我明白，但呢啲人係唔值得同情，唔值得自由
香港走到2022年你仲覺得個comfort zone重要過人身安全，咁唔該貴客自理，唔好阻住地球轉，唔好喺呢啲移民posts學人講移民
你話老公唔肯走，大家諗辦法點說服佢老公（好似早排有個姊妹withdraw申請）
你話層樓未賣到，大家教點做
你話老人家有病走唔到，大家送上安慰
但講明擔心咩搵唔到食，退休唔知點，搵多幾年錢先然後一大堆理由9up，嘥時間
11個讚
淨係亞視冇糧出都仲有人日日返工就知
6個讚
唔係完全冇轉機嘅，可能維尼出事
不過假如佢永續，香港就只會仆街落去
其實係，公司都咁多人一路鬧一路做
鬧都算啦
返工為出糧，無糧出仲係咪一份工？
1個讚
我兩公婆，無小朋友，帶住幾十個就走左
黎左9個月
屋租連稅 1000磅
食 400磅 (無呃你，自己煮真係好平)
巴士月票 兩個人108磅
水電 120磅
雜費(日用品etc) 100
兩個人 一個月預鬆少少 1800磅左右
有小朋友唔差太遠 番學唔洗錢
食？食得你幾多
但租屋要租兩三房 預1100-1500(睇你租乜)
預2000-2200磅一家三四口左右
呢個係慳住洗但又未到窮洗既數
申請Visa，落地交一年租，洗左20萬港紙左右
有小朋友 預多十萬一位
我黎到兩個月後就有工番
我老公穩工無咁順利，但番下temp工，接下job
呢一年叫打個和，收支平衡唔洗淨洗老本
的確，我一個人打工(最底工資)係唔夠cover所有野，但如果兩個人都打份最底工資，係有錢儲
數，就俾左你參考，你諗清楚
生活呢？我認係捱緊，有失落，有唔開心既時間，但整體係輕鬆過係香港，我無後悔
如果你問我，如果係(以前既香港) 我唔會走！
個啲成日話穩多幾年錢既，通病係預期係香港份工依然明朗，生活質素唔變，拎香港既人工同英國既唔好去比較，永遠要拎盡著數，咁祝你好運
乜係香港就唔洗捱？呢個就睇你對香港未來前景有無信心，如果有信心，乖乖留係香港，香港係福地
但如果你對香港前景係無信心，係香港捱，係英國都係捱，我會答你我係英國係捱得有價值，因為我睇到希望，我努力係改善到生活
無一個地方係完美，英國都有佢唔好既地方，接受唔到，唔好黎，無接受改變既覺悟，真係唔ready去走，唔係人走你又走
當初落地我連一句完整句子都up唔岀
今日我同到local人傾針
我寧願打兩份part time去接觸唔同人，不停聽不停放膽講，生活上應付到
如果唔想捱，唔好走，留香港，真既！
唔係走左去就解決所有野，係陌生地方生活都有好多難關
但當香港情景有一日差到令你後悔當日唔走個陣，唔好怨，因為有班人係英國捱緊既時候，你唔係依然係香港過緊安逸日子咩？
如果你覺得今日香港都過得好唔開心，你拎住舊錢既意義又何在？
無論走左既好，唔走既都好，其實大家都係放手一搏
朱古力味既屎，同屎味既朱古力
我選擇屎味既朱古力，因為始終都係朱古力
因為我個人感覺，留係香港，係食得屎
我個人意見
你岩，無錢真係係唔可以移民
如果係走難既決心，咁錢就唔會係首要考慮因數
36個讚
要加油呀 
你一個case已經講曬重點，我冇補充
勁
1個讚
如果學樓上話齌咁易走香港唔會一年先走得個10萬人咁少啦，來之前我都覺唔使諗太多快d走先再算，但來左之後我又反而覺得原來現實中真係好多問題要處理，唔係想像中咁易，錢係其中一樣，全世界都共通嘅就係冇錢寸步難行，來到真係冇哂錢又有仔女真係冇人可憐你，係香港咁舒適地方生活慣又係咪捱到呢，講就好易嘅，所以有仔女的確要考慮多好多，湊仔係一件7x24年中無休亦無人可以幫你做的工作，亦唔係d未有仔女的人可以想像到，所以覺得自己忟忟地來個d真係要做多d功課，唔好人來你又來，亦唔會再鬧人點解咁都唔走係咪on9架呢d咁難聽嘅說話，而有能力但又唔捨得香港份人工之類個d我就唔講啦，個d自己諗。
9個讚
冇小朋友其實真係易好多，幾十個走絕對冇問題，2個都出去做野係絕對餓唔死
2個讚
點解要講到唔走嘅人好唔啱咁? 每人都有佢自己嘅原因。好似我有個朋友，佢同佢老公都係黃，有小朋友，超想走，但係佢老豆前2年過咗身，佢阿媽好需要人照顧，而個阿媽又老紀大，唔想移民，咁可以點? 唔通扔底個阿媽去走難?
