事源尋晚我個仔訓唔好，隔個幾鐘就醒一次，搞到我成晚幾乎無訓過咁。
今朝10點要出門，訓醒就同我老公講左句我尋時無咩訓，（我無任何特別意思，我都唔記得左我點解咁講）之後佢望住阿仔講good job。我就同佢講你係咪五行欠打。
同下晝3點幾返屋企，佢想同我傾野，但我個人已經攰到進入放空狀態，佢叫我唔好發吽豆，我就同佢講，我今朝咪話左你聽我無訓，真係好攰啦。之後佢就有d發脾氣，就開始嘈左幾句。話佢都訓唔好但無出聲，話講下笑。我就同佢講我都知你訓唔好，但都唔係咁講野架，而且唔好笑。
你地覺得呢？係我無幽默感？但真係完全無笑點。
仲有其他例子，有機會之後係下面留言再講
乜嘢good job 
有啲似亞士保加症
成世人流流長，一次半次當開玩笑話吧，否則會好辛苦（成日就唔好，要攞出嚟傾）
good job就真係低能又唔好笑
如果只睇呢個例子，佢似係自以為風趣，但其實開口埋口都得罪人，我有個朋友係咁，次次講嘢得佢一個人笑，其他人會滴晒汗。
男人好多時都係咁，我已經教左佢乜都唔洗諗，只需要答「辛苦老婆啦」，「老婆你一定好XX(我當時狀態或心情，例如攰/唔開心/辛苦)啦」，我只係需要人關心下我
我覺得男人真係感受唔到女人想有人呵下佢既訊息
不過可能男人都有壓力冇心情呵女人
個人唔夠瞓聽到呢啲所謂幽默感真係好反感囉⋯⋯
所以果下我無再講，怕反應過大，係下晝佢再講，我先忍唔住
同佢講清楚或者丙佢兩句都好正常。
唔講比佢知收收埋埋，谷到自己好委屈。
Good job真係好正，我會問出諗住出咩人工請我