發現有腫瘤，癌指數有2xx
其他報告仲未出
準備會睇多個醫生
但銀糧有限，希望政府快啲睇到，排期中
晚晚擔心到瞓唔著
係咪好快要切個卵巢？
有買保險嗎?
咁你睇第一個醫生有咩建議比你?
第一個醫生話要盡快做手術
有保險但好基本，計過要貼一半以上
所以都好驚唔知點算好
係！卵巢癌 一定要盡快做手術，
你上網可以搵這方面資訊。
你係有唔舒服先去做檢查？祝平安！
1個讚
幾多歲喇？
如果唔細又生左小朋友，切左都係好既解決方法
1個讚
有無講係咪只有一邊有事? 係嘅話快快解決 
如果兩個醫生都建議做手術
都無可避免要畀錢
亦無得諗咁多 
尤其係而家公立醫院情況
疫情緩和非緊急服務先再排返隊
擔心你要等好耐 精神折磨仲影響病情 
公司有冇額外保險或者支援？
又或者可唔可以打去公立醫院講個情況要求提早見醫生同做檢查？
錢無左就再揾過啦. 唔好因為錢等政府.
睇多個醫生先決定啦.
3個讚
有冇返工?如有，公司有冇員工醫療保險？
有嘅話可以先claim公司醫療保險，未賠曬嘅金額再claim自己份保險。
謝謝大家關心
我就係靠公司保險，只得好少補貼
自己就只得危疾人壽
我知錢可以再搵，但盡量唔想問屋企人借錢
本身我無唔舒服，年年都做婦科檢查都無事
今年就照到一邊有腫瘤，我諗一年都大得算快
切都唔緊要，我都無打算再生，但佢仲細
所以大家都唔好慳，年年婦科檢查一定要
政府排得耐係做手術個part，可以考慮先係私家做手術，之後醫生寫紙返政府做後面嘅治療，咁會快啲，希望你一切順利 
帶埋報告去輪政府醫院，這個病有特快。
4個讚
係, 帶私家報告去政府醫健通排期, 2星期應可見醫生(平時)
1個讚
我11月全切，中大醫院用咗差不多14萬，公司claim 淨$17000自己比，而家好安心，唔使驚佢出事
想問中大醫院d服務設備好唔好？
介唔介意分享下你咩事全切？
仲有無後續要跟進？
由發現到入院排咗幾耐？
微創定開刀？
抖咗幾耐至返工？
身體感覺係點？
謝謝解答，滿腦子好多好多題
晚晚瞓得唔好
非常好，compare with 法國、浸會
1個讚
11月果陣，忽然個肚勁痛，白車去咗聯合急症室，懷疑盲腸炎，入院，每日食退燒藥和抗生素，禁止飲食，等照CT，因為已退燒，唔痛，白血球指數正常返，唔係最緊急病人，等唔到照CT，比張list叫我出去照，好慘咁捱咗一星期
之後去中大醫院，睇門診，叫我去樓上專科睇腸外科，李鳳儀博士一睇就話唔係盲腸炎，佢摸到我有粒好大嘅子宮瘤，叫我第二日入院照CT。
照完CT ，見到子宮內有粒9x12cm 大瘤，有一部份黑色，可能液化，也可能曾經爆裂，而令我勁痛，Janet 亦建議我照大腸，
當日見埋婦科醫生張德康，我仔話佢全港數一數二勁，張醫生建議我全部切除，因為我5x歲，子宮已冇用，亦唔知粒瘤係惡性或良性，全切最安全，咁就出院，安排三日後再入院照大腸，做埋切子宮手術，
中午入院照腸，發現有兩粒線瘤，即時切埋，第二朝做子宮手術，打橫切大刀手術，比意想中唔痛，嗰晚可以食飯，我住四人房即係大房，最cheap嗰隻，
但全程一個人住，好寧靜，全日可以探病，住咗四日出院，一星期後複診拆線，手術做得好好，六星期後再複診，病假都完，果段時間飲咗好多滴雞精，而家正常返晒
中大醫院硬件好好，夠新，醫生全部都好犀利，你可以search下，因為我要照大腸同埋做子宮手術，只可以一個手術有discount，如果淨係子宮，應該九萬幾埋單。
聯合醫院就好差，佢有同我照超聲波睇子宮，但唔覺得有問題，一星期嚴禁飲食，等照CT，結果係照唔到，又係痴線
8個讚
多謝你分享
感覺安心好多
介唔介意pm你問多少少？