遇著啲咁嘅男人，真係早走早著
1個讚
唔駛特登刺激佢，呢d仆街點控制到情緒
不過裝鏡頭真係要好小心
我覺得可以搵私家偵探睇吓佢會唔會都有其他衰野
Cool 頸真係好恐怖，隨時死人
平靜左之後，求其搵個藉口係屋企裝cam啦。
小不忍則亂大謀
宜家俾自己休息夠，盡快好番，然後唸走嘅安排。
離婚只是個開始，
之後可能要爭撫養權，搵工搵屋等，都要時間準備。
5個讚
佢是否有燥狂症之類,你唔知,但佢阿媽知？
次次嘈交佢就係咁….
每次佢之後都會氹返我…
雖然佢打我未至於會傷害到身體，但我真係好攰…
佢每次都話係因為我同佢嘈交，佢先會控制唔到情緒
我每次都話如果咁唔開心，不如離婚
佢單方面唔肯離，又唔肯讓個小朋友俾我
就算我自己單方面同佢離都冇意思，我實唔夠佢玩…
佢一手都可以捉住我㩒住我喺地下唔放…我真係可以走得甩…?
有幾次我真係自己一個走左去，之後又驚個小朋友留喺佢到，又冇野食，又冇人理，就返左去…
我真係好冇用
佢呀媽一早知道佢一失控就會掉野打牆痴線，有次仲同佢老豆打起上嚟…
佢老母根本一早就知
係我咁蠢 會送埋上去佢俾當工人洗
各位我要潛一陣…
我到而家只係早餐食左少少野…
燒完又燒又係咁食藥，又唔得閒食野，驚個胃頂唔順
我要去煮野食
希望條賤人唔好再行埋嚟我到
好好休息
搵個律師傾傾
3個讚
嘩好大男人
同情+支持你!
離婚既野應該從長計議
學樓上朋友講
養好身子再慢慢打算
有咩事多d 上黎講
呢度好多網友同你吹水
日子可能好難過但係為左BB要加油
3個讚
我老豆除左鬱手呢樣野之外, 同你老公都好似
(仲衰過你老公)
只能說佢會年紀越大越衰…
唔好講老婆對住佢會癲, 我做女對住呢d人都就黎痴線
如果你經濟上係可以既, 離婚可能都係一個選擇
但以你人工, 可以養到自己同小朋友嗎?
希望你快啲好返
認真，我係你我會走，都係果句你人生可能只係過咗可能三份一到，你甘心之後個六七十年日日都係咁？
冇嘢係會太遲，你越早改變，越快得到幸福。
好過你到60歲之後，望返轉頭，發覺自己曬咗成世人唔知做乜。
5個讚
就算冇傷痕，佢cool頸推你落地，可照報警，俾佢覺得你係認真，攬住一齊痴囉！佢依家就係大你，覺得你乜都唔做，緊張小朋友，報過警，落左案，有家暴，離婚法庭好多時唔係睇邊個多錢判邊個，有家暴記錄，好難判小朋友俾佢。
11個讚
冇傷痕都即刻報警同搵社工先
佢擺明就恰你冇能力走
同狼來了嘅故事一樣，樓主你唔好再話要離婚但冇行動啦
再係咁你講多10次佢都只會當你9up
有冇工作？有冇屋企人支持？你私底下搵律師傾吓先
2個讚
仔女唔一定係判俾收入多果個，可以係調轉之後佢俾贍養費，留返d暴力證據，上到家事法庭你sure win
3個讚
儲定d錢, 男人對女人用暴力, 只會有一次同埋無限次
如果唔夠錢走, 要諗吓社工或者驗傷呢條路, 要小心d盡量唔比佢知, 因為可能打草驚蛇, 將名下資產轉名, 仲有搵社工同驗傷有助於有申請離婚或者有利於申請公屋嗰d
佢年紀愈大,會愈暴力,老左的男人有D好難相處
1個讚
單方面申請係煩好多,仲可能會搶小朋友…
不過樓主個CASE,我會建議會照離
都可以照報警架,你照影左相先…
我識人離婚時律師教佢先報警都得,不過就預左唔會拉佢,只係離婚時個官一定會參考
你決心要走,就一定要第一時間帶埋小朋友走,C6唔可以報警架!
相反如果C6帶走左小朋友,你一樣無得報警
屋企放cctv？保護自己最緊要
有無聯絡社工備案？
1個讚