學樓上話齋，如果走得咁易嘅，我諗起碼有200萬人即走啦。 移民呀，唔係去旅行呀，唔係話執個喼就走得㗎，實在有好多野要考慮
5個讚
係，口講就易，做又係咪做得到，老老實實，如果冇小朋友，我地神早就飛咗啦。
諗返起當初有5+1嘅時候，英國都仲爆到狗彩，大家都未敢話要打針，做人家長係咪放得心，要個未戴得口罩嘅bb冒咁大風險上飛機
明白其他層主咁激動都係苦口婆心
題外話啊，依家話想申請都仲難左啲啦，我地原本book 去青衣做tb test, 依家又話疫情嚴峻青衣冇得做，要轉去其他地方做
中年個 d 冇糧出都未必走
的確係嫁，我兩公婆無小朋友，走係容易
有小朋友係要顧慮好多
所以我擺埋條數岀黎清楚話大家知基本生活需要係幾多，如果連基本既錢都未有
一係儲夠先走，一係留底
如果要用現有生活質素搬去另一個地方，每個人對生活質素要求唔同，有人幾十萬就夠，有人幾百萬都唔夠，就係睇有無接受改善既決心囉
調番轉，大把家庭走難咁走正正因為小朋友
因為小朋友既生活環境，教育既改變令到家長有決心甘心捱都要為左細路而走，我真心好敬佩佢地，我走為自己，你可以話我自私，無所謂
有小朋友好，無小朋友好
有錢好無錢好
每個人生活都有困難有顧慮嫁啦
我一樣有朋友一家三口加隻狗拎住幾十個過左黎
有朋友夠哂錢生活但未適應，好似困住左係屋企，世界得湊小朋友，又擔心得老公一個人維持生計而抑鬱
樓主個topic講緊錢
我咪用錢既方向去講
至少唔會一句（無幾百萬幾千萬生活唔到囉）
4個讚
你真係講到中曬point, 忍唔住戴返個頭盔嚟讚你
妖，我老公就係呢啲港豬囉仆街，話唔捨得屋企唔捨得香港乜乜77，最L嬲平時就唔見佢咁孝順，之前成日話香港迫到仆街唔係人住，到而家叫佢移民啦又話覺得無需要走 。
喇星，已經講話佢去到無嘢做都唔緊要，我養起頭家，衰起上嚟最多去做雞(講笑)，都日日喺度放負話我迫佢，話離婚又唔肯，如果第時真係走唔到累左小朋友我真係X佢
5個讚
即使如此，都只係畀返個假象大家，整體方向係唔會變
如果一個勁想走一個死都唔肯，我讚成離婚。
等於一個要生仔，一個唔肯生
大事大非上，兩個人目標要一致，否則冇乜事成世埋怨好麻煩。
唔會有離唔到婚
3個讚
我以為風水原因，所以話 2023. 風水豪講 d風水佬一路話差一路留係香港。
如果睇到咁差，走好過自殺。
兩公婆，冇細路寵物，好易走。買張機票就得，d嘢去到再買過
2個讚
講你都未必信，我真係連文件都做好曬 (我根本做呢行!)，我拎文件叫佢簽佢就會打溫情牌，又話點捨得呢? 點捨得你同個女呢……下刪1萬字廢話，又話如果我決意走嘅佢都會死死地氣上機，但覺得自己去到會生無可戀……
到我話咁你係走就要預備嘢，我要申請，佢就完全無action! 我已有BC, 用 spouse settlement visa 申請佢，佢一係要考英文試，一係要去攞naric 證明大學係用英文授課，如是我已經叫左成半年，毫無寸進…… 於是周而復始我又講離婚, 佢又挽留，過幾日又放負，我又爆粗反枱……