無痕無痛無長期食藥
已經持續有個幾月，有時淡黃色，有時係茶色
護墊一定吸唔曬，要用m巾先得，仲要有時her一堆分泌出嚟
驗咗唔關念珠菌同其他陰道炎問題
宜家又再等種菌報告同照ultrasound
唔知關啲咩事，好擔心
唔知有無姐妹同我有相似經歷分享下？
我未試過，會唔會做埋抹片?
我都有分泌多呢個問題，多到條底褲冇乜日子乾過。
係十幾歲已經係咁樣，應該冇問題因為冇痕冇痛而且情況係穩定一樣。
啲分泌係透明或者白色，就真係好似瀨尿咁，去廁所係要用力痾佢地出黎。我估茶色係乾血？
我諗緊係咪自己體虛或者乜嘢…
疫情好怕睇醫生
但真的好困擾
準備會照ultrasound同抹片
但醫生話我情況唔似子宮問題
有講過可能咩都驗唔到，無得搞
問個唔多關事嘅問題，有冇打到針？
我都係算多分泌果啲，但係冇你哋咁誇張。十幾歲果陣用護墊見到係綠色嘅，本身唔想整污糟條低低所以用，但係反而焗到生粒粒。
出來做野之後都睇左兩三次醫生，拎過分泌出來驗。第一次驗話冇野，之後飲多啲紅莓汁，著多啲裙就好左啲。
上年又覺得返返來，成日有啲濕嘅白色粉漿咁，但係又冇臭，醫生驗果陣話似念珠菌，俾左一星期塞藥。點知驗出來又唔係，只係有啲腸道菌，食左一轉抗生素就完。但係而家都係keep住有水加粉咁嘅分泌，加上大便時就一定會係陰道推一大PAT青/透明嘅啫喱出來。遲啲諗住再去睇
有打針，但隔咗半年有多，應該唔關事
我又無青色嘅分泌，但有時都幾watery, 望到有一絲絲
中醫我都會試下
上網查過呢個問題叫「帶下」
多謝你分享！
係日日持續定某啲日子比較多？
我都有呢個煩惱，去到排卵期前會有好多分泌一大pat，個幾日換墊換得好密。
過咗個排卵期又正常番…
以前就好似你咁，一段時期特別多
整整下宜家日日都咁多
係每天……
已經長期每天用m巾好一段日子喇
我係青春期就開始分泌物好多
曾經睇過一排婦科，都搵唔到咩原因
醫生亦都唔覺得好大問題
只要唔係臭、冇變色，即係唔係細菌感染就得
而家為有護墊換密啲
每次換都會用女性專用濕紙巾再抹乾淨
我係日日都有一大灘，只係有啲日子會乾爽啲，應該係 M 到之前兩三日或者係谷 M 遲左嗰幾日。分泌會多到 feel 到佢出黎，就要衝去廁所，一坐低就好似 M 咁跌出黎。
上網睇都係話無異色無異味就係正常，其他野就有圖睇但呢啲肯定冇圖冇樣睇，同朋友同事講都尷尬，真係唔知自己係咪正常。有時候覺得濕得咁多係咪其實有辦法解決。有試過勤換底褲，一濕就換唔好 up 住，結果一日都用左 3 條。要日日用護墊又會敏感唔舒服，而且開支都會大左。好煩！
Sorry 唔係想嚇你
不過建議你睇多幾個醫生，唔好拖
睇左一個YouTube 香港女仔又係咁
抹片檢查一直正常
內檢拎組織化驗原來係cancer
仲因為拖耐左本身有得醫變冇得醫
希望你唔係cancer，但一定一定要同醫生提出做多幾步檢查
我試過呢個情況，但係係懷孕期間
多謝你分享！
我會搵個婦科醫生再check，希望搵到原因
醫生有講過有可能hormone問題，咁就無得搞，希望唔係咁
屋企人都係咁, 佢係舊年轉左工之後係咁, 睇左西醫check左幾次都話冇問題, 而家睇中醫調理緊, 佢話而家護墊都唔敢用, 淨係轉左著左抗菌under
我唔係分泌過多，而係成日痕 痕到要用力R, 所以會損 同流血，但係食咗女性益生菌就有改善。
我都試過，困擾左一年有多，痕到癲
後尾先發現係洗底底問題，換曬成批+買左枝洗底底專用的洗衣液，咁就無翻發了
我早排都係咁
又係好多分泌 但唔痕又冇味
check左原來係"衣原體"
有時間既可以去社會衛生科check下
我生完小朋友都多咗好多分泌，睇過婦科check過晒，無搵到原因。
之後我耐不耐會睇中醫調經，有同醫師講依個問題，佢有講過下成因（不過唔太記得點講
），然後開藥都有特登加針對依個問題嘅藥，食藥嗰排係會有幫助，不過就唔知有冇得調理到斷尾
可以用布護墊啊，咁就可以換密d又唔使成條底底換
- 試下係屋企只著闊腳褲，唔著under，通風d 唔焗住會好d
- 祼睡都可以
- under要定期換，唔好著太緊既款式