如題 有無咩好方法介紹
唔洗咁早，2歲鬆啲都可以，我2個小朋友都係戒奶嘴就係靜雞雞剪爛個奶嘴，跟著等佢自己發現，爛咗用唔到就叫佢自己拋落垃圾桶，久而久之，幾個奶嘴冇曬就戒咗
1個讚
我係咁岩佢好驚個恐龍汽球
有一日話隻恐龍擔走咗佢
就無再食
大約幾歲戒
會唔會影響d牙嘅生長？
會唔會哨牙？
我媽話我細個食得奶咀多，個咀同d牙都唔靚
而家我b得半個月大，已經成日要奶咀
我個時「做戲」同小朋友講個奶嘴好臭
聞下，作嘔
叫姐姐一齊聞一齊「嘔」
之後我問去女想唔想聞下，佢話唔想
我問佢「咁臭，我哋掉左佢好冇？」
佢話好，之後我係佢面前掉左
（其實收埋just in case 唔work
）
不過佢之後都冇再要求奶嘴
1歲幾戒，自然淘汰法，爛咗奶嘴唔買，爛一個掉一個
最後一個奶嘴爛時同佢講：最後一個奶嘴爛咗了，你自己掉咗佢落垃圾桶，以後唔用啦。
佢掉奶嘴落垃圾桶後，同奶嘴講Bye bye, 然後就戒咗了。
應該係2 歲
我兩個小朋友啲牙冇哨喎。
差唔多兩歳戒，因為呢個年紀會聽得明大人講嘢，叫佢自己掉奶咀落垃圾桶，bye bye奶咀，咁就戒咗。
我囡啱啱一歲 同佢戒緊奶咀
其實就係愈來愈少俾佢 同唔係瞓覺就唔會俾
唔使好急咁戒 會喊到癲
慢慢搞咗個幾月 差唔多戒哂
2歲前戒。小朋友好倚賴日食夜食，唔主動同佢meet甩唔得，但又唔想太傷害佢心靈情況下，我地同奶咀開farewell party, 作個故事奶咀要去第2家幫小bb, 多謝奶咀一直對小朋友既幫忙，再見。
仲幫奶咀送禮物比小朋友來reward小朋友已大個左，之後小朋友心癮起，我地都拎份禮物出黎以解小朋友相思之苦。
我覺得要睇小朋友性格。可能覺得我地做戲做全套好誇張，但好有效同埋學識感恩。
就快3歲，夜晚訓覺都係要奶嘴先訓著。不過我唔覺得有咩壞處，佢訓得好最緊要。
我順其自然，佢未ready就唔會迫。
fyi，佢d牙非常之靚，訓得好，勁高大。