利申: 我153, 老公175
我仔一路都係矮, 讀小學時, 唔係排第一就第二…成日d人就話係咪食好少野, 唔吸收呀, 又話唔洗驚發育會高, 我自己知自己事, 根據遺傳公式計算, 佢應該只有170cm(+/-5cm), 我諗我點都拉低個仔…後來小學三年級, 帶佢去照骨齡, E生話佢骨齡細左一年, 所以如果跟骨齡計, 仔其實係正常高度…
大約去到11/12歲左右, 見佢開始有發育跡象, 佢當時大約143cm, 果年直頭標10cm左右, 我開心到不得了, 第二年繼續10cm, 我心諗掂呀, 再高多10cm, 咁就有173cm, 高過計出嚟, 我收貨啦…點知, 惡夢開始…
係高左20cm後, 佢突然慢左落嚟, 成十個月冇高過, 心諗, 死啦, 唔係停呀…上網睇好多資料, 話最好發育時再照骨齡, 因為荷爾蒙影響, 有機會骨齡行快左…照完, 心都實埋, 他當時163cm(14 years old), E生話骨齡快左兩年, 即係已經16years old, 一般男仔16years old骨就開始合埋, 只係得返3-5cm高, .大約18years old就完全閉合, 同埋E生話男仔標高既時候, 其實骨齡已經係約13-15years old, 個報告就預計佢成年後得167cm…唉, 死得, 男仔我始終覺得高大D好D…
我於是又上網睇好多資料, 睇吓要食咩, 做咩運動加強(佢本身淨係打basketball), 點樣可以延遲骨齡生長…我要求唔高, 170cm我收貨…就係咁, 由佢14開始, 我一路谷一路谷, 但又唔可以表現得太緊張, 因為我怕仔有pressure, 一面鼓勵佢, 一面谷佢, 佢而家仲有3個月就16 years old, 終於到左170cm…希望嚟緊呢兩年到18years old之前再高多少少…咁樣我就放心曬…
我寫呢篇野, 係希望有仔仔既家長留意, 仔仔標高既時候一定要做多D運動, 因為我已經遲左去谷, 發育過左就係過左, 大家努力!!!
