佢係咪真係揾多一年可以唔駛做先
1個讚
應該唔係。
但儲多年，2020, 2021先黎，都可以多幾萬掛，點都好過少幾萬。
多幾萬就好好而唔考慮盡快走，咁根本唔應該走
本身有幾百萬，幾萬根本唔係咩錢
本身有幾十萬，幾萬亦無謂等，反正都要捱
6個讚
問題就係唔願意捱
講就樣樣都肯做，做落就樣樣都唔得
返夜夜晚唔瞓同返早 4am起身都唔得
所以呢啲人同上面某啲人應該收皮
最憎搵借口拗左拗右而唔認清事實唔承認自己軟弱無能嘅人
3個讚
有 d 人係唔願捱
有 d 真係身體捱唔到，呢 d 就冇辦法
呢 d 情況，留港比較適合
1個讚
雖然你講得好狠，但忠言逆耳，好認同你所講嘅野，英國開放得呢個visa，係一個比spouse visa容易n倍嘅visa，門檻咁低，究竟情況有幾嚴峻先會令英國肯咁做。
將來我地嘅地方情況唔樂觀，不斷出手段阻住晒，呢個應該大家都feel到，而英國我亦唔覺得佢有能力無止境咁放人入黎，係要鬥快囉。
10個讚
多謝你，我之前喺度少啲仲plan生bb嘅人仲狠，不過都過去了，我收斂少少，費事啲人又話我衰又盛
你話坦言放唔低香港、有老人家、冇錢、老公唔願走、英文完全唔得、唔願捱，完全冇問題，係valid concerns，我自己都有家庭考慮未走。而幾年後香港變成點最多搏一鋪，你話係咪worse到新疆咁，我自己睇係一半半。但點都好，我冇小朋友，我有自殺準備，同老公講叫佢攞我錢娶過個快啲走，我死就死啦。我講真，唔係吹水
但你話有小朋友仲左度右度，講到尾仲嫌三嫌四，連退休都諗埋，呢啲人根本係連5＋1係乜都唔知，根本豬底，見人走又想走，又唔捨得
上Titanic救生艇仲要嫌隻艇污糟、細、好似Titanic自己個房舒服啲喎、去到New York會唔會好凍㗎，嘢食得唔得㗎。食屎啦
10個讚
但唔聽既人都冇計
我而家都唔講lu
免得又話我係人地傷口撒鹽
不過慶幸係
匿名之後有好幾個人都講自己移左民
佢哋捨得香港份人工移民
以小朋友為先
一句丫：你試下BNO開放比強國人，你睇下人哋肯唔肯捱？仆街都仆去呀
因為香港豬唔知咩叫做自由無價，身在福中不知福，被人劏緊都唔知
強國人知道，所以一有機會會爭取，偷渡呀，嫁阿伯都在所不惜
正常黃絲一定明白過去英國為乜，唔會喺度鳩up話過去做咩？老咗會點？
15個讚
呢個世界就係有啲onx無極限嘅人
三十年代猶太人會嫌美國生活指數高，做唔返原本工種，退休plan差過德國而留喺德國囉又
一念之差就入毒氣室，仲講人壽、退休，哈哈哈
7個讚
又比唔到
添！
Well said呀!
過到黎（特別係無錢果批 例如我）雖然好多難題同擔憂，但係呢啲都係可以克服嘅，包括捱窮。
但最起碼無左最大嘅擔憂「走唔到」，呢樣係話之你儲多幾百萬都唔會改變到，如果真有咁嘅一日。
覺得唔會有封艇/新疆化呢日嘅人，仲要唔認係港豬，咁我都唔知講咩好喇……
我唔熟歷史，但起碼知道南北韓、東西德 突然破碎左幾多家庭。
5個讚
我覺得你都係緊張大家，抱住救得一個得一個嘅心態黎講呢啲說話，唔係真mean，真mean果啲係會想對方衰，唔抵得人地好過自己。
呢個比喻好貼切，我有個朋友有晒條件，猶豫走唔走，最後決定唔走（連資料搜集都未做），我覺得好可惜，但另一個朋友就話唔係人人都啱移民，外國適應唔容易，但之後嘅香港又適應得到嗎？
5個讚
溫水煮蛙，對腳都半熟啦，梗係唔想跳，又暖，又香！
3個讚
其實香港人始終有香港人的mindset.
曾經睇過一個youtuber, 佢唔明點解咁吸引的offer, 香港人要考慮咁多, 唔見啲東歐人成家大細一家幾口要考慮咁多, 佢地應該性格比較樂天和隨心, 都係煮到埋來就食嗰種.
2個讚
因為香港人以往太幸福，學校都分曬階級，左揀右揀
我當然希望救得一個得一個，呢度幾多人老公唔肯走，幾絕望，我睇得多都肉痛
將來香港會點？就算唔係新疆，都起碼係大灣區，咁對好多人嚟講仲係ok嘅，起碼買嘢方便，食嘢多選擇，港豬冇乜所謂囉，佢哋唔會care貪污、環境、生態、冇自由、被監控呢啲issues
8個讚
唔係個個肯跳出comfort zone, 同埋面對新環境都會有擔心，你睇唔少人幾唔鍾意間公司都唔肯走，就係因為怕出到去唔適應，就知道呢個心理關口其實好難跨過
2個讚
你講左我心聲，每次我睇左新彊集中營啲相，我係會諗如果仔女被捉入去點算？
但我同身邊所有人講冇人理我，覺得我諗多咗！
我離開係因為頂唔順白癡正苦，自己每日情緒好低落，見到咁多不公平嘅事唔開心，越來越有危機感。
我去英國係走難，如果選擇移民地方我唔會揀英國，去英國手續申請係簡單同方便，有小朋友的話state school 係免費。至於洗得最多錢係開初租屋添置傢俬等，有工作基本上都夠應付日常開支，呢邊就未必做得返之前嘅工種，要有心理準備。
英國生活簡單冇咁物質化。呢邊冇人逼你檢測冇人逼你打針冇封網，有言論自由，呢啲就係我想要嘅嘢，慶幸嚟咗呢度！
9個讚