明白佢哋只係關心我，
我有啲啲發燒感覺，
想攞快速測試劑驗下，
驗過係陰性，
阿媽不停咁鬧我成日出街，
攪到自己病。
本來約左政府產檢，
打算改期唔去。
聽日去睇醫生，聽到睇醫生好大反應，
講到一定會中招咁。 
話孕婦唔可以食藥。
唔可以睇醫生。
1個讚
我明， 因為我阿媽都係咁。 關心但係用錯方法。 你已經病咗係唔舒服嗰個，係都要講到係你做錯所以先至病。成日講埋啲negative嘅嘢.
呢啲老人家係講唔明㗎，只會表達佢哋主觀嘅意見，係唔會接受人哋講唔係佢心水嘢。 自己冷靜睇開啲。 如果真係頂唔順有冇得疏遠一下？ 大肚婆保持心情開朗。
Btw 大肚發燒可以好多原因，最怕唔係傷風感冒嘅發燒。 大肚婆都食得Panadol ， piriton 㗎，真係好唔舒服就照食啦。 (睇左醫生先）
今晚7點後突然覺得發燒。
屋企重有一個2歲既小朋友，
叫老公照顧。
盡量走開啲。
就話我扮曬野好黑人憎。
重話我唔聽人講，
我死咗我老公會娶過第二個。
佢無講錯，
你都係小心啲。
病向淺中醫呀。。仲要有bb…
禁夜無地方睇醫生。 
你改變唔到佢，唯有改變你自己，例如接觸少啲, 等自己冇咁激氣。
嗯。打算聽日去睇醫生。
用暖毛巾抹吓面、手手、腳腳，舒緩吓發燒不適
好，多謝你。
一個把口咁臭嘅人，無需要keep contact
好多人都同自己阿媽相處唔到，保持距離後會係另一片天
1個讚
其實都明白係關心
但係用鬧的d方式真係會令人唔開心
你有左bb要保持心境平和 自行skip左d負面/會影響情緒ge說話先
聽日去睇醫生
加油
阿媽視覺係好緊張孕婦病㗎，可大可小㗎嘛，加上佢會覺得你成日出街唔驚感染，但產檢就要改期…好多嘢我哋唔會明，但到自己成為人哋阿媽，自然會身同感受
嘩咁樣講嘢係咪自己呀媽嚟㗎 
唔病都病左，先好好休息，當聽唔到
唉，呢d時候，好多私家醫生都關門，你想睇醫生唔係咁易，大肚又無乜藥食，確係唔好周圍去好，佢都係緊張你？
不過說話咁難聽？
1個讚
我都驚，屋企有未打針小朋友。
好彩今日退左燒。
即使已退燒，你其實唔肯定有冇帶菌，萬一傳染俾屋企人都係煩，暫時都係小心D好
係依家都係帶著口罩係屋企。
1個讚
樓主 今日有冇好番d喔