姑奶大仔中咗、兩條線、發高燒
打嚟同我老公講、話想老公過嚟車個細仔去我地屋企住、唔想個細仔感染埋
老公已經話細佬仔係緊密接觸者（仲要佢地冇用公筷習慣）、都唔知有冇中、叫佢比大仔自己喺房隔離（都已經中學）、細路訓住廳、用完廁所立即消毒、其他人留喺屋企隔離唔出街係最好、老公會幫手買物資掛門口。
呀姑奶應該又驚又心情唔好、話我老公係咪你老婆唔比、又whatsapp 我叫我比條生路佢個細仔、又話我淨係顧住自己個仔……好聲好氣解釋、就算我地兩公婆自己中、都唔會送走個仔、一出去、係一傳十十傳百、佢就愈鬧愈激動、話個細仔得一條線、係冇中。
又悔氣講一家人喎、有事都唔幫拖…
呻完、多謝大家花時間睇。
佢都打橫黎講！
朋友工人中左即刻送個女去俾婆婆，但太遲，過兩日發燒，個女，婆婆全部中哂。送黎送去真係攞黎搞架咋。
佢不停轉語音過嚟
都話細佬冇中囉
都話細佬冇中囉
好激動
老公有同我商量、話去姑奶屋企住睇住佢地
我明佢知道唔去、驚以後冇屋企人做
我叫佢自己決定啦
咁你老公唔返屋企？返咪一樣傳開？
佢就係諗住唔返、等全部人好返曬先
呀姐夫呢傢透明人咁冇出過聲
又係姑奶呢啲物體 
連我個退休年齡嘅老豆都知道，呢一波中咗都係輕症啦，咁撚驚叫佢移民北韓啦，全地球得佢一個淨土咋
呢傢就嚟半夜、奶奶都比姑奶搞醒埋
話自己搭的士去接細仔過嚟
奶奶住隔離座
老公呢傢過去安撫個呀媽先
姑奶勁自私，萬一細仔中咗，會傳染埋比你個仔（佢細佬個仔嚟！），佢仲好意思話一家人？將心比心，佢唔想自己仔中，人哋都係咁諗！
講得好。
老公同你哋成家都要企硬！
佢係咁loop今日有個八歳死咗
辛苦你晒老公，佢都好大付出，家姐都無為佢著想過
叫你老公同佢講
咁驚就租間酒店做隔離（佢老公同細仔去住），頂多幫佢出酒店錢。
一家人，有事仲傳俾人地，你地2公婆唔介意，都唔想連累鄰居。
你姑奶都唔化。
我冇野可以做、同姐夫一樣做透明人囉
係幫手同奶奶講幾句叫佢唔好周圍走
係囉，租酒店得唔得？
屋企冇細路都仲可以諗下，但人哋屋企都有個細，係咪要人冒咁大風險先，我都係人家姐，我就問唔出口喇。
如何細仔中左，傳埋俾奶奶。。。呢個姑奶真係極品，如果佢細仔傳開左，我係你，我一定講足佢10年。係呀，我係小氣，你自私麻
今日8歲小朋友有長期病患，又打過針…唔可以咁比較喎…相信同佢講乜都冇用…
癡線，仲想傳埋俾自己阿媽。