純呻…
上年7月入而家間公司, 諗返轉頭係有少少被騙, 佢背景係中資, 但interview 過程做到自己唔係 (5個interviews 4個interviewers 都係英文非常流利同外國style), 但入到去完全唔係同一回事 (竟然我部門超過8成人唔識英文, 淨係用簡體字
)… 但因為真係唔想整花cv, 而且個job title 係一個upgrade, 我決定捱1年. 最近公司大reorg, 日日都成1點先收工, 真係做到好洩氣好攰… 唯一精神上支持我嘅係4月派bonus… 另外啱啱出左通知, 做夠1年有個special bonus… 我諗真係要死都撐住… 
對樹窿呻完
咁一定要捱埋佢，之後先再打算…中資公司有冇WFH?
我做過中資, 真係難頂至極. 裡面有兩條STREAM, 刷鞋STREAM同做實事STREAM, 但係前者上位極速, 又唔洗點做. 雖然錢好多, 但我真係頂唔順.
只能講加油，捱埋４月，再捱埋去７月~～～～～
日日做到1 點，咁好辛苦wor, 如果好多錢就捱埋去
3月啦，捱多陣就到，頂住先，出埋bonus再諗
過來人 
成日要假樣對住D大陸佬上司
又要聽佢D廢話, 仲要扮到好認同
工作氣氛好差
唯一好既係成日派錢
但2019後已經頂唔順走人
加油！呢個時勢係要實際啲，睇錢份上好正常
好明白你
人以群分，希望快點到4月
我呢間有得WFH… 都算好彩, 但因為全公司都攞 laptop, 如果唔夠定力, 會好容易有返工無放工, 不停覆message. 因為班 big 6 完全唔會尊重人地嘅時間, 咩時間message 你都覺得理所當然
@Japanlover 你講得100% 中呀!!!
@notb6b6 因為我唔刷鞋所以我都 feel 到有時唔係幾中意我. 但我真係做唔出. 連叫咩哥咩姐我都唔會
其他人想比like 不過原來anonymous 唔可以… 但多謝曬大家鼓勵
中呀中呀! 不過我已經QUIT左好多年, 當時比較興打電話, 真係半夜三更打來. 我做嗰間係全球都有公司, 好心你望下人個時區先打來啦, 食食下飯又要聽你電話.
全中！！Big 6 自己做緊嘢就會搵你，完全唔睇時間，最討厭係佢哋如果星期一至五放公眾假期，係要星期六或日返工補返(working Saturday / Sunday), 然後佢哋會喺星期六/日搵你問公事，明明香港放緊假，又要覆佢哋，我次次都勁想講粗口。
@Japanlover 係喎… 夠膽同一日1點半約2點開會, 你做緊其他野無應機話你失聯… PK
呢樣野，非中資都試過，睇條友既jie
如果話香港人鍾意番工，大陸人簡直工作就係生命。
冇野好淨係識派錢，我朋友果間年尾花紅成6個月糧，但其實跟本就係扣起左年薪，用可加可減基制困住你個人。
中資好多裙腳仔
真慘！好彩望見終點！忍一忍衝埋佢！
做過中、港、美資，中資公司文化真係最最最差
純粹人治，大部分人做嘢都係為討好老細
無論老細idea幾差都要執行
同埋大陸老闆覺得出糧畀你，你就係奴隸
從來唔考慮同事感受
So true… 喺呢度我見過有big 6 同事因為OT + 壓力大做到身體有毛病, 喺公開場合仲要感謝公司 “比呢個機會佢”… 佢講到眼濕濕架, 相信唔係曲, 好恐怖
唔怪之得做中資做到變小粉紅