同99住根本就係好辛苦嘅一件事，我都經歷過，我初初嫁俾我c6時佢都係咁燥底，有次我俾佢整到我腳趾公反甲流曬血我99完全漠視，好彩我女差唔多一歲我地就搬出去，雖然而家仲要一個月返去見佢一次，但我老公開始年紀大就已經好好多
樓主你同你老公係咪好後生？後生會比較衝動，隨住時間到小朋友大啲就會好，試吓搵婚姻輔導幫下手做中間人調解下，我外家都係唔理，幫唔到手，我都係靠自己一步一步走過來，而家兩個女大咗就已經唔同局面，只要佢唔係踩我底線出面有女人，我都忍佢，最重要係自己清楚佢究竟仲愛唔愛你同小朋友，如果佢仲愛就心平氣和同佢講你嘅感受，一個女人帶住兩個小朋友出走係好困難（冇外家back up) 尤其而家疫情難上加難，想清楚下一步才做決定
佢打你嗰刻已經要離，已經係最大＆唯一原因，為自己為小朋友，而你肯報警一定有人會幫你
你唔肯就有十萬個理由
下次鬱手就報警，可以單方面分居，小朋友撫養權係有個官判，小朋友由細到大你湊，多數判俾女方，男方有探視權，需要比生活費贍養費同埋唔影響而家小朋友個生活環境。不過有啲會係共同撫養。
鬱手就要報警，佢已經唔係第一次，即係打慣咗.
離婚判撫養權唔係睇邊個錢多，官會睇邊個係主要照顧者.你報埋警有紀錄，官都會睇到.
佢搵得多過你，可以傾贍養費添.
睇佢個賤人都係睇死你唔會走，你講嘢都當你發up風，你最好搵律師同佢deal,冇錢就申請法援.
https://www.swd.gov.hk/tc/index/site_pubsvc/page_family/sub_listofserv/id_230/
養返好身體就睇下呢啲機構幫唔幫到你.
各位 啱啱佢又想鬱手打我 我專登開哂窗 大大聲大叫！！佢又想打我！！等全棟都知！！！
我諗清楚啦！！！我要同佢離婚！！！
我會搵方法錄底佢證據！！
次次我小朋友一阻住佢睇電視，佢就會屌佢地
今次仲要鬱手抱起我個女再放落梳化打屎忽！！
我真係忍夠佢！！！！
佢今朝仲想氹返我
我已經冇理佢
佢居然會知醜！！閂返埋個門！！等人地聽唔到我講咩！！
佢話佢大力推我唔係打我！！我真係忍夠！！
如果有日新聞話屋企有老婆被虐打致死，果個一定係我！！
但我盡快離開！！放心！！
佢個死仆街入左去沖涼
我一直喺到諗，買咩cam set嚟裝佢 佢又會唔知
啱啱佢掉左兩個風扇落地！！我影左相！！
我豬左！！我應該要錄影
佢見我影相好似嚇一嚇咁
好似冇諗過我會咁做
同佢講難受根本冇用
佢只係一味識講係我錯 係我令到咁樣
佢自己失控會打人我睇佢老母反應已經唔係第一日既事
只有結不成的婚，沒有離不成的婚。
為小朋友，早走早著。
睇你老公同你相處嘅模式，根本就係典型嘅家暴模式，不停咁重複又重複。
最大受害嘅唔止係大人，仲有小朋友。
我忽然諗起佢之前同我講過，佢女朋友因為佢打佢女朋友所以同佢分手
我果陣問過佢，佢話佢只係推個女仔！！
我而家咩都明哂了！！！
我真係好蠢！而家要醒覺！！
有暴力一定要搵專業人士幫手，保良局24小時婦女熱線 ：8100 1155
千祈唔好打草驚蛇
怕佢知道唔知會做d咩
依家要做
1.收集證據
2.掌握經濟大權
表現要如常，內心要強大，勿心軟，唔好再俾花言巧語矇騙
樓主，如果你要離婚可以用"不合理行為"作理由，打你，打小朋友已經係足夠，但你要搜證，除非小朋友年紀已經夠大識講出嚟，否則佢唔認有打你而抗辯就口同鼻拗
報警備案係其中一樣紀錄，你打去有關機構求助開file都可能得，影相拍片都可以，但留意你報左警可能佢有刑事責任
你如果決定離婚我先再講下點安排子女撫養權同家產分配
佢都會怕人地知，同之後氹你，睇落都知自己唔應該，但控制唔到自己。
佢會唔會肯正視問題，去睇心理學家、精神科醫生？
除左狂燥同有暴力傾向，平時冇發作時有冇其他優點係會令你覺得，如果佢改到呢一點，婚姻有得挽救？
多謝你！
你有無相熟既隔離鄰居？
或者管理處幫唔幫到手？
你要諗好逃生路線
屋企利器可以既話要鎖起
唔好再刺激佢
可以既話搬走先？
呢啲男人真係唔死冇用，樓主：走！太危險了
大聲反抗就對，起碼佢知驚，唔敢再打你
加油
為咗小朋友，盡快離開個衰人，小朋友成日見到爸爸打媽媽，都不是好事
咁你報左警未？你覺得佢係冇得救，咁帶小朋友搬走