其實應該係打算移民，所以要賣樓…
話說我哋有層樓，係出租嘅，咁舊年年中決定會移民，所以就同租客講租約到期後唔會續租，並搵一間地產代理放盤。
至於放盤價，咪求其跟當時嘅放盤價(同某銀行估價差一大截)。
其間有幾個客想睇，不過一路都夾唔到時間
。
好啦，終於到租約期滿，收樓當日諗住去多幾間代理放盤。
咁啱遇到有人想睇樓，就陪佢哋睇埋屋先去地產舖。
去到地產舖，個經理氹我哋畀佢做獨家代理，又畀咗另間銀行嘅估價畀我哋(多過銀行A好多
)，咁就畀獨家佢啦。最多到期都賣唔出再放多幾間。
點知當晚個客就決定買，不過就只肯跟銀行B嘅估價。諗咗陣，決定去馬，早賣早了件心事。連水電煤都唔使再搞。
如果呢單交易上到報紙，應該會話「業主急放、劈價幾十萬賣樓」
。
賣咗樓，跟住就可以全力隔山買牛啦
。最終在平安夜 reserve 咗間 new build
當然亦會八掛吓間舊屋嘅估價:
有時都會講笑咁同另一半講，如果我哋遲2個星期賣，可能會賣多廿幾萬，移英後可以買㗎靚啲嘅2手車
不過如果等到宜家先賣得出，就要買間細啲嘅屋囉….
走得靚