有呢個 anonymous, 真係可以好白, 好暢所欲言咁講曬我心中既糾結出黎
我都就快40. 之前做印刷公司執笠, 而家搵工中, 但因為自己做呢行, 係香港既廠越黎越少
好想轉第二行, 我有post 自己D工作經驗, 都有D invitation, interviews見下
但因為真係轉行有好多都唔識, 加上自己interview技巧都麻麻, 所以都無成功
然後前幾日我見到有印刷廠既工, 都send左application
佢約我下星期interview
做太耐印刷, 我其實唔係好知而家出面D工, 係咩人工, 要求D咩 (最多係問識唔識excel 砌formula, 老實, excel我真係唔識, 我淨係識用 ms access, 因為個時有時會好得閒, 用excel 放圖 file size好大, 所以我揀左access build up 左個簡單 system比自己用)
然後我問自己, 今日佢請你, 咁五年, 十年後,
你仲可唔可以搵到印刷廠既工 ?
印刷真係少左好多廠
我真係有D迷網…
依家咁嘅時勢，有工見丶有工返已經算好，唔好諗咁長遠，有其他工請你咪當嘗試囉
認同啊，如果搵到一份自己好熟悉嘅工種當然會安心好多。但樓主都知道印刷呢行情景，仲要加上呢個時勢，如果有其他工俾機會見同試。即管去做吓。唔好怕失敗
有工返對我黎講, 係唔使係屋企悶, 無工返真係件好悶, 好悶既事
所以, 我都係應該再搵下其實工種??? (當然印刷都會搵, 但廠真係好少, 其他有關印刷既工,
都係請D唔係我做開既位, sales, specialist , designer…
好想比個心心你, 但anonymous 左 
咁好彩, D人無踩2腳 ( 想當年, 睇文話D mean HR會話, 你咁既年紀先轉行, 好難喎, 又咩都唔識, 好彩, 亦希望唔好遇到呢D人)
我都想, 但唔係咁多其他行有feedback 
我會努力再試搵印刷+其他行業
(其實好想搵D 賣食品野, 始終食物可以一世…掛?? 個個人都要食
咩都試下，橫掂你都有想轉行嘅心
好，咁我就收咗你
先
其實見工唔排除見到呢D HR，真係會有。而且有D人高高在上。聽到嗰吓當然會有Hard Feeling㗎。咪當俾個機會自己再了解吓行情囉。又當俾番個機會自己練習番見工技巧壯下膽。唔係壞事㗎。
所以我支持你除咗印刷，都搵吓其他行業。唔好諗太多，啱嘅工就Send CV出去。到時有人真係搵你見工，咪當人哋都想俾個機會你，雙方了解吓囉。加油啊
係, 要轉, 其實應該趁後生轉
有心唔怕遲, 希望上天對我好D, 比個機會我遇到份兩方都岩心水既工
係呀, 見份工, 發現其實自己有好多野都未聽話, 唔識, (我明人無十全十美, 但我好鈕意學下唔同既野, 咁人生先係盡慶 (但我就做唔到張張利)
謝謝你呀, 你既留言, 令我有好正面既感覺, 個心有定一定, 最唔鐘意呢D不安感
個人會好亂, 謝謝你, 謝謝你, 謝謝你 
你要求人工幾多？轉行如果唔介意少人工、揀啲技術性低啲嘅通常都ok
對上一份唔過3個月既工, 我最初開萬五, 係咁比朋友們鬧我開得低…
我真係唔知咩算係人工高 / 低
技術性低 <— 但我仍然想做office工
(中五+overseas 4年, 十幾年工作經驗)
萬五係少，你參考下其他人
我諗都係, 因為對上一次問我幾錢人工, 我話15000, 佢個驚嚇樣. 
… 我開頭以為太高
之後同朋友講, 佢話係太低
我之前有搵過 salary range, 不過printing 無我個位
搵其他行業又唔準
而家真係摸石過河咁
唯有一D一D咁加上去
你要對自己有信心，你開個價佢比唔到佢自己會出聲，洗乜你諗
我反而覺得，你而家可以借勢見工時講你想因此而轉行, eg 你係一個穩定嘅人，所以做咗x年，雖然要搵過份工，但亦都係而家公司/印刷業嘅情況俾咗呢個諗法你係時候要轉行，視之為一個機會俾自己有個新嘗試。年齡唔係問題，最緊要抱住正面心態。
——> 用哩樣嚟包裝自己（sorry我解釋得麻麻地，希望你明）
（當然見工時你咁講都要諗吓點樣好好裝備自己，等佢覺得你做得來新嘅行業）
耐冇見工面試真係要練，可能要寫定啲Points睇吓講得順唔順，對鏡練/ 用電話錄低自己對答（睇番自己表情可以點改善etc），online 見工要留意下鏡頭擺位角度燈光背景，如果有機會面對面見但係又戴口罩，得番眼神交流…. 都係要留意嘅細節
祝你成功
反正都係，我會試吓轉行