因疫情關係我覺得應該直到學期完都冇得返學，所以我啱啱打電話去學校(劵幼)幫仔仔退N班。
個校長一聽到我話要退學就即刻話“有津貼都要退學呀！？”一嚟就兇我，我唔知N班都有津貼，佢話之前公佈咗一月開始會退$1000，二月打後好似會再有多啲，“你之前有交學費就有得退㗎啦! 你等多兩日睇下有冇公佈多啲津貼先啦！”一直係用唔客氣嘅態度去同我講嘢，我有啲俾佢嚇親，都保持禮貌問佢退學手續啲，問問吓佢cut咗我線，勁冇禮貌，佢咁嘅態度我更加唔想留喺呢間學校啦 
我明白老師學校都要繼續運作要錢，但我覺得家長都有權選擇啫
cut線？唔係化
邊區邊間呀？講嚟聽吓
你肯定同你對話個位係校長？
咁無禮貌，早退早著
阿嬸年紀？
佢呢排應該接好多呢啲電話
同埋可能收生不足會影響間學校攞津貼之類?
所以就好唔耐煩
理解嘅
互相體諒啦
如果係我，會 “I am writing to inform you that…” email 退算
通常都要written notice
同埋避免尷尬
cut線過份咗… 我覺得學校驚個個咁做執得緊張得滯無注意情緒 
cut咗線? SORRY 咁1000蚊既津貼我都唔會要.
轉做書面通知佢地退學.
呢D係咩老師??
好想知邊區
同佢講移民囉！
唔奇呀，做校長唔代表佢品德出眾架，分分鐘下面d老師仲識做過佢。有時見到校長d款都唔明點解做到校長
興德個校長已經係典範
仲有有個叫老師去自己屋企畫壁畫嗰個，大法官個妹
哎呀係喎，胡官個妹
荃灣區邨校
一開頭係個老師聽，跟住佢話俾校長同我講
五十歲左右女人，因為我逢星期六要返工，所以家長會我都去唔到，係我老公負責；平時我送仔仔返學，我只見過佢一次。
係喇我蠢咗，其實只係想問佢清楚手續嘅嘢，好surprised佢咁嘅態度，因為平時兩個班主任都好nice好有耐心，同埋間學校出名有愛心
唉，佢門面功夫都唔做好，真搞笑
冇錢就冇愛心，邊間都係。驚你退學之後其他家長又跟風，幾個老師一齊炒魷又行政大亂。又或者可能你打去嗰陣，啱啱有好多個都同樣話要退學，一次過收咁多個壞消息就唔好彩攞你出氣。
唔係話你，退學完全係你嘅權利同自由，但我睇得現實，唔信「愛心學校」。學校唯一會禮貌恭敬就係去到教育局或者見報。