我之前巳經痛了一個月才睇醫生，睇了兩次，前後食了兩種抗生素加消炎藥，一共9日藥，今日食完，都未好，要改睇耳鼻喉醫生嘛？其實真係唔想再食抗生素了….可以點？
1個讚
中醫？
都係要食抗生素
有冇戒口？要食非常清淡，一定唔好食炸野
有時間多飲熱野，幫助整走啲膿
中醫要睇好耐嘛？
我之前都成日扁桃腺發炎，都係要食抗生素食足14日先好返
你食邊隻抗生素？我食 Fleming
我食Amoxycillin，還有Cephalexin, 你自己配藥，定醫生開比你？
一個稱職嘅中醫，點都好過你而家睇西醫成個月都搞唔掂先
個人經驗，本地大學畢業嘅中醫普遍水準都唔錯
可以比資料我嘛？
有幾間分店，睇吓啱唔啱你
唔該晒呵！
1個讚
Btw 我個衰佬以前未識我嗰時，都每個月傷風感冒扁桃腺發炎etc，之後我開始用湯水食療幫佢，後尾煲到煩煲到厭就轉左食supplement，加埋有住家飯食唔使食外賣，情況係有好大改善嘅
如果你都係嗰啲生活好忙，冇時間照顧自己嘅人，就好好諗吓啦
我有住家飯食㗎，都有食supplements, 扁桃腺發炎係呢個幾月既事，不過我都介緊食辣同咖啡，轉飲檸茶
可以試下留意自己咩事引起扁桃腺炎，
有時鼻敏感導致長期鼻塞/鼻水都可以係元兇
源頭解決問題可能會有用
1個讚
係囉，唔會無啦啦扁桃腺發炎，有食supplement都照發，真係要搵吓咩事啦
我有一排多左飲咖啡奶茶，都諗緊係咪因為咁，不過我扁桃線自細都係大的！以前少飲咖啡，好少發炎
所以我介緊辣同咖啡，睇下會否好d，不過我現在未好晒，諗緊改睇專科，定係點，始終唔係想食太多西藥！係咪一定要食藥清晒發炎先呢？
而家食緊嘅抗生素，一定要完咗個療程先啦， 同時間可以睇中醫，中西藥一齊食都ok嘅，都係隔幾個鐘嗰啲啦
好嘅中醫一定多人book，冇得今日book聽日架，要預時間
利申 我都唔鍾意食西藥，所以有嘢都會睇中醫先
今日食完，只係未好哂，所以問下大家跟住可以點清囉！
我都係天生扁桃腺大，試過發炎一個月都唔好，伴隨喉龍痛加大量白點，食西藥打針都齊哂，最後我每晚刷完牙用鹽水漱口，同埋嗰排飲好多好多水，終於好返，你可以試下
頭幾次係醫生開，Fleming 好有效
而家無再成日扁桃腺發炎，主要係因為個人健康咗，做多咗運動，飲多咗水