相信每個做父母嘅，都好愛錫自已的子女，但應怎樣去教導小孩呢？相信不同人用不同方法，而每個小孩也是獨一無二，同一個教育方法也不會適用於每一個小孩。
但我相信，只要你用心去教，小孩是會明白的。
現在流行正向教育，但如家長稍一不慎就會將正向教育變成縱愛行為，這正正會變得得不償失。究竟怎樣才知自已是在應用正向教育，還是錯誤變成縱愛呢？相信從小孩的行為能看得出，如果小孩的行為並未得到改善，甚而越來越差，那家長的教育方法應出了問題。家長應去檢討自已的教育方法，而不是一邊口裡說著正向教育的各種理論，一邊去為小孩的錯誤行為作出不同的解釋，以圖為自已錯誤的教育方法洗白。
其實沒人一出生就懂得做父母，就算成了父母，也不代表懂得為人父母，父母就是要與小孩一同學習，一同成長。
不知大家認同嗎？大家有什麼看法？
最近睇咗一本書，講到明兩歲之後唔適用關愛教育，要管教
請問可介紹那本書嗎？
我也認同小朋友係要管教的。管教不代表每每打罵，但應有獎有罰，小孩要為自已的錯誤行為負責，不是一句「小朋友就係咁架啦」，以合理化小朋友的行為。
後果係好重要，無consequence 無responsibility
我個人好認同，小孩是要承擔自已所作所為的結果。
家長是要理解小孩做錯誤行為的原因，但之後呢？理解完之後呢？如家長不去教，小孩的行為會有改善嗎？
教仔女所有事都有後果，都要負起相對嘅責任。
正向教育唔代表唔可以罰
但要知點解要去鬧
例如一個兩三歲小朋友、每次喺馬路邊都fing甩你隻手跑出去、唔通你仲等佢承擔比車撞嘅後果？喺教同鬧都冇效之後、都要狠狠打一下手版要佢記得唔可以再犯。（當然教訓完要攬實佢同佢講你係最愛佢好錫佢）
當你去教訓個小朋友、你要知道點解要咁做、同你想要咩結果。最唔要得係、父母因為不耐煩、宣洩自己脾氣去責罰小朋友。
Montessori本書「童年之秘」、我覺得真係大肚已經可以睇定。
佢成日提到「操作」同埋「敏感期」、小朋友成長、最需要係自己鬱手做、自己去感受自己動手嘅過程、成功同失敗都係自己體驗。
父母要比時間同耐性。
例如返學、你想教個K1自己著校服鞋襪、你要提早半個鐘比佢慢慢玩、仲要佢著錯曬、你當睇唔到、等佢出到去比人講。
返學冇拎書包功課水樽著錯鞋、忍住唔提佢。
當一個小朋友可以顧掂自己嘅自理、其他讀書考試交友、自己會按佢自己能力去應付。
正正我姑奶就係咁, 個仔十幾歲啦, 都淨係識喺佢媽面前扮乖, 對所有長輩都無d禮貌, 親眼見過佢鬧佢老豆同佢公公, 我鬧佢, 佢就搵佢媽扮死狗, 然後佢媽嬲咗我, 話"依個年紀嘅細路係咁㗎啦", 又話我"俾咗個唔開心嘅童年"俾佢個仔。
你心痛個仔俾人話就教好自己個仔啦, 但無囉, 因為每次佢都覺得自己個仔無問題。
好多父母睇自己小朋友係有濾鏡傢
只有等佢哋自己受返
也認同你的看法。有時不是不想說通理，而是說極也不明，也不去做。
最重要係要令小朋友知道錯，有時講極都唔聽，打都無辦法，有獎有罰。不過香港學校有正向教育嗎？就算小朋友幾努力幾喜歡一樣活動都好，選出去參賽都係勁嗰啲小朋友，唔夠勁努力過後都係失望反而令小朋友失去興趣，有時家庭就算幾正面，出面社會都唔係咁運作
其實這個說很來容易，要家長實行起來就難。
例如：小朋友賴床，遲了起身出門口上學，做家長會每次都讓小朋友遲到？我相信大部份家長也不會這樣，因那樣家長都「無臉」。
所以，真的難拿捏！
我相信個個家長都有！但分別是多是少。
我意思是家長自已本身的教育方法。因現流行正向教育，我在想，應怎正確地從正向教育中除去溺愛。
所以最老土咁講、生小朋友之前係諗定計劃定點樣教、由bb到佢小學、甚至中學、成家人個schedule 要點行、要全部諗定。
時間夠唔夠、當小朋友七點半出門口、你要預早幾多佢要起身？六點半？六點三？當六點半起身、咁小朋友前一晚起碼八點要訓教啦喎、點前一晚幾點食飯？六點？ 咁四點要煮定飯、沖定涼？FTM仲好啲、工人姐姐長老配合到嗎、配合唔到父母會唔會喺工作上調節到？其中一個返半日咁？
至於小朋友著錯衫比人笑、或者比人話、其實三歳小朋友已經可以自己識調節、唔會錯一百次都會全身著錯晒………
唔係話一定要咁做、或者咁做一定啱。但教小朋友「貫徹始終」、當你決定左比小朋友「自理」行先、就要做好多計劃去配合你想行嘅路。
就好似如果有家長係諗住入「名校」為目標、就真係造人嘅時間都計住去生大B。
正向唔代表縱喎。
好難遂個情境去講點樣去做，最好係去上堂學習什麼是正向教育，宜家上網去搵都會有好多資訊。
個個小朋友性格唔同，我唔覺得有任何一套理論可以apply曬落所有細路度，做父母可以攞各家學說取長補短、因時制宜咁教小朋友。
我正正明白正向教育不代表縱容，所以我不明白為甚麼有人用著滿口正向的道理，講得頭頭是道，但他們的小孩卻不在正路上行。
我認同你，所以話點解做家長都要考牌！