我哋係一早講，開頭唔係咁順利，要慢慢傾開導下佢地，等佢哋慢慢接受
父母未出聲、反而兄弟姊妹有壓力、都明佢地會覺得你拋低父母咩都唔理、就算係俾到錢又點、好無奈、只能做個自私同不孝既人
其實佢哋都係、但覺得當日係為搵食、而且大陸同香港距離近好多……佢哋而家唔駛搵食同讀書、唔係好明我既壓力
就算uk, 都係多幾個鐘飛機
如果父母係衰既情緒勒索，我反而仲的到心肝移民。但我地情況相反，4大長老都好好，特別係自己同呀媽相處親密似朋友，係自己唔捨得留底佢一個係香港，去醫院覆診都冇人陪。遠洋電話見同見真人根本係2回事。
5個讚
我都係咁諗
感情好，會盡早講。買咗機票先講，我爸爸會唔開心，覺得唔尊重佢。不過我嘅情況同你唔同，兩老無人無物，我唔可以走。
我有時諗反而係咪更要盡早走、安排好小朋友讀書生活就可以返黎盡子女責任、老實入藉對小朋友意義大過大人
4個讚
床前無孝子，剩係諗好
1個讚
同意，要走趁父母行得走得盡早出發，仔女大 d 先考慮幾時返香港照顧父母。
我有個阿哥，舊年一家移咗民
我有兩個小朋友，父母年紀都係七十左右
我父母得返我，如果我走埋，得兩老喺香港
又無乜親戚
我每日都係度掙紮，走對佢地唔住，唔走對小朋友唔住
日日諗，諗到就嚟抑鬱
1個讚
Yes yes就係咁的感覺
雖然四老已經叻到自己去覆診，從來唔使我地陪
1個讚
抱~
我都係因為咁，日日掙扎，唉
我情況完全一樣，父母好開通架叫我照走唔緊要，又話有得上網見，又可以搭飛機番黎探佢地。但見佢地津貼都唔識申請，打針都唔識book，之前仲試過拎錯人地藥番黎名都唔睇就諗住食，真係好唔放心佢地獨自留港。
尤其依家封曬關，真係驚，如果我走咗，有咩事，返都返唔到
我大嗰個依家小三，要走，就要今年走
父母對我好好，又幫手湊仔，掉低佢地，個心好難過⋯
大家唔好loop住走＝唔理老人家先得㗎。如果你哋咁諗你哋仔女好慘，因為你老咗對佢哋要求一樣，唔好答唔係，如果真係唔係你而家唔會咁諗
到時封關你對個細路內疚更大，佢大個咗會問你做乜有機會唔走唔比個機會佢
就係老人家而家精靈先好快啲走，攞住個passport 正常情況政府唔敢搞你
快啲去快啲返嚟
6個讚
又真係唔係哦邊有得講到咁絕對，自己對仔女冇呢個要求，而我父母其實亦冇要求我地留底陪佢。自己走唔開既原因係因為眼見佢地真係搞唔店，而個個老人家情況都唔同，精靈身體健康既移民係會少d 擔心既。
只係驚佢地突然有咩事，無人喺身邊⋯⋯
可唔可以跟你過去？
我老公都係咁，家庭觀念重，要成日痴住老爺奶奶，同埋話我要照顧我媽
我好想走，但傾左好耐，都係唔走，等佢哋百年歸老後，或者呀女大個自己再去外國讀書。
1個讚