分享下，雖然唔知關唔關事。
事緣我中左，重感冒狀態。
今日做功課，一唸文殊八字咒就狂打乞嗤，係每唸一粒字都痕一下，之前係一啲鼻痕都冇。
打完哂啲乞嗤，我以家感覺好返勁多，冇哂病徵，得返少少攰，好返哂咁樣
我平時唸咒有幾部會輪流唸，文殊八字咒係最少唸嗰部。
6個讚
我尋日中咗，反覆低燒，全身勁攰
夜晚瞓覺時唸住觀音菩薩聖號瞓
零晨時份開始出汗退燒
今日起身退咗燒，個人都冇咁攰了
5個讚
以前我都係每晚臨瞓唸100次，每次都唸唔夠就瞓左
好有用架，我以前試過感冒緊念地藏經，念完就完全無事，好精神。
想請教一下要唸邊一部比較好？
我通常每日念一部，儘量一星期內完成全本。
試過有次去韓國病得好辛苦，我坐旅遊巴兩個小時車程內，念完全本經書，落車後我即刻好返晒。
2個讚
可以知道邊個網有齊全部嗎？
http://book.bfnn.org/books/0016.htm
我用開經書，呢個係上網搵，1-4係卷上、5-9係卷中、10-13係卷下，每卷大約要念半小時。
剛開始念時可能好眼瞓，只要堅持落去就可以
3個讚
知道
唔該晒你呀
1個讚
我有唸開心經。。。
都想試下唸其他經，其中一個困難係搵粵語讀音，請問有冇推薦嘅網站之類？謝謝
多數唸108次
其實最好係靜靜地打座嘅時候唸夠心目中嘅數目
到瞓覺嘅時候就隨心，唸到瞓著就最好
2個讚
我冇刻意搵粵語讀音，多數都係開YouTube跟住啲唸，有字幕就望吓啲讀音係點讀，慢慢跟跟下就會識
我教啲朋友，其實啲梵文咒語就好似你聽韓文歌咁，你唔識韓文，一樣好快識背曬成首歌，只要用心聽多幾次，跟住唱多幾次就得
3個讚
有歌唸唱嗰啲真係好易上手，曾經想唸梵文地藏經，但真係太太太長搞唔掂
原來如此，我又去YouTube搵下先唔該曬
我成日想念下經文，不過有時聽啲人講念時好多朋友仔會埋嚟聽我又好驚，有冇啲咩經文會好啲
唸經最重要係明白經文內容，然後跟住內容去修行
只要做到依教奉行，本經書係咩語言版本都唔重要，唔需要著重用咩語言去唸，用自己熟悉嘅語言就得
但持咒唔一樣，咒語唔翻譯做中文而保留原有梵文譯音，係有佢嘅原因
以往翻譯嘅高僧大德都認為，咒語嘅梵文發音同咒語本身係相關，無辦法用中文去替代梵文嘅意義，所以先直接保留梵文讀音
2個讚
眾生無處不在，只係你睇佢唔到姐，咁既然你都睇佢唔到，有乜好驚
另一方面睇，你唸經，眾生想嚟聽，聽完佢之後攞到一啲功德就可以往生善處，咁你係做咗好事，幫咗眾生
所以唸經之後，要做個迴向比眾生，唸完經之後講呢句：
「願以此功德，迴向十方法界一切眾生，希望同生極樂，共成佛道」
重點：同唸咩經文無關，你聽過咩經書就試吓唸
6個讚
多謝你解答，我持咒都有廿年了，但經文未試過成功，可能都係靜唔到心，平時唸觀音經我都唔係好得，我會再試下
我不是佛教徒，不過有去禪修，亦都認同佛嘅道理
備孕前常念普門品，結果只係一唔戴套套嘅第一個月就有BB，我懷孕當時35歲，第一胎
陀BB時，間唔中有念普門品，BB而家出世12日，好易湊，唔扭計，係便便差啲，感恩感恩
6個讚
想知幫家人祈福健康要唸咩經？
1個讚