直諗住佢夠一歲就去旅行，點知疫情竟然玩到而家
Anyway繼續幻想下先
Bucket list 之一係：去澳洲或者紐西蘭露營車road trip!
唔知呢度有冇family試過？
又或者分享下你同寶寶去過、好想去嘅旅行？
1個讚
疫情前本來安排咗一家去日本東京，同小朋友去東京迪士尼，但因疫情取消咗。
依家小朋友成日問幾時可以去旅行，希望快啲可以去啦。
1個讚
好想去好多地方…儲定金彈等疫情過後去鑊金
第一想去日本先，跟住一路繼續
1個讚
咁你地有冇玩下啲本地遊嘅活動呀？
真係希望快啲可以去返旅行！
香港人嘅鄉下果然係日本 
仲有呢仲有呢～
仲想去邊度呀分享下～
狂去香港迪士尼算唔算
，但依家連香港迪士尼都無開了
我會揀日本或台灣，始終亞洲治安相對安全，同埋如果突發事飛返香港都近
1個讚
想去多次日本
同大女去著過和服影相，好得意，好想細女都有咁的機會
1個讚
去到學校秋季大旅行已好滿足。
2個讚
一定係日本
想去佢啲動物園
最近見到個channel 係第一身視覺咁影喺日本搭通宵火車，無講嘢淨係得字幕。睇完就去訓，個感覺好似訓緊喺日本啲通宵火車咁。
唔知大家有冇呢啲類似channel 推介
1個讚
本來訂左2020年四月同小朋友去京都hea 14日、取消咗
紐澳兩地都非常適合小朋友去
我去nz時未有小朋友，見人哋一家人摣camping van去玩，等小朋友再大啲都會想試試
如果開關，首選幾時都會係日本日本太多地方，去幾多次都唔會厭
1個讚
我同意，學校本來安排1月親子旅行，之後話因為受疫情影響場地唔開放，結果就取消左
我都係諗開頭去下日本台灣先，易handle啲～
我有個朋友好勁，個B未夠一歲，佢單拖帶佢去捷克！我真係好佩服佢！
我都有睇呢個channel！平平淡淡咁，但唔知點解又好好睇
同埋我自己都好中意搭夜火車、臥鋪巴士、渡輪，
好中意用唔係飛機嘅形式去旅行～
想當年試過好無聊喺台中搭一晚渡輪去廈門，再搭通宵巴士返深圳；
又試過西班牙搭渡輪去摩洛哥。
巴士試過北京去蒙古、南美無數程等等。
夜火車就更加搭過無數次。
希望小朋友大啲都可以同佢去呢啲旅行～
2個讚
真係好想去camping van！
可以一家人喺架車度煮嘢食、訓覺都好好玩
又可以喺好多滿天星星嘅營地過夜，諗起都正
1個讚
估唔到有知音 
1個讚
近期我都係咁睇camping in the rain ge yt片，可能知自己無可能去camp (怕蛇蟲鼠蟻)，所以好好奇係點
1個讚
其實去camp又唔係多蛇蟲鼠蟻喎～
可能以前我都係揀冬天去（香港夏天搞唔掂），
都唔特別有蛇蟲鼠蟻，
反而係有一次塔門半夜聽到有野豬～
Camping好開心呀，
一齊野餐住睇日落，
然後傾計睇星星，
喺海邊就聽住浪聲訓教，
朝早較鬧鐘起身睇日出，
好靚、好舒服；
靜靜地傾下計都好chill。
我讀書時被迫去過一次五日四夜嘅露營，雖然係冬天，但好唔鍾意，完全唔享受，日日諗住幾時可以走。以後我都唔會再去露營。