話說老爺快測中左未有太多病徵，佢堅持要外出，阻唔到咁多
如果我地係同住，老公都仲可以再試下力阻老爺？
奶奶之前因病住過兩個月醫院，聽力都唔好，想搵佢幫手勸老爺都勸唔到咁多
老人家唔聽話，真係好煩惱好激氣
另一邊廂，我用把口叫老公同老爺點點點講，變得造成佢更大困擾
只係，A方法唔work，應該再試下搵B方法
而家選擇放棄勸喻，咁就只有求神拜佛希望佢地兩個老人家都冇事
ps.我中左招，我老公都隔離中
其實獨唔獨生子都冇關
11個讚
就算有兄弟姊妹用父母同住，你阻到一次，都未必阻到第二次
1個讚
有兄弟姊妹就多個人可以分擔下
每人做啲
是旦啦，公務員中第二次都唔當佢中，可以照返工囉
3個讚
諗多左啦，通常都係得一個會理
5個讚
或者啦
但獨生子就更加想搵個人幫下手都冇
唔會㗎，個個推晒俾最細嗰個，就係我。最後送去老人院算。
3個讚
另一個平衡時空，同住你又會發現另一個問題，令你怪自己要同住。
每個人都是一個獨立個體，有自由意志。
你做嘢為佢好，但佢未必受。
有啲人覺得自我大於社會，反之亦然。
很多人話兒孫自有兒孫福，
佢地人都咁大個，一星期應該無事嘅。
先解決即時問題，照顧好自己先。
7日就好番。
3個讚
你諗得太美好
5個讚
我社交圈子太細
所以唔知
佢仲有你呀，好過單身獨子了
到你有兄弟姊妹但冇人幫手仲燥
2個讚
呢個係真，慣咗依賴一個攪掂。反而其他親戚有幫手
1個讚
如果其他兄弟姊妹係負累，就知道獨子嘅好處
2個讚
唔係。我可以同你講我親戚的故事：
親戚年紀好大行動好不便又多病痛一定要工人照顧，咁就英國返黎香港養老。一個仔住香港，一個仔住英國。以為香港個仔會照顧？冇。睇醫生覆診全部都係我阿媽幫手，我阿媽都年紀唔細自己都要覆診。英國個仔會記住覆診日子打電話問進度。香港嗰個仔真係冇乜點理，反而係個新抱會問幾句。
咁多負面例子
我自己有幾兄弟姊妹
老豆之前做左兩個手術
我地嫁左既都有高度關心，會抽時間幫下手
當然同住做既野最多 承受既壓力最大
反而，而家睇到大家咁講
我先知自己之前因意見不合時仲埋怨兄弟姊妹係唔岩
原來我地幾兄弟姊妹都算係咁了
1個讚
或者推俾最大嗰個
1個讚
其實就算唔係獨生子都可以出現同樣情況
不過我老公有兄弟姊妹，但性格猶豫不決，我提醒佢，佢都覺得困擾㗎⋯⋯應該都同性格有關，即係佢係唔係一個肯聽人講嘅人
標題與內容不符
老人家係講極都唔明，獨唔獨生子都唔關事，有兄弟姊妹互相扶持當然好，冇都冇辦法，自己盡咗力，問心無愧就可以。
2個讚