悶悶地搵啲嘢嚟講
話說細個嗰陣時係我阿媽一腳踢搞掂我同阿妹，我老豆係從來唔會幫手所以完全冇湊細路嘅經驗
想分享吓我老豆嘅奇怪思想：
-
話說我兩個小朋友仲係幼稚園咁嘅歲數，佢想叫我帶小朋友去探佢。但係問題係，我係要搭飛機嘅，door to door 八個鐘…
同佢講話我一個人攪唔掂，佢竟然同我講話空姐會幫手
而到咗步之後，工人係會幫手，所以成件事根本好似食生菜咁易 -
我有返工，冇請人清潔，小朋友學業自己跟返，佢會覺得我仲係好得閒
苦中作樂，大家有冇嘢分享吓
2個讚
要跟小朋友學業(如果係香港傳統學校) 點會得閒
長老成日投訴我小朋友去佢屋企唔食飯，但係每次食飯前都係咁谷啲零食汽水畀佢哋氹佢哋開心
7個讚
我爸都係，3個女但一條片都唔識換
我都係自己有小朋友先發現呢個問題
冇既，又唔係我老公
但反思，我覺得我媽好傻
自己咩都做哂，個男人乜都唔識（湊細路方面)
咁姐係辛苦自己姐
可能年代唔同掛
但我會比我老公落手做，就算要執手尾都要做
3個讚
未落手落腳做過，唔知辛苦唔出奇。
講真，我都係結咗婚先知，原來浴缸係要刷洗，原來去水位頭髮係要執架咋…
1個讚
以前個年代係咁架啦
生仔又唔到女人話事，亦未必覺得自己可以話事先係問題
我老豆又係成日話我媽喺屋企湊仔好得閒，同樣地，我老豆完全無湊過小朋友，片都無換過一條。
我和小朋友（6個月大 時）去娘家，小朋友要換片，我哋會抱佢去主人房張床換。
我老豆：使咩咁煩，放喺大脾換片咪得。
我：你放一個6個月大嘅BB，喺大脾換一次片比我睇
我老豆：（唔出聲返自己房）
3個讚
真係好乞人憎，乜都唔識又比意見
1個讚
我有次去長老度食飯，我叫4歲女幫手搬櫈，長老同我女講「係架，唔幫手無得食飯架」
然後我望住一屋或坐或攤或躲在房，從來無見過佢地幫手開飯的人，心諗佢地係咪唔使食？
6個讚
係咪唔記得點換咋，隔左幾十年，唔記得唔出奇
唔係，相信佢冇做過或者不下十次
算吧啦佢
我老豆本來都喺咁。我BB出世時，叫佢和阿媽幫手睇咗半年，佢即刻投曬降。我工人到埗嗰日，佢放監咁款
1個讚
長老成日一到開飯時間，
大家幫手開飯。
佢見到小朋友有危險，
咪只係識坐喺到大嗌，
小朋友有危險，
你咁都唔睇個小朋友，
點做人阿媽個小朋友你無份架。
有次我喂bb食通心粉，
裝咗半碗，
佢不停話：唔好裝禁多，
喂左幾口不停話bb飽啦。
唔好再喂拉。 
62好鐘意同bb玩，又唔鐘意人地阻住佢同bb單獨玩，但每次叫佢睇實bb，佢真係用對眼睇住算，由得bb亂搞野同周圍摛
個女bb時同爺爺嫲嫲去酒樓飲茶
食食下聞到味 預備抱個女去育嬰室換
片
爺爺開聲話 換條片使咩咁巴閉去育嬰室
呢度換咪得 你驚人望你個女呀？
其實我真係唔想人望到
同埋去育嬰室換係衛生問題
唔關巴唔巴閉事架
2個讚
冇理由迫其他人食食下飯睇屎喎
1個讚
換咩都唔應該比人睇到啦！BB都要私隱架
1個讚
我奶奶以前做護士（七十年代），佢仲以為公立醫院生完bb有姑娘餵bb同照顧bb 、以為小朋友住院有姑娘照顧、有人餵食餵藥同看管、以為家長要返屋企唔準留喺病房。
你簡直講緊我99呀！