之前有人share 過可以俾錢請人做「仔女」，陪佢哋覆診、生活有咩搞唔掂搵佢哋。
1個讚
我明
，我情況都係咁
但明知非走不可
每次諗起，個心都拿住拿住
尤其是我父母，佢地真係對我地好好
現今樓主如果真係為了小朋友仲要睇下將來,歐美世界已經開始慢慢亂及不穩定,特別遠離亞洲地區,學海無涯什麼地方都可以,睇野唔好單單睇咁近,眼光要放長遠啲.(雖然香港現今與及未來一兩年內都未必會好),真係離開計劃要好長遠.
我哋兩公婆都唔捨得父母，但就係想趁佢哋而家身體冇問題，拿拿聲走settle好先
等佢哋鍾意攞visa過嚟又得，得閒過嚟住幾個月渡假又得
唔趁佢哋身體ok時走，拖到佢哋非要人照顧不可時就更加唔駛走
久病床前無孝子，到時就會埋怨做乜唔一早走
越早走越早settle好，到時可以更有彈性去處理
5個讚
係，個心真係揪住痛⋯
我認我不孝
Plan好曬 visa批埋 買好機票 先話佢地知 嗰陣離走之前有三個幾月
之前疫情關係都唔會成日返阿媽度 有事打下電話 屋企仲有其他人support (藍既唔走)
老公嗰邊就臨走前兩個月先通知 原先老公唔肯講 因為佢地不嬲都不和 最後我哦下佢先肯講
大佬帶走個孫 點都要講聲
四大長老無乜話阻止我地走 就算佢地藍既都認為此地不而久留
而家黎到 間中打電話比阿媽 whatsapp開左個group 間中send下相
老公同99竟然都有視像下
感覺雖然我地走左, 但關系同以前差不多
老公嗰邊仲好左少少 因為係香港從無視像過
有條件走 有小朋友 家境環境許可 仲諗乜
1個讚
唔好意思，點解佢籃都認為要走？
得罪講句，如果因為要考順父母而唔去移民，咁不如疊埋心水留港。不過最好諗定囝囡大個咗問你哋當時點解唔走時點答佢哋。
宜家父母行得走得都唔移，咁過幾年更加唔會。都未計幾年後仲會唔會有BNO Visa。
正苦總有一日會與病毒共存，到時回港唔使隔離，搭10幾個鐘有幾難？真係有必要因為考順而放棄一個比小朋友在自由的地方成長咩？
2個讚
我媽嗰邊就
去外國見識下,世界咁大,小朋友讀書同成長都好,香港好亂
99嗰邊就
香港有黑口罩啲人,攪到亂晒,帶個彩孫去讀書啦
佢地覺得香港好亂
1個讚
Good point!
其實而家都好多人埋怨父母當年點解唔幫自己申請BNO⋯⋯
移民這個決定我沒有太大掙紮，離開香港最主要原因是為了小朋友，有責任為他們安排一個適合成長的地方。
有部分人有經濟困難、要照顧長老，因為這些因素而要留低其實都可以理解。但識有啲人選擇留下只係怕離開舒適圈，怕失去了現有的虛榮，例如仔女讀緊神校、有工人用等，我覺得呢啲人真係好港豬好無知。
如果有條件走而不走，將來香港變得更加黑暗(現在已經很黑暗)，第時他們的仔女長大後問點解當日不離開，真的不知他們如何面對自己的仔女。
4個讚
我都唔算多朋友會走，反而Facebook 曾表達過唔少立場既人，走左好多,有仔囡但比較少表達既，即使大家都係黃，都選擇留，或者未有走既意思。當然，我又無逐個問朋友有冇BNO
仲有兄弟姊妹就ok啦！交比佢地啦！你都要顧下自己家庭呀！
所以話，走的原因我好清晰
但我其實最擔心，佢第日變左小粉紅反而埋怨我，點解要帶佢走，到時我真係驚我會鍊死佢
我係咪擔心得太多
就係欠缺下定決心的勇氣
所以先要上嚟，俾自己多啲勇氣
2個讚
我喺走咗嘅，因為和父母關係唔好，我無猶豫。不過我身邊嘅朋友就無咁「好彩」。講啲極端例子俾大家參考下。
- A君父親生命倒數緊，但因為老婆喺香港情緒好嚴重地差，另外有妹妹留港，所以都喺決定移民，打算有咩事咪飛返去香港羅。
後來父親病危入院，阿媽喺咁叫A君返香港見阿爸最後一面。但當時香港封關，英國去香港要先去第三國過21日冷河，再喺香港隔離21日，共42日，其實都趕唔切。仲未計中間會融斷，42日都未必夠
如果父親真喺過生還好，如果反覆，好返幾個月，然後又入院幾個月，A就真喺唔知要留喺香港定英國好。
於是A君決定，在21+21下，要父親真喺過生，先會啟程去香港，放棄見父親最後一面。不過A無後悔移民，佢一早有諗過可能見唔到阿爸最後一面，心理上早做好準備。
最後父親無事出院。
- 趁父母身體還好，B君和另外兩位姊妹全部移民英國，打算有BC後再去照顧父母。豈知疫情期間，父親突然有重病入院。其時香港疫情嚴重，想找個朋友幫手扶父親入院，但朋友都怕疫情不敢外出，人地屋企都有老人家，實在都明白。
最後終於找到朋友C肯幫忙，其實C自己母親都喺啱啱過生，咁樣搵人地都喺超唔好意思。但就正正因為老人家過生，C先至得閒幫手。C無咗唯一顧慮，嚟緊都會移民。
疫情期間，醫院不接受探病，B君媽媽孤獨無助，B君和姊妹都好難受，只能不停zoom。
1個讚
我都徘徊緊…
考慮既係老公要離開comfort zone
佢口講走，但我知心裏面其實未想走
而阿仔都要離開佢既comfort zone，老爺奶奶好錫佢，時常見面。其實唔剩係老人家既想法，小朋友都會有佢既想法，佢呢個年紀（初小）唔太明發生緊咩事，我都唔知應該點解釋俾佢聽，但我估計到只係得我地一家三口走的話，會有無限咁多個「點解」同「我唔去」
但…我先生就係當年無申請bno的人。所以我明白有啲野，真係蘇州過後無艇搭
1個讚
如果過咗去而變小粉紅、點會怪你帶佢過去？你有幾何見外地嘅小粉紅放棄外國國籍呀？
不如擔心下留港、佢哋變咗小粉紅，你哋點頂好過啦
1個讚
我老公屋企當年搞緊移民就係因為佢阿媽一人強硬反對，最終佢阿爸放棄了一家移民機會。
有啲機會冇咗就係冇咗，所以有時便要掌握，不過如果一個想走一個唔想走，就真係要認真傾清楚，唔好之後後悔或埋怨
2個讚
點都會有人講、尤其兄弟姊妹、都明既
1個讚