我仔（6m)
食Little Freddie 原味發到面、額、耳紅哂，搽類固醇好返。
三日後轉寶寶百味米，又發，再搽類⋯⋯。
三日又轉大人米煲粥，又發，再搽類⋯⋯。
兒科醫生只係話好少人米都敏感
咁樣我可以點加固？依家個仔次次瞓都要用包巾綁，我又唔係下下加固都查類固醇
唔加固又唔得。
其實米敏感可以點搞？問Google 無答案嘅，唔通只係我個仔？無可能啦！
有冇媽媽知道我可以點？
如果要知小朋友係咪對邊一種食物敏感、應該要抽血做過敏測試（Ige果啲？）
1個讚
試吓麥糊？
大人米煲粥是否用水同米Only?
係呀
Oat ?
你試下search 西人既加固食譜，佢哋唔多食白米，由其他碳水化合物代替，例如麥皮，藜麥，薯蓉，意粉之類。
之前好似聽過BB再大啲敏感嘅嘢會唔同咗，可能大啲先至再做敏感測試。下次問下醫生。
同埋過一排係咪應該少量俾佢再試？ 由少量開始，食食吓或者可以習慣到唔再過敏
1個讚
我個小朋友都濕疹，冇計都係要抽血驗邊啲食物佢唔食得。
我小朋友驗咗燕麥，奶、花生
係超敏感
我係佢1歲時未做Blood Test 時仲燕麥加奶比佢食，發到不得了
後來先知原來依2樣令佢濕疹發作
分享下、我小朋友係未夠六個月、就濕疹大爆發、係成身出曬水果隻、一直到小學先好番。
喺果幾年、出名嘅皮膚科醫生、楊志強果啲、全部都睇下、驗過血、話蛋奶敏感、介左、都係冇幫助。
咩自然療法、整梘、吸塵蟎機、空氣清新機、屋企床單隔日洗、咩都做曬都冇用。去左好多濕疹工作坊、一邊參考人地點做、一邊學點樣共存。
到佢去K3已打定輸數可能一直keep住係咁、去到小學一年級、突然入左冬天無啦啦好返左。
1個讚
提一提、如果要做blood test
抽血之前兩個星期要食唔同嘅食物
先驗到小朋友對果樣野會唔會敏感度
所以都要加固左、小朋友咩都食過先做到
起碼兩三歲先做
聽到都覺得你辛苦，但係捱過咗。我日日個仔瞓覺最大希望就係佢唔好抓自己。下下佢玩都要昅住佢，換片直頭用埋腳夾佢雙手等佢唔好抓⋯⋯很累
咁佢發作時可以點樣等佢無咁痕？
我阿囝又係3個月大開始發, 到依家就嚟一歲都仲係不停周身拗, 拗到出曬水都唔收手。
有時好灰心, 好似無咩可以幫到佢…
Blood test 要兩三歲先做得?! 我仲諗住過一排帶佢去做添…
最主要發係隻腳同手彎位，搽濕疹、保濕，一定穿上包腳長褲，每晚同佢抓痕
我購友煮洋蔥粥，對濕疹有幫助
洋蔥可以消炎
果陣皮膚科醫生教
沖完涼、用保濕cream查勻手腳後、用蒸餾水濕過嘅紗布卷住咁包住手腳、圈完再加筒裝紗布lup喺外面、包30分鐘左右、當做保濕。
有時抝得好勁嘅晚上、都會用筒裝紗布包住手腳、起碼唔會R出水。
係呀、果陣佢最鍾意半夜就搲、好多晚都睇住佢睇到天光。如果呢傢有得穿越我都想返去安慰當時嘅自己呢啲日子係會過去傢。
我身邊嘅例子、好多都係三四歳就好番咗。
有啲就大啲、小學就好轉咗、可能淨返手拗腳拗有、冇細個咁嚴重。
前兩日見有個blogger 講點樣take care 自己濕疹嘅女，可能有啲有用嘅事後care tips （查咩cream，戴手袖）
（不過幫唔到jm 問嘅diet 問題 
）
我小朋友有蛋奶花生敏感，喺咁飲奶喺咁嘔。
知道咗後好簡單，睇食物標籤，唔好揀有呢幾樣嘢嘅食物就得。 如果唔小心食咗，就食過敏藥，一小時後就好返。
關係test，我做過兩款。
第一款喺公家醫院做，我小朋友之前食咗嘉頓牌某蛋糕敏感，就攞去驗。醫生將舊蛋糕點落去手臂上面測試。驗完佢竟然只能講，小朋友對呢隻牌子呢款蛋糕敏感，無法證明佢對蛋敏感 早知唔做。
第二款自己俾錢去私家做blood test，呢款抽血，小朋友超痛，要兩個護士按著佢先抽到。不過結果報告超詳細，原來小朋友對塵蟎都非常敏感。
果種灰，我明呀。無性係咁抓，不過要諗，只有媽媽幫到佢，加油！