哩幾個星期日日都灰濛濛，日落夜落，令人好懷念陽光。
個個都講去英國，咁哩度又有冇人諗住去澳洲？
澳洲天氣好，物價比起英國低啲啲，但最低工資比起英國高好多，可惜多蛇蟲鼠蟻
1個讚
我
除左天氣好，最低工資高，
澳洲近香港d，有咩事要番香港都近少少。
同埋可以帶長老走。
可惜門檻同政策變化得快，所以冇英國加拿大咁易留低。
你唸住去澳洲邊度呢？
1個讚
澳洲難入籍囉
係？
唔係pr後住4年就ok？有其他要求嗎？
住過幾年, 蛇 真係無見過
蟲鼠蟻 點都有見到
但最最最驚係… 2隻拳頭咁大既蜘蛛(未計腳) 
個次我都fd係露台吹水, 突然個fd叫我返D返入屋, 佢話有蜘蛛
即刻炸炸林起身, 開門, 等fd入黎, 即閂, 轉頭再睇下, 真係cls, 大隻到 
但我仍然好想返去, 但返到去, D野比以前貴, 景色依舊 … … …
有得揀, UK, CA, AU
我都想揀AU, 但唔易拎到PR, 就算佢而家有HK stream
讀書入籍似乎加拿大易啲
你係已經係澳洲定仲係香港？
我原本係諗英國，但條數計唔掂，就諗會唔會澳洲就會行得通。
澳洲嘅話，我地可能會揀塔斯同珀斯，墨爾本太多華人應該就唔會諗啦
澳洲仲有樣野唔好，就係多烏蠅，仲要專飛埋塊面到
係，最慘係啲政策時時變
2個讚
加拿大係直頭送咁濟
肯讀同俾學費就搞掂，好唔話得。
同埋當地人好歡迎新移民，歧視唔嚴重，係個好地方。
3個讚
回憶總是美好的
未起行，計劃中
英國唔係英澳加中比較易嗎？
澳洲你唸住讀書定491/190？
文化一定係英國，人就加拿大，食物天氣就澳洲
不過澳洲嗰種乾法，濕疹者唔好搏
我當初聽到Stream A都呆咗
係
但資金唔多，所以諗埋澳洲哩條路有冇得走。
同埋哩度個個都講英國，諗住帶旺個場，等想去澳洲嘅都一齊分享下
讀書啊，上網睇過，好似偏遠地區讀兩年就可以唔洗再讀。
1個讚
仲諗住乾爽啲，可能濕疹都會易好啲添
我冇乜邊次去澳洲唔爆
不過睇你邊隻濕疹，我係humidity低就發，我知道有一隻係掉轉，愈濕愈發
3個讚
哩兩日你有冇發？我小朋友今日又起粒粒痕到佢係咁R
1個讚
如果後生(<33yo)，英文ok嘅話都有得唸，
行唔到hk stream可以行189/190。
否則budget啱啱好揀讀書，會否考慮加拿大？
讀完就可以申請留低。
同埋如果唔揀擇，加拿大易搵工，識人落地一個月都冇就已番工。
澳洲搵工都聽聞唔算太易，醫護除外。
呢兩日我超舒服，啲痕褪曬
我嗰啲係乾疹
係咪英國啱我？
係, 人生中最開心個幾年, 無憂無慮, 淨係讀好書, 照顧好自己就得
咁當然, 都有唔好既, 比較有印象既係, 成日都有人問你拎1,2蚊, 或者煙仔
錢多數我都話無散字, 煙仔多數都比, 唔比佢地都唔會點
係唯一一次, 係火車站比人問拎唔知1蚊定煙仔, 我答佢無啊~
佢爆粗, 應該係飲醉左, 佢鬧完之後, 有對aussie couple(都銀髮) 走埋黎問下我地有冇事, 需唔需要幫手
跟住又諗起, 有次去fd屋企打機, 打到點幾, 我一個女仔返行屋企 (大家都住得好近, 10分鐘都唔使既步速, 突然有架車砵我, 嚇得我, 但原來佢係問我, 使唔使車我返屋企, 話而家好夜, 1個女仔係街唔安全, 呢D都係我呢世都會記住, 世界上有好人, 問多一句都可以幫到人, 亦都好多謝, 感激佢地問我
令我"學識"其實可以關心一D你唔識既人, 只要你個下覺得人地有需要, 自己都可以出聲問下人使唔使幫手
sorry, 離晒題添,
開頭都有諗過讀返書, 但格左咁耐, 開始見到年紀大, 去讀書, 都有機會被reject
4個讚