差不多廿年前同拍左拖幾年既EX開始異地戀左幾個月，佢就搵左第二個，我冇飛番去搶番佢; 個女仔又同男友分左手 (係四角戀)，佢地一齊到依家結埋婚生左個仔。
耐不耐就經臉書共同朋友見到佢/佢老婆出既帖，生活越來越富貴&多朋友聚會&周圍飛去旅行。之前身痕主動搵佢老婆既IG睇，見到呢D就唔開心，咁就唔再搵黎睇，點知岩岩見到共同朋友分享佢地賣樓既帖，間屋又靚，地點又好！低能D諗，如果當初我一直喺佢身邊，個女主人就係我！但呢個世界冇如果…
自問我依家同老公2個人生活得都好平安愉快，各自收入都穩定+滿意，但同EX就應該冇得比。唔睇到EX好既時候我冇野，直頭唔會諗起佢，但當睇到佢D野時又好似有條刺，咩都唔想做啦。
冇野喇！我都係搵個地方發洩下，呢D咁低能既野，我開唔到口同認識既人講嘛。
多謝收睇，hahaaha
無人會將生活唔好一面放上網，你睇到的絕對唔會係事實的全部，何必自尋煩惱。
而且，你依家的生活都唔錯。
20個讚
家家有本難念的經
1個讚
唔開心就避開唔好睇啦，背後好多嘢又未必知無謂放精神係無關痛癢既人身上
3個讚
自己努力生活好過佢
真係覺得好唔平衡咪又曬下囉、唔一定要曬奢侈、可能整杯咖啡買件蛋糕喺枱面影下相、跑夠10k影下隻錶、影下行山相。
但佢又未必會睇你嘅相
又或者、佢地嘅移奢生活係面果浸、冇樓冇儲蓄唔通又話你知咩。
又或者block左佢、唔睇慢慢就唔會比佢影響到。
6個讚
UNFRIEND保平安
12個讚
你太得閒，搵啲野忙下
5個讚
我一早UN左啦，係D唔生性既common friend經常唔覺意share出黎咋。
不過睇到你地咁多位既留言，我已經冇野喇! 下次又不幸睇到，我會記番你地既留言，提醒自己冇需介懷。
多謝你地！
2個讚
yes, I am!!
番工冇野做。
番屋企又冇小朋友要照顧，淨係整下野食煲下劇打下機…
一個字 - 懶！
毒舌啲，你睇佢好姐
啲人好鍾意日曬夜曬最後咪又係離婚
佢又唔係李家誠咁有錢，出軌有咩好？！
專注返係自己，點樣令自己活得更好
6個讚
初初分手唔抵得好正常，不過都廿年啦，生活又無交集，如果仲係覺得唔開心就唔好再睇，block咗同佢嘅common fd保平安
2個讚
我都有好賤格咁諗: 個女仔當年可以背住男友同你一齊，日後都有可能背叛你; 仲有，佢家姐結埋婚都出去偷食，可能係家族DNA出錯…
既然都分開. 其實真係無需要再睇佢任何野.
而家眼前先係最重要呀. 直接BLOCK埋佢AC唔駛令自己再見到.
睇完唔開心又何苦呢? 人生已經夠苦了. 搵令自己開心既方法先係最重要
1個讚
呢啲情況好難搶返嚟喎
對你又已經悶咗
你又唔喺身邊，仲點抵抗日日喺附近嘅新歡? 咁咪直頭變成cheat?
你後悔自己冇爭取過?
但爭取冇用就諗多無謂啦!
1個讚
Reject 薑濤個女仔應該後悔過你 
12個讚
就算俾你同佢一齊,日日提心吊膽都唔會開心,係咪？ 
至少現在唔需要提心吊膽
1個讚
世上好多人事後都想"如果",自己做既野覺得冇錯而又活得開心就唔需要理會他人,當然都會有人明知錯還繼續做就冇野好講. 好像那位航空人員家屬冇週圍出街去,那兩位空服人仕自我刻制唔週圍去,自然就唔會發生最近社會咁大事件. 佢地而家都會諗"如果…"
1個讚
佢真係堅慘呀！hahahaa
真係認俾薑追過又衰，唔認又衰。
1個讚
嘩，你唔係係度呻，轉個頭想係度哂命下話？ 
生活得咁爽皮，使乜唔抵得人呀
2個讚
其實有呢種感覺好正常
我都唔會同分左手既前男友做番朋友
更加會專登唔睇佢地d FB IG
希望盡量唔好再聽到佢地既消息影響自己心情
同意樓上所講
通常FB IG 都係曬命
只俾你睇到表面風光架咋
1個讚