新冠肺炎持續，政府繼續收緊防疫措施禁止晚市堂食，於尖沙咀開設「蠔吧」的藝人黃宗澤（Bosco）早前變陣推出平民價早餐及西式盆菜救亡，為咗一班員工堅持繼續開店，而且承諾唔炒人、唔減薪兼有花紅，絕對係良心老闆。不過，近日其生意始終不敵疫情，決定宣布停業：「鑑於最近期疫情嚴重，帶來許多的不明朗因素，為保障客人及員工們的健康和安全，本店暫定由3月1日開始暫停業至3月6日。希望受影響的客人見諒。感謝各位客人的支持。
據知Bosco餐廳上月有員工家屬確診，已關門一周進行大消毒，而為保員工安全，佢便決定再停業一周，又指保守估計疫情下已損失過百萬，佢坦言生意難捱，但暫時對於會否放棄飲食生意仍有所保留，只表示待疫情過後再考慮。
對於旗下餐廳宣布暫時停業，黃宗澤接受東網訪問時也大感無奈：「夾埋停咗兩星期，因為員工屋企可能有人確診，都冇辦法，等開番再同員工開會研究，做吓外賣或者包裝食物，大家返屋企加熱就可以食得，真係冇計，都要頂住先。」